Man City បានលេងគ្របបិទជិតសឹងគ្រប់តំណែងលើទីលាន ទល់ក្រុមម្ចាស់ដី Stamford Bridge កាលពីយប់មិញ ហើយមិនបានបើកឱកាសឲ្យខាងម្ចាស់ផ្ទះស៊ុតចូលគោលដៅសូម្បីតែមួយជើង។ ជ័យជម្នះ ០-១ ល្មមឲ្យក្រុមលោក Pep Guardiola យកបាន ៣ ពិន្ទុ នៅជុំទី ៥ PL កាលពីយប់មិញ។
ក្រោយចប់ការប្រកួតមតិខ្លះរិះ.គន់ទៅលើទម្រង់លេងរបស់ Romelu Lukaku ដែលថាមិនបានបង្ហាញភាពខ្លាំងនៃការបញ្ចប់ទី ដូចប្រកួតសព្វមួយដងទាល់តែសោះ តែតាមការយល់ឃើញរបស់លោក Thomas Tuchel ជាអ្នកចាត់ការឯណោះ បានបញ្ជាក់ថា វាគឺជាកង្វះខាតនៃការផ្សារភ្ជាប់របស់ក្រុមទាំងមូល មិនមែនជាកំហុសរបស់ Lukaku តែម្នាក់ឯងទេ។
និយាយក្រោយ Chelsea ស៊ុតចំគោលដៅ ០ ជើងលោក Tuchel ថា៖ “ខ្ញុំគិតថា មិនមែនជារឿងដែលត្រូវនិយាយពី Lukaku លេងមិនបានល្អថ្ងៃនេះទេ តែផ្ទុយទៅវិញដោយសារក្រុមយើងមានកង្វះខាតមនុស្ស វាបាត់បង់ការជឿជាក់ ការតភ្ជាប់ពីខាងក្រោមមក ដូច្នេះជាបញ្ហានៃក្រុមតាំងមូល មិនមែនជាបញ្ហាបុគ្គលណាម្នាក់ឡើយ”។
ជាការពិត មតិពីអ្នកវិភាគខ្លះក៏បាននិយាយដែរថា ប្រសិន Mason Mount មិនមានបញ្ហារបួ.ស ហើយមានវត្តមានក្នុងប្រកួតយប់មិញ ម្ល៉េះ Chelsea ប្រហែលមានសាច់បាល់លេងល្អជាងនេះ ហើយលទ្ធផលក៏អាចជាល្អប្រសើរផងដែរ។ ក្រៅពី Mount យប់មិញ Chelsea ក៏គ្មានជើងប្រយុទ្ធស្លាបសំខាន់ Christian Pulisic ម្នាក់ទៀតផងដែរ៕
ប្រភព៖ Metro
អានអត្ថបទបន្ទាប់៖ Ronaldo បង្ហោះសារប្រាប់ទៅមិត្តរួមក្រុមបែបនេះភ្លាម ក្រោយចាញ់ Villa យប់មិញ
ក្លឹបបិសាចក្រហម Man Utd មិនអាចយកបានសូម្បី ១ ពិន្ទុពីក្រុមភ្ញៀវ Aston Villa ក្រោយបរាជ័យក្រោមលទ្ធផល ០-១ ហើយ Bruno Fernandes ជាអ្នកខកខានការស៊ុតប៉េណាល់ទីចុងម៉ោង ដើម្បីតាមស្មើ។
យ៉ាងណាក្រោយចប់ការប្រកួត United ដែលខកខានការយកបានពិន្ទុនៅជុំនេះ ក៏ធ្លាក់មកដល់លេខ ៤ ហើយក្លឹប Liverpool ឈរកំពូលតារាងមាន ១៤ ពិន្ទុ។ តាមថាជុំនេះ ជាជុំដ៏ងាយសម្រាប់ក្រុមលោក Ole បើធៀបនឹងក្រុមឯទៀត ហើយក៏អាចឡើងមកឈរកំពូលតារាងបណ្តោះអាសន្នដែរ ប្រសិនយកបាន ៣ ពិន្ទុ។
និយាយក្រោយចប់ការប្រកួត Cristiano Ronaldo ក៏បានបង្ហោះសារលើបណ្តាញសង្គម Instagram ថា គ្រប់គ្នាត្រូវតែពង្រឹងភាពរឹងមាំត្រលប់មកវិញ ព្រោះ ១ ពិន្ទុក៏មានការរាប់បញ្ចូលដែរ ដូច្នេះមានន័យថា ទោះស្មើ ក៏គ្រាន់ជាងចាញ់។
តារាឆ្នើមវ័យ ៣៦ ឆ្នាំសរសេរ៖ “នេះទើបតែជាចំណុចចាប់ផ្តើម តែក្នុងការប្រកួតនៅលីគរឹងមាំដូចជា Premier League ទាំងអស់ រៀងរាល់ពិន្ទុទាំងអស់គឺមានន័យនឹងត្រូវបានរាប់បញ្ចូល ដូច្នេះយើងត្រូវតែប្រតិ.កម្មឲ្យបានឆាប់រហ័ស ហើយត្រលប់មកបង្ហាញភាពរឹងមាំរបស់យើងវិញ”។
គួរបញ្ជាក់ថា ប្រកួតបន្ទាប់ក្រុមដឹកនាំដោយលោក Ole Gunnar Solskjaer ត្រូវប្រកួតទល់ Villarreal នៅ UCL នាពាក់កណ្តាលសប្តាហ៍សិន មុនទៅតតាំង Everton នៅជុំទី ៦ នៃក្របខ័ណ្ឌ Premier League នាចុងសប្តាហ៍ថ្មី៕
ប្រភព៖ TheMirror