Antoine Griezmann ត្រូវបានកាត់ប្រាក់ឈ្នួលប្រមាណ៤០ភាគរយដើម្បីអាចចូលរួម Atletico Madrid ជាថ្មីពីក្លិប Barcelona។ នេះបើតាមព័ត៌មានដែលទទួលបានពីវេបសាយ Goal.com។
Griezmann បានធ្វើការផ្ទេរយ៉ាងគួរឱ្យភ្ញាក់ផ្អើលនៅថ្ងៃចុងក្រោយនៃការដោះដូរ ដោយត្រលប់ទៅ Atletico Madrid វិញ ខណៈ Barcelona បានព្រមព្រៀងកិច្ចសន្យាខ្ចីជើងឱ្យ Atletico ក្នុងរយៈពេលវែង។
ខ្សែប្រយុទ្ធជនជាតិបារាំងរូបនេះ ស្ថិតនៅក្នុងចំណោមកីឡាករជាច្រើនដែលបានចាកចេញពីទឹកដី Camp Nou ដោយក្លិបព្យាយាមកាត់បន្ថយលើការចំណាយប្រាក់ឈ្នះកីឡាករ ដូច្នេះពួកគេត្រូវលះបង់ ដើម្បីអាចធ្វើឱ្យគម្រោងដំណើរការទៅបាន។
តាមប្រភពពី Goal.com បានឱ្យដឹងថា Griezmann ទទួលបានប្រាក់ឈ្នួលជិតពាក់កណ្ដាល ដើម្បីអាចត្រលប់ទៅ Atletico វិញ ប៉ុន្ដែក្លិបការពារជើងឯកលីគកំពូលអេស្ប៉ាញ មិនចំណាយថ្លៃខ្ចីជើងឱ្យទៅ Barca ក្នុងរដូវកាល ២០២១-២២ នេះ ក្រៅពីប្រាក់ឈ្នួលរបស់ខ្សែប្រយុទ្ធវ័យ៣០ឆ្នាំ។
ប៉ុន្ដែប្រសិនបើ Atletico ចង់ខ្ចីបន្ថែមមួយរដូវកាលទៀត ពួកគេត្រូវចំណាយឱ្យ Barca។
Atletico នឹងផ្ដល់ជូន Barcelona ៤០លានអឺរ៉ូ ដែលរាប់បញ្ចូលទាំងលក្ខខណ្ឌផ្សេងៗ ដើម្បីនាំយក Griezmann មកធ្វើជាកីឡាករអចិន្ដ្រៃយ៍របស់ពួកគេ ក្នុងករណីដែល Griezmann បានលេងយ៉ាងហោចណាស់៥០ភាគរយនៃចំនួនប្រកួត ក្នុងរដូវកាល ២០២២-២៣។
ប៉ុន្ដែបើ Griezmann មិនអាចធ្វើបានតាមការព្រមព្រៀង និងលក្ខខណ្ឌដែលក្លិបទាំងពីរបានចរចាត្រូវរ៉ូវគ្នា Atletico មិនត្រូវចំណាយសម្រាប់ Barca ឡើយ៕
ប្រភព៖ Goal
អានអត្ថបទបន្ទាប់៖ Pique ប្រាប់ពីទំហំពេលវេលាដែលក្លឹប Barcelona នឹងត្រលប់មករកភាពល្អប្រសើរវិញ
ដោយសារតែបញ្ហាផ្ទៃក្នុងមួយចំនួន ក៏ដូចជាជួនពេលជ.ម្ងឺរា.តត្បាត COVID-19 បានបន្តអូសបន្លា.យរយៈពេលយូរ ក៏នាំឲ្យក្លឹបធំៗជាច្រើននៅតំបន់អឺរ៉ុប ប្រឈមនឹងវិប.ត្តិហិរញ្ញវត្ថុកើតឡើង ហើយក្នុងចំណោមនោះ គឺក្លឹប Barcelona ហាក់ធ្លា.ក់ធ្ងន់ធ្ងរជាងគេ ដោយលឺថាជាប់បំ.ណុលដល់ទៅជាង ១ ពាន់លានដុល្លារ។
យ៉ាងណាក្រោយការមកដល់របស់ប្រធានក្លឹបថ្មី Joan Laporta បញ្ហាទាំងអស់ ក៏កំពុងឆ្ពោះទៅរកដំណោះស្រាយបណ្តើរៗ តែយ៉ាងណាវាក៏ទាមទារពេលវេលាច្រើនឆ្នាំដែរ ទម្រាំអាចត្រលប់មកដល់ភាពល្អប្រសើរដូចកាលពីប៉ុន្មានឆ្នាំមុនវិញ។
បើតាមការយល់ឃើញរបស់ Gerard Pique បាននិយាយអំពីការដឹកនាំរបស់ប្រធានក្លឹបចាស់ និងពេលវេលាដែលក្លឹបត្រូវការដើម្បីស្រោច.ស្រង់ស្ថានភាពបែបនេះថា៖ “ខ្ញុំមិនអាចនិយាយថា Josep Bartomeu គាត់ជាប្រធានក្លឹបដ៏អាក្រក់បំផុតឬអត់នោះទេ តែតាមអ្វីដែលខ្ញុំបានឆ្លងកាត់ គាត់ត្រូវតែនៅទីនោះ យើងទាំងអស់គ្នាសុទ្ធតែមានកំហុស ហើយវាជាការពិតដែលក្លឹបមិនអាចឈានដល់ចំណុចមួយដែលប្រជាជនកាតាឡាន់ទាំងអស់ចង់បាន”។
លោកបន្ត៖ “ឥឡូវនេះ ខ្ញុំមានក្តីសង្ឃឹមនិងកំពុងរំភើបចិត្ត ដោយជឿថា ៥ ឬ ១០ ឆ្នាំទៀត គ្រប់យ៉ាងនឹងល្អបំផុតសម្រាប់ Barcelona ដោយលោក Joan [Laporta] គាត់ត្រូវការពេលវេលាបន្ថែមទៀត ហើយគាត់ក៏បានជ្រើសយក Koeman ជាអ្នកចាត់ការដ៏សក្តិសមឥតខ្ចោះពេលនេះ”៕
ប្រភព៖ Marca