Achraf Hakimi ខ្សែការពារស្លាបស្តាំរបស់ក្លឹប Paris Saint-Germain ជាការពិតគឺរមែងមានការផ្សារភ្ជាប់ទៅនឹងតំបន់ខាងលើ ជាមួយនឹងខ្សែប្រយុទ្ធស្លាប Lionel Messi ហើយកន្លងទៅនេះ កីឡាករសញ្ជាតិម៉ារ៉ុក បានបង្ហាញការភ្ញាក់ផ្អើលពីរបៀបដែលខ្លួនបង្កើតទំនាក់ទំនងលើទីលានជាមួយនឹងតារាឆ្នើមអាហ្សង់ទីន។
ដ្បិតបើ Messi មិនទាន់អាច Assist ឬរកគ្រាប់បាល់ណាមួយឲ្យមិត្តរួមក្រុមនៅ ៣ ប្រកួតកន្លងទៅ តែ Hakimi បានទម្លាយថា របៀបក្នុងការផ្សារភ្ជាប់បច្ចេកទេសលេងជាមួយ កីឡាករពាក់អាវលេខ ៣០ លើទីលានគឺងាយស្រួល ហើយអត្តចរិតរបស់គេគឺសាមញ្ញនិងស្ងាត់ស្ងៀម។
ខ្សែការពារស្លាបរបស់ PSG និយាយ៖ “ការបង្កើតទំនាក់ទំនងបច្ចេកទេសលើទីលានជាមួយ Messi គឺងាយស្រួលទេ យើងផ្តល់បាល់ឲ្យគាត់ ហើយយើងរត់ទៅមុខ នោះគាត់នឹងកាត់បាល់មកឲ្យយើងនៅទីតាំងដ៏សក្តិសម និយាយទៅខ្ញុំរាងភ្ញាក់ផ្អើលដែរ ពីរបៀបដែលគាត់បង្ហាញចេញមក គឺគាត់សាមញ្ញ ហើយស្ងាត់ស្ងៀមខ្លាំងណាស់”។
Hakimi បន្ថែមថា៖ “សម្រាប់ការចាកចេញរបស់ Messi ពីក្លឹប Barca គឺខ្ញុំដូចតែអ្នករាល់គ្នា ខ្ញុំមិនធ្លាប់បានគិតនោះទេ ហើយពេលលឺគាត់មកទីនេះ ខ្ញុំអាចនិយាយបែបណាទៅ ព្រោះវាជាក្តីស្រមៃរបស់ខ្ញុំហើយ ដ្បិតកន្លងមកខ្ញុំធ្លាប់បានរួមជើងជាមួយកីឡាករល្អជាច្រើន តែមិនធ្លាប់មាន Messi ទេ”៕
ប្រភព៖ Goal
អានអត្ថបទបន្ទាប់៖ ទោះក្រុមចាញ់ Man City តែលោក Tuchel ថាកីឡាករ Chelsea រូបនេះ លេងបានល្អខ្លាំង
ក្រុមតោខៀវ Chelsea បានទទួលរងបរាជ័យជាលើកដំបូង នៅក្នុងការប្រកួតក្របខ័ណ្ឌ Premier League រដូវកាលនេះ បន្ទាប់ពីគ្រាប់បាល់របស់ខ្សែប្រយុទ្ធ Gabriel Jesus បានជួយឲ្យក្រុមរបស់លោក Pep Guardiola យកឈ្នះម្ចាស់ដី Stamford Bridge ដោយលទ្ធផល ១-០ ។
យ៉ាងណា បើទោះជាមិនអាចយក ៣ ពិន្ទុបានក៏ដោយ តែលោក Tuchel បានធ្វើការកោតសរសើរខ្លាំង ទៅលើទម្រង់លេងរបស់ខ្សែការពារ Ruben Loftus-Cheek ដែលបានប្តូរចូលនៅក្នុងតង់ទី ២ ខណ:ពេលដែលក្រុម Chelsea បានព្យាយាមសម្រុក ដើម្បីស្វែងរកគ្រាប់បាល់តាមស្មើមកវិញ ។
មិនតែប៉ុណ្ណោះ ក្រោយចប់ការប្រកួត គ្រូបង្វឹកសញ្ជាតិអាល្លឺម៉ង់រូបនេះ និយាយប្រាប់ Stadium Astro ថា ៖ “ គាត់ជាប្រភេទកីឡាករម្នាក់ ដែលខុសពីកីឡាករដទៃទៀត ។ គាត់មិនត្រឹមតែជាកីឡាករដែលពូកែបោះបាល់ឲ្យមិត្តរួមក្រុមទេ ហើយគាត់ក៏ជាកីឡាករពូកែខាងញាក់បាល់ផងដែរ ។
លោកបន្ថែមទៀតថា ” ចំណុចទាំងនេះហើយ ដែលអាចផ្តល់ប្រយោជន៍ខ្លាំងណាស់សម្រាប់ក្រុមយើង ពេលប្រកួតទល់ជាមួយ City ។ គាត់ធ្វើបានល្អណាស់ខ្ញុំពិតជារីករាយណាស់ដែលបានឃើញគាត់បង្ហាញទម្រង់លេងដូចនេះ ” ។
ប្រភព: Metro