ក្រុមការពារជើងឯក Atletico Madrid នៅរដូវកាលថ្មី ២០២១/២២ ហាក់បង្ហាញទម្រង់លេងមិនជាល្អឥតខ្ចោះដូចរដូវកាលមុននោះឡើយ ជាក់ស្តែង ៧ ជុំដំបូង ឈ្នះ ៤ ស្មើ ២ ចាញ់ ១ មាន ១៤ ពិន្ទុឈរលេខរៀងទី ៣។
ការធ្លាក់ចុះបន្តិចនេះ ត្រូវបានអ្នកគាំទ្រកំពុងយល់ឃើញថា ប្រហែលជាដោយសារវត្តមានរបស់ Antoine Griezmann ដែលទាញការលេងរបស់ក្រុមទាំងមូលមានការធ្លាក់ចុះ ព្រោះកំឡុងពេលគ្មានកីឡាករបារាំងគឺ Atletico មានស្ថិតិល្អជាង។
បុរសវ័យ ៣០ ឆ្នាំ បានបង្ហាញទម្រង់លេងមិនល្អនោះទេ ដោយមកទល់ពេលនេះ មិនទាន់ Assist ឬបង្កើតឱកាសដ៏ធំគួរឲ្យចាប់អារម្មណ៍ណាមួយនៅឡើយ។ កំឡុងពេលដែល Atletico លេង ៣១៥ នាទីលើទីលាន ជាមួយការមាន Griezmann គឺក្លឹបមិនទាន់រកបានសូម្បីតែមួយគ្រាប់។
ផ្ទុយទៅវិញពេលលេងដោយគ្មាន Griezmann នៅរដូវកាលដដែល រយៈពេល ៤១៥ នាទីលើទីលាន គឺក្រុមរកបានដល់ទៅ ៩ គ្រាប់ឯណោះ។
បញ្ជាក់ថា Atletico Madrid នៅប្រកួតចុងក្រោយ បានចាញ់ Alaves ១-០ ដោយពេលដាក់ Griezmann លេងប្រយុទ្ធស្មើ Role របស់ Luis Suarez។ ស្ថិតិសារនោះ ឃើញថាក្រុមមានឱកាសស៊ុតច្រើនគួរសម តែការស៊ុតចំគោលដៅធ្វើបានតែ ១ លើកគត់៕
ប្រភព៖ SportBible
អានអត្ថបទបន្ទាប់៖ អត់រាប់អ្នកចាំទី Ronaldo បានពិន្ទុទាបជាងគេ ខណៈកីឡាកររូបនេះឈ្នះ MOTM
ការប្រកួតរវាង Man Utd និង Aston Villa បានបញ្ចប់ទៅក្រោមលទ្ធផល ០-១ ដែលក្រុមម្ចាស់ផ្ទះបាត់បង់ការយកបានសូម្បី ១ ពិន្ទុពីក្រុមភ្ញៀវ។ ទម្រង់លេងរបស់ក្រុមទាំងមូល ឃើញថាខាងម្ចាស់ផ្ទះស៊ុតនោះស៊ុត តែស៊ុតអត់ចូលសូម្បីមួយគ្រាប់ រួចការស៊ុតប៉េណាល់ទីចុងម៉ោងក៏ខកខានថែមទៀត។
ផ្អែកតាមការវាយតម្លៃក្រោយចប់ការប្រកួត យើងឃើញថា Cristiano Ronaldo ទទួលបានពិន្ទុទាបជាងគេប្រចាំក្រុម ដោយបាន ៦,៣ ពិន្ទុ បន្ទាប់ពីមានស្ថិតិគ្រប់គ្រងបាល់ ៣,៣ ភាគរយនៅចំណែកក្រុមជារួម ហើយស៊ុត ៤ លើក និងមានអត្រាបញ្ជូនបាល់ជោគជ័យ ៧១ ភាគរយ។ នេះបើដកមិនរាប់ឈ្មោះអ្នកចាំទី។
ដោយឡែកកីឡាករបានពិន្ទុខ្ពស់របស់ United មានដូចជា Bruno Fernandes និង Aaron Wan-Bissaka បាន ៧,៥ ពិន្ទុ ហើយ Mason Greenwood បាន ៧,៣ ពិន្ទុ និង Harry Maguire បាន ៧,១ ពិន្ទុជាដើម។
ទៅមើលខាង Aston Villa អ្នកឈ្នះ Man Of The Match បានទៅលើខ្សែការពារ Hause ដែលរកបានមួយគ្រាប់ បាន ៧,៨ ពិន្ទុ រីឯអ្នកបន្ទាប់គឺ Luiz ជាអ្នក Assist បាន ៧,៦ ពិន្ទុ និង Konsa/Mings បាន ៧,៣ ពិន្ទុជាដើម៕
ប្រភព៖ WhoScored