ក្លឹបតោខៀវ Chelsea ហាក់ចង់នាំចំណូលចូលក្លឹប ជាជាងការបន្តរក្សាជើង N’Golo Kante ដល់អស់តម្លៃខ្លួននៅចុងខែមិថុនា ឆ្នាំ ២០២៣។ តាមផែនការណ៍ក្លឹបម្ចាស់ដី Stamford Bridge មានបំណងចង់លក់ចេញកីឡាករបារាំងត្រឹមរដូវក្តៅខាងមុខ ពោលគឺមុនផុតកុងត្រារយៈពេល ១ ឆ្នាំ។
បញ្ជាក់ថាបុរសវ័យ ៣០ ឆ្នាំ កន្លងមកបានដើរតួជាកីឡាករសំខាន់របស់ Chelsea ក្រោយផ្ទេរចេញពី Leicester នៅឆ្នាំ ២០១៦ ហើយបង្ហាញខ្លួន ២២៤ ប្រកួត ជួយក្រុមលើកពាន Premier League, FA Cup, Champions League និង Europa League។
យ៉ាងណាលោក Thomas Tuchel យល់ឃើញថា កត្តាអាយុរបស់ Tuchel ក៏កាន់តែជ្រេហើយដែរ ដូច្នេះចង់យកអ្នកថ្មីមកជំនួសតំណែងរបស់លោក តែមិនទៅយកខាងណាឆ្ងាយទេ ពោលយកយុវជននៅក្លឹបស្រាប់មាន Conor Gallagher និង Billy Gilmour។
ការផ្ទេរចេញ Kante ទំនងជាមានក្លឹបធំ ២ ចាប់អារម្មណ៍ ដោយអាចជា Paris Saint-Germain ឬ Real Madrid តែវាក៏ស៊ីស.ងលើការសម្រេចចិត្តរបស់សាមីខ្លួនផ្ទាល់ផងដែរ។ តាមហាងឆេងថ្លៃខ្លួនខ្សែបម្រើវ័យ ៣០ ឆ្នាំ អាចថ្លៃប្រមាណ ៥៥ លានអឺរ៉ូ៕
ប្រភព៖ Sportsmole
អានអត្ថបទបន្ទាប់៖ Ronaldo បង្ហោះសារប្រាប់ទៅមិត្តរួមក្រុមបែបនេះភ្លាម ក្រោយចាញ់ Villa យប់មិញ
ក្លឹបបិសាចក្រហម Man Utd មិនអាចយកបានសូម្បី ១ ពិន្ទុពីក្រុមភ្ញៀវ Aston Villa ក្រោយបរាជ័យក្រោមលទ្ធផល ០-១ ហើយ Bruno Fernandes ជាអ្នកខកខានការស៊ុតប៉េណាល់ទីចុងម៉ោង ដើម្បីតាមស្មើ។
យ៉ាងណាក្រោយចប់ការប្រកួត United ដែលខកខានការយកបានពិន្ទុនៅជុំនេះ ក៏ធ្លាក់មកដល់លេខ ៤ ហើយក្លឹប Liverpool ឈរកំពូលតារាងមាន ១៤ ពិន្ទុ។ តាមថាជុំនេះ ជាជុំដ៏ងាយសម្រាប់ក្រុមលោក Ole បើធៀបនឹងក្រុមឯទៀត ហើយក៏អាចឡើងមកឈរកំពូលតារាងបណ្តោះអាសន្នដែរ ប្រសិនយកបាន ៣ ពិន្ទុ។
និយាយក្រោយចប់ការប្រកួត Cristiano Ronaldo ក៏បានបង្ហោះសារលើបណ្តាញសង្គម Instagram ថា គ្រប់គ្នាត្រូវតែពង្រឹងភាពរឹងមាំត្រលប់មកវិញ ព្រោះ ១ ពិន្ទុក៏មានការរាប់បញ្ចូលដែរ ដូច្នេះមានន័យថា ទោះស្មើ ក៏គ្រាន់ជាងចាញ់។
តារាឆ្នើមវ័យ ៣៦ ឆ្នាំសរសេរ៖ “នេះទើបតែជាចំណុចចាប់ផ្តើម តែក្នុងការប្រកួតនៅលីគរឹងមាំដូចជា Premier League ទាំងអស់ រៀងរាល់ពិន្ទុទាំងអស់គឺមានន័យនឹងត្រូវបានរាប់បញ្ចូល ដូច្នេះយើងត្រូវតែប្រតិ.កម្មឲ្យបានឆាប់រហ័ស ហើយត្រលប់មកបង្ហាញភាពរឹងមាំរបស់យើងវិញ”។
គួរបញ្ជាក់ថា ប្រកួតបន្ទាប់ក្រុមដឹកនាំដោយលោក Ole Gunnar Solskjaer ត្រូវប្រកួតទល់ Villarreal នៅ UCL នាពាក់កណ្តាលសប្តាហ៍សិន មុនទៅតតាំង Everton នៅជុំទី ៦ នៃក្របខ័ណ្ឌ Premier League នាចុងសប្តាហ៍ថ្មី៕
ប្រភព៖ TheMirror