ក្លឹបបារាំង Paris Saint-Germain បានយកឈ្នះទៅលើ Montpellier ដោយលទ្ធផល ២-០ តាមរយៈការបញ្ចប់ទីពីសំណាក់កីឡាករ Idrissa Gueye និង Julian Draxler។ ក្នុងចំណែកគ្រាប់បាល់នោះ ក៏កើតចេញពីការ Assist ដោយ Angel di Maria និង Neymar Jr។
ក្នុងការប្រកួតនោះ យើងឃើញថា Gueye ត្រូវបានប្តូរចេញនៅនាទី ៨១ ហើយក្រោយមក Kylian Mbappe ក៏ប្តូរចេញដែរ នៅ ៧ នាទីបន្ទាប់។ លុះទៅដល់កៅអីអង្គុយបម្រុង យុវជនបារាំង Mbappe បាននិយាយទៅកាន់មិត្តរួមក្រុមគឺ Gueye ជារបៀបត្អូញ.ត្អែរថា៖ “Neymar គាត់អត់បញ្ជូនបាល់ឲ្យខ្ញុំស៊ុតសោះ”។ នេះបើតាមការចុះផ្សាយរបស់ RMC Sport។
ក្រោយដឹងរឿងនេះ អ្នកគាំទ្រក៏យល់ឃើញថា វាហាក់កំពុងបង្ហាញពីទំនាក់ទំនងមិនល្អរវាង Mbappe&Neymar ខុសពីពេលមុន ពោលអាចថាមកពីកីឡាករបារាំងត្រៀមដល់ផ្លូវបំ.បែកនៅពេលខាងមុខផង។
https://twitter.com/i/status/1441872835538993155
គួរបញ្ជាក់ថា រដូវកាលថ្មី ២០២១/២២ សម្រាប់ Mbappe គេបង្ហាញខ្លួន ៩ ប្រកួត រកបាន ៤ គ្រាប់និង Assist ៤ លើក។ សុពលភាពកុងត្រារបស់គេត្រូវផុតនៅចុងខែមិថុនា ឆ្នាំ ២០២២ ខាងមុខ ដែលមានន័យថា គេសល់ពេលមិនដល់ ១០ ខែទៀតឡើយ ក្នុងការចរចាកុងត្រាថ្មី ឬសម្រេចចិត្តចាកចេញ៕
ប្រភព៖ RMCSport