តារាបាល់ទាត់ភាគច្រើន នៅសម័យកាលបច្ចុប្បន្ននេះ គឺមិនងាយចូលនិវត្តទេ ខ្លះអាយុ ៣៥ – ៣៦ ឆ្នាំគឺនៅអាចលេងបាន ដូចក្មេងស្រករ ២០ ហើយខ្លះហៀរចូលដល់ខ្ទង់ ៤០ ឆ្នាំក៏មាន។
យ៉ាងណាជារឿងគួរឲ្យសោក.ស្តាយសម្រាប់កីឡាករជើងចាស់របស់ក្លឹប Man City និង Arsenal គឺខ្សែបម្រើ Samir Nasri ស្រាប់តែបានប្រកាសចូលនិវត្ត នៅល្ងាចថ្ងៃអាទិត្យនេះ នៅអាយុទើបតែ ៣៤ ឆ្នាំប៉ុណ្ណោះ។
Nasri ជាកីឡាករធ្លាប់ចាយពេល ៥ ឆ្នាំឲ្យ City ហើយលើកពាន Premier League ២ លើកនិង League Cup ១ លើក ដោយកន្លងមកក៏ទើបតែរួមជើងជាមួយកីឡាករ Vincent Kompany នៅឯក្លឹបក្នុងប្រទេសបែលហ្សិកផងដែរ។ RSC Anderlecht ជាក្លឹបចុងក្រោយ មុន Nasri ប្រកាសព្យួរស្បែកជើងពីអាជីពជាកីឡាករបាល់ទាត់។
គួររំឭកថាកីឡាករបារាំង បានចាយពេលក្នុងអាជីព ៥២២ ប្រកួត រកបាន ៧៣ គ្រាប់និង Assist ៩៣ លើក។ ពានរង្វាន់ធំដែលលោកខកខានឈ្នះ គឺ UEFA Champions League។ អតីតកាលក្រៅពីការចាយពេលឲ្យក្លឹប Man City សម្រាប់ Nasri ក៏ធ្លាប់លេងជាច្រើនឲ្យក្លឹប Marseille និង Arsenal ក៏ដូចជា Sevilla, West Ham ជាដើមផងដែរ៕
ប្រភព៖ SkySports
អានអត្ថបទបន្ទាប់៖ ទោះក្រុមចាញ់ Man City តែលោក Tuchel ថាកីឡាករ Chelsea រូបនេះ លេងបានល្អខ្លាំង
ក្រុមតោខៀវ Chelsea បានទទួលរងបរាជ័យជាលើកដំបូង នៅក្នុងការប្រកួតក្របខ័ណ្ឌ Premier League រដូវកាលនេះ បន្ទាប់ពីគ្រាប់បាល់របស់ខ្សែប្រយុទ្ធ Gabriel Jesus បានជួយឲ្យក្រុមរបស់លោក Pep Guardiola យកឈ្នះម្ចាស់ដី Stamford Bridge ដោយលទ្ធផល ១-០ ។
យ៉ាងណា បើទោះជាមិនអាចយក ៣ ពិន្ទុបានក៏ដោយ តែលោក Tuchel បានធ្វើការកោតសរសើរខ្លាំង ទៅលើទម្រង់លេងរបស់ខ្សែការពារ Ruben Loftus-Cheek ដែលបានប្តូរចូលនៅក្នុងតង់ទី ២ ខណ:ពេលដែលក្រុម Chelsea បានព្យាយាមសម្រុក ដើម្បីស្វែងរកគ្រាប់បាល់តាមស្មើមកវិញ ។
មិនតែប៉ុណ្ណោះ ក្រោយចប់ការប្រកួត គ្រូបង្វឹកសញ្ជាតិអាល្លឺម៉ង់រូបនេះ និយាយប្រាប់ Stadium Astro ថា ៖ “ គាត់ជាប្រភេទកីឡាករម្នាក់ ដែលខុសពីកីឡាករដទៃទៀត ។ គាត់មិនត្រឹមតែជាកីឡាករដែលពូកែបោះបាល់ឲ្យមិត្តរួមក្រុមទេ ហើយគាត់ក៏ជាកីឡាករពូកែខាងញាក់បាល់ផងដែរ ។
លោកបន្ថែមទៀតថា ” ចំណុចទាំងនេះហើយ ដែលអាចផ្តល់ប្រយោជន៍ខ្លាំងណាស់សម្រាប់ក្រុមយើង ពេលប្រកួតទល់ជាមួយ City ។ គាត់ធ្វើបានល្អណាស់ខ្ញុំពិតជារីករាយណាស់ដែលបានឃើញគាត់បង្ហាញទម្រង់លេងដូចនេះ ” ។
ប្រភព: Metro