ក្រុមបាល់ទាត់ជម្រើសជាតិកោះហ្គាំ នឹងប្រើឱកាសចុងក្រោយរបស់ពួកគេ ដើម្បីបង្កើតក្ដីសង្ឃឹមឡើងទៅកាន់ជុំបន្ទាប់នៃការប្រកួតវគ្គជម្រុះ AFC Asian Cup ក្រោយបរាជ័យទល់នឹងកម្ពុជាកាលពីជើងទី១ ដោយលទ្ធផល ០-១។
គ្រូបង្គោលក្រុមជម្រើសជាតិកោះហ្គាំលោក Sang Hoon Kim បាននិយាយថា៖ “វាជាលទ្ធផលដ៏គួរឱ្យខកចិត្ត ប៉ុន្ដែយើងមានពេលពីរបីថ្ងៃដើម្បីថ្លឹងថ្លែងទម្រង់លេង ពីការប្រកួតដំបូង ហើយត្រៀមខ្លួនសម្រាប់លទ្ធផលល្អនៅប្រកួតបន្ទាប់។ យើងមានកីឡាករមួយចំនួន ដែលបានបង្ហាញខ្លួនលើកដំបូងសម្រាប់ហ្គាំ កាលពីប្រកួតថ្ងៃសៅរ៍ ហើយពួកគេមានឥទ្ធិពលខ្លាំងនៅលើទីលាន”។
លោក Kim បានបន្ថែមថាលោកមានក្ដីរីករាយ ជាមួយនឹងការរីកចម្រើន ជារួមនៅក្នុងក្រុមរបស់លោក ហើយនឹងធ្វើឱ្យបានល្អសម្រាប់ឱកាសចុងក្រោយដែលក្រុមលោកអាចបង្កើតបាន និងរក្សាការលេងបានល្អពេញ៩០នាទី។
ក្រុមហ្គាំ នឹងលេងតទល់ជាមួយក្រុមគោព្រៃកម្ពុជា ក្នុងជំនួបជើងទី២នៃវគ្គជម្រុះ playoff AFC Asian Cup នារាត្រីនេះ វេលាម៉ោង ៧៖០០នាទីល្ងាចនៅបារ៉ែន ត្រូវនឹងម៉ោង១១៖០០នាទីយប់នៅកម្ពុជា។
អានអត្ថបទបន្ទាប់៖ អតីតកីឡាករ Man Utd ម្នាក់ និយាយចំៗថា វត្តមាន Sancho ជាដើមចមនាំឲ្យខ្លួនចាកចេញ
ជាការពិត រៀងរាល់ការផ្ទេរមកដល់នូវកីឡាករថ្មី សម្រាប់កីឡាករចាស់ដែលលេងនៅតំណែងជាន់គ្នានោះ ភាគច្រើនគឺមើលឃើញនូវផ្លូវចាកចេញ ឬខ្លះទៅក៏ស៊ូបន្តនៅប្រជែង ព្រោះគិតថាសមត្ថភាពរបស់ពួកគេមាន អាចបន្តជាប់ជម្រើសដំបូងបាន។
យ៉ាងណាសម្រាប់ករណីរបស់យុវជន Facundo Pellistri គឺផ្សេង ដែលគេប៊ិះតែនឹងទទួលបានឱកាសមកប្រជែងពេញលេញនៅតំណែងស្លាបឲ្យ Man Utd ហើយ តែចុងក្រោយគេជ្រើសរើសផ្លូវបែកក្នុងលក្ខខណ្ឌខ្ចីជើងបណ្តោះអាសន្នទៅកាន់ក្លឹប Alaves នៅឯប្រទេសអេស្ប៉ាញ ក្រោយឃើញ Jadon Sancho មកដល់។
នាំឲ្យស្គាល់បន្តិច កីឡាករអ៊ុយរុយហ្គាយខាងលើត្រូវបានក្លឹប Penarol លក់ឲ្យ Man Utd កាលពីខែតុលា ឆ្នាំ ២០២០ ហើយបន្តខ្ចីជើងចុះឡើងដល់ទៅ ២ លើកឲ្យក្លឹប Alaves។ វ័យរបស់គេទើបតែ ១៩ ឆ្នាំប៉ុណ្ណោះ តែ Role ដែលគេលេងគឺជាន់គ្នានឹង Role របស់ Mason Greenwood ក៏ដូចជា Jadon Sancho។
ប្រាប់កាលពីពេលកន្លងទៅ Pellistri ថា៖ “ដើមឡើយខ្ញុំមានអារម្មណ៍រឹងមាំនៅជម្រើសដំបូងហើយ ជាពិសេសក្រោយខ្ញុំរកបានគ្រាប់បាល់នៅជំនួបទល់ Derby ហើយវាជាការប្រកួតត្រៀមបើករដូវកាលដ៏ពិបា.កមួយ”។
លោកបន្ត៖ “តែយ៉ាងណាពេលកីឡាករថ្មីមកដល់ ដែលជា Sancho នៅតំណែងរបស់ខ្ញុំ ខ្ញុំក៏គិតថា វាគួរតែជាការជ្រើសរើសល្អជាងក្នុងការទៅខ្ចីជើងម្តងទៀត ព្រោះអីសម្រាប់កីឡាកររឿងដ៏ល្អបំផុត គឺអាចលេងគ្រប់គ្រាន់ ហើយសម្រាប់កីឡាករវ័យក្មេង បទពិសោធន៍នេះគឺសំខាន់ណាស់”៕
ប្រភព៖ AF