ប្រធានក្លិប Barcelona លោក Joan Laporta បានអះអាងថា Lionel Messi នៅតែមិនអាចបន្ដរួមរស់នៅទឹកដី Camp Nou បានឡើយ បើទោះបីជា Antoine Griezmann ចាកចេញពីក្លិប។
Barca បានប្រឈមនឹងបញ្ហាហរិញ្ញវត្ថុដោយក្លិបយក្សនៅ La Liga មួយនេះ បានជាប់បំណុលប្រមាណ ១,៣៥ពាន់លានអឺរ៉ូ ដែលធ្វើឱ្យ Messi ចាកចេញទៅចូលរួម Paris Saint-Germain យ៉ាងគួរឱ្យភ្ញាក់ផ្អើល។
ប្រធានក្រុម Gerard Pique, Sergio Busquets, Jordi Alba និង Sergi Roberto បានព្រមព្រៀងកាត់ប្រាក់ឈ្នួល ដើម្បីអាចធានាកីឡាករចំណូលថ្មីដូចជា Sergio Aguero អាចចុះឈ្មោះចូលរួមការប្រកួតរដូវកាលថ្មីបាន ខណៈ Griezmann បានត្រលប់ទៅ Atletico Madrid វិញ នាថ្ងៃចុងក្រោយនៃការដោះដូរ។
ទោះយ៉ាងណាក្ដី Messi នៅតែមិនអាចបន្ដនៅលេងឱ្យ Barca ផងដែរ បើទោះបីជា Griezmann ចាកចេញក៏ដោយ។ នេះបើតាមការអះអាងរបស់ប្រធានក្លិប Laporta។
លោក Laporta បាននិយាយថា៖ “អ្វីដែលបានកើតឡើង ជាអ្វីដែលត្រូវបានពន្យល់។ មានស្ថិតិដែលអាចធ្វើការប្រៀបធៀបបាន។ Messi មិនអាចនៅបន្ដបានទេ បោះទោះបីជា មានការចាកចេញរបស់ Griezmann រួមជាមួយនឹងការកាត់ប្រាក់ឈ្នួលរបស់ប្រធានក្រុមក៏ដោយ។ ប៉ុន្ដែវាសំខាន់ត្រង់ថា យើងបានបន្ថយគម្លាតប្រាក់ឈ្នួល ព្រោះឆ្នាំក្រោយយើងអាចមានមហិច្ឆិតាធំ”។
ប្រភព៖ AS
អានអត្ថបទបន្ទាប់៖ ទា.ល់ខ្លាំងហើយ! City នឹងប្រើប្រាស់កីឡាករដែលគេសឹងភ្លេចឈ្មោះ មកជួយពេលប៉ះ Leicester
ក្លឹប Man City នឹងត្រូវចូលជួបក្រុមម្ចាស់ដី Leicester City នៅវេលាម៉ោង ០៩:០០ នាទីយប់ ថ្ងៃសៅរ៍ ដែលនឹងមានផ្សាយផ្ទាល់លើទំព័រ CTS Sports។ នេះជាប្រកួតជុំទី ៤ បន្ទាប់ពីមេឃខៀវ ឈ្នះ ២ ចាញ់ ១ ឈរលេខ ៧ បណ្តោះអាសន្នក្នុងតារាង។
យ៉ាងណាការប្រកួតនៅលីគ PL ទាំងមូលសប្តាហ៍នេះ គឺមានរឿងគួរឲ្យចាប់អារម្មណ៍បន្តិច ដោយ FIFA បានសម្រេចដាក់ពិ.ន័យទៅលើកីឡាករប្រេស៊ីលចំនួន ៨ រូប ហើយក្នុងចំណោមនោះមានសមាជិករបស់ City ២ រូបដូចជា Ederson និង Gabriel Jesus ដោយពួកគេនឹងខកខានការចូលរួមជួយក្លឹបរយៈពេល ៥ ថ្ងៃ។
ដូច្នេះមានន័យថា តំណែងអ្នកចាំទីរបស់មេឃខៀវនឹងត្រូវប្រគល់ទៅឲ្យដៃទី ២ តែគាប់ជួនអីដៃទី ២ Zack Steffen ពេលនេះតេស្តឃើញវិជ្ជមាន COVID-19 កំពុងសម្រាកព្យាបាលថែមទៀត អ៊ីចឹងលោក Pep Guardiola មានតែប.ង្ខំចិត្តត្រូវប្រើប្រាស់ដៃទី ៣ នោះគឺ Scott Carson។
គ្រាន់តែនិយាយឈ្មោះ ក៏អ្នកគាំទ្រ City ភាគច្រើន មិនច្បាស់ថាជានរណានោះដែរ ព្រោះអីធម្មតាហើយដៃទី ៣ មិនងាយបានលេងឡើយ លុះត្រាតែទា.ល់ខ្លាំងដូចស្ថានភាពពេលនេះ។
តាមពិតទៅ Carson ជាអ្នកចាំទីចាស់វស្សាដែល City ខ្ចីជើងពី Derby បាន២ រដូវកាល ហើយទើបតែយកមកផ្តាច់នៅរដូវក្តៅកន្លងទៅ។ លើកចុងក្រោយដែលគេបង្ហាញខ្លួនពេញ ៩០ នាទីគឺនៅថ្ងៃទី ១៤ ឧសភា ឆ្នាំ ២០២១ នាជំនួបជុំទី ៣៦ ដែល City កាលនោះយកឈ្នះទៅលើ Newcastle ៤-៣៕
ប្រភព៖ AF