សួរថានរណាគួររ៉ាប់រងបាល់ប៉េណាល់ទី រវាង Messsi, Neymar និង Mbappe សម្រាប់តែ Herrera ឆ្លើយបែបនេះភ្លាម

ថ្មីៗនេះខ្សែបម្រើ Ander Herrera បានបង្ហាញពីទស្សន:របស់ខ្លួនមួយចំនួន ជុំវិញតួនាទីស៊ុតបាល់ពិន័យប៉េណាល់ទីសម្រាប់ក្រុម Paris Saint Germain នៅរដូវកាលនេះ ក្រោយការមកដល់របស់ខ្សែប្រយុទ្ធ Lionel Messi ។

Lionel Messi 

ពិតណាស់ Messi ត្រូវបានដាក់ឲ្យលេងរួមគ្នាជាមួយ Neymar និង Kylian Mbappe ជាលើកដំបូង អំឡុងការប្រកួតទល់ក្រុម Club Brugge នៅក្នុងពានរង្វាន់ Champions League កាលពីពេលថ្មីៗកន្លងទៅនេះ ។

Neymar , Kylian Mbappe , Lionel Messi  

ទន្ទឹមនឹងការលេងរួមគ្នាជាលើកដំបូងនេះផងដែរ ធ្វើឲ្យមានមតិជាច្រើនងឿងឆ្ងល់ថា នរណានឹងអ្នករ៉ាប់រងស៊ុតបាល់ប៉េណាល់ទី ខណ:កន្លងមក Neymar ធ្លាប់មានជម្លោះជាមួយអតីតមិត្តរួមក្រុម កីឡាករ Edinson Cavani ចំពោះមុនតំណែងមួយនេះ ។

Neymar ,  Lionel Messi   

ប៉ុន្តែទោះជាយ៉ាងណាក៏ដោយ Herrera បានបញ្ជាក់ថាបញ្ហាមួយនេះមិនត្រូវបានលើកយកនិយាយនោះឡើយ ពោលគឺចាប់តាំងពីការមកដល់របស់ Messi ។

ខ្សែបម្រើសញ្ជាតិអេស្ប៉ាញរូបនេះ បាននិយាយប្រាប់ Marca ថា ៖ ” តាមពិតទៅមុខតំណែងនេះ នៅមិនទាន់បានសម្រេចនៅឡើយនោះទេ ហើយពួកយើងក៏នៅមិនទាន់បានពិភាក្សាចំពោះរឿងនេះផងដែរ ប៉ុន្តែខ្ញុំដឹងច្បាស់ថាខ្ញុំនឹងមិនដណ្តើមពួកគេទេ (សើច) “ ។

Neymar , Kylian Mbappe , Lionel Messi

គេបន្តទៀតថា ៖ ” ខ្ញុំមិនដឹងថានៅពេលទទួលបានបាល់ប៉េណាល់ទី តើពួកគេនឹងធ្វើការប៉ាវ ស៊ីងស៊ុង ឬយ៉ាងណានោះទេ (សើច)។ ប៉ុន្តែបច្ចុប្បន្ននេះខ្ញុំមិនមានយោបល់ចំពោះរឿងនេះនោះទេ ” ៕

ប្រភព: Soccerladuma

អានអត្ថបទបន្ទាប់៖ ស៊ុត​ចូល​ប៉ុណ្ណឹង​ហើយ តែ Owen បែរ​ជា​រិះគ.ន់​ Lingard រឿង​មួយ​នេះ​ទៅ​វិញ

Jesse Lingard គឺ​ជា​អ្នក​រក​បាន​គ្រាប់​បាល់​ទី ២ ដែល​ជា​ការ​យក​ ៣ ពិន្ទុ​ចុង​ម៉ោង​នៅ​ជ័យជម្នះ​ទៅ​លើ West Ham កាល​ពី​ចុង​សប្តាហ៍ តែ​យ៉ាង​ណា​សម្រាប់​ខ្សែ​បម្រើ​សញ្ជាតិ​អង់គ្លេស​រូប​នេះ ក៏​មាន​ទាំង​មតិ​សរសើរ និង​មតិ​រិះ.គន់​នៅ​ក្រោយ​ចប់​ការ​ប្រកួត។

Owen
Lingard

ជា​ការ​ពិត​យើង​បាន​ឃើញ​ហើយ ពេល Lingard ស៊ុត​បាល់​ដ៏​ល្អ​នោះ​ចូល​ទី គេ​ពុំ​បាន​បញ្ចេញ​ស្ទាយ​អបអរ​អ្វី​នោះ​ទេ ព្រោះ​ជា​ការ​គោរព​ទៅ​ដល់​អតីត​ក្លឹប​ចាស់ ដែល​គេ​ធ្លាប់​ខ្ចី​ជើង​ទៅ​ចូលរួម​បាន​មួយ​រដូវ​កាល​ ហើយ​នេះ​លេង​នៅ​មុខ​អ្នក​គាំទ្រ​ក្រុម​ញញួរ​រាប់​មុឺន​នាក់​ថែម​ទៀត។

យ៉ាង​ណា​ពាក់ព័ន្ធ​នឹង​ការ​ដែល​មិន​អបអរ​នេះ នាំ​ឲ្យ Michael Owen មាន​ការ​យល់​ឃើញ​ថា វា​ជា​រឿង​ដែល​មិន​មិន​ល្អ​ទៅ​វិញ ព្រោះ​អី​ហាក់​ដូច​ Lingard លេង​មិន​លះ​ទាល់​តែ​សោះ អ៊ីចឹង​សារ​ក្រោយ​បើ​បាល់​ល្មមៗ​កាត់​ឲ្យ​មិត្ត​រួម​ក្រុម​ចុះ មិន​បាច់​ស៊ុត​ទេ។

Lingard

Owen និយាយ៖ “ការ​បញ្ចប់​ទី​មួយ​គ្រាប់​នោះ​គឺ​ពិត​ជា​ស្អាត​ណាស់ តែ​អ្វី​ដែល​ខ្វះខា.ត​បំផុត គឺ​ការ​ដែល​គេ​មិន​អបអរ ខ្ញុំ​មិន​អាច​ជឿ​បាន​ទេ ថា​កីឡាករ​មិន​អាច​អបអរ​ពេល​រក​បាន​គ្រាប់​​បាល់​ទល់​ក្លឹប​ចាស់ ហើយ​នេះ​សល់​តែ ២ នាទី​ចុង​ក្រោយ​ទៀត ដូច្នេះ​ប្រសិន​គេ​មិន​ចង់​ស៊ុត​ទេ គួរ​មិន​រីករាយ​នឹង​ការ​ស៊ុត​ទេ គេ​គួរ​តែ​បញ្ជូន​បាល់​ទៅ​ឲ្យ​អ្នក​ផ្សេង បើ​ស្ថិត​ក្នុង​ករណី​ហ្នឹង”។

Lingard

គួរ​បញ្ជាក់​ថា Lingard ​ក្រោយ​ពី​បាន​ខ្ចី​ជើង​លេង​ឲ្យ West Ham រដូវ​កាល​ចាស់ មក​ដល់​ពេល​ចុង​ក្រោយ​នេះ លោក Ole Gunnar Solskjaer ហាក់​ប្រើប្រាស់​គេ​ញឹកញាប់​ជាង​មុន ជា​ពិសេស​អាច​ថា​មក​ពី​ការ​ជំរុញ​ពី Cristiano Ronaldo ផង ព្រោះ​អី​លឺ​ថា CR7 ចង់​បាន Lingard ឲ្យ​រួម​ជើង​ច្រើន​លើ​ទីលាន៕

ប្រភព៖ SportBible