ក្លឹបស្តេចស Real Madrid ត្រូវបានគេរាយការណ៍ថា សម្រេចក្នុងការព្រមលក់ចេញ Eden Hazard ហើយ នៅទីផ្សារដោះដូរខាងមុខ ពោលគឺឲ្យតែមានក្លឹបណាចង់បាន ហើយព្រមនៅតម្លៃផ្ទេរ ៣៤ លានផោន នោះក្លឹបនឹងអនុញ្ញាតឲ្យគេចេញភ្លាម។
កីឡាករវ័យ ៣០ ឆ្នាំដែលត្រូវបានក្លឹប Real Madrid ទិញចេញពី Chelsea នៅតម្លៃផ្ទេរកប់ពពក ដល់ទៅជិត ១០០ លានផោន ពុំបានបង្កើតផ្លែផ្កាជោគជ័យអ្វីទេ ឲ្យក្លឹបអេស្ប៉ាញ ដោយសរុប ៥៤ ប្រកួត រកបាន ៥ គ្រាប់និង Assist ៩ លើកគត់។ ដ្បិតបើសុពលភាពកុងត្រា សេសសល់ដល់ចុងខែមិថុនា ឆ្នាំ ២០២៤ តែខាងក្លឹបអាណាព្យាបាល គិតថានេះជាពេលសក្តិសមដែលគួរតែលក់គេចេញ។
តាមសារព័ត៌មាន El Nacional ចុះផ្សាយថា ក្លឹបដឹកនាំដោយប្រធានលោក Florentino Perez នឹងបើកទទួលយកការចរចាទាំងឡាយ នៅខែមករាខាងមុខ ហើយឲ្យតែបានលុយ ៣៤ លានផោនចូលហោប៉ៅ ទោះនេះជាទំហំខាត ១ ទ្វេជា ៣ ក៏ក្លឹបព្រមលក់ចេញដែរ។
លឺថា ក្លឹបកំពុងឈរលើភាគរយខ្ពស់ គឺ Newcastle នៅឯលីគកំពូលអង់គ្លេស ដែលតាមសម្លឹងកីឡាករបែលហ្សិកមួយរយៈមកហើយ។ ក្រៅពីនោះ ក៏ធ្លាប់លឺថាក្លឹបតោខៀវ Chelsea ជាក្លឹបចាស់របស់គេ ចង់បានគេត្រលប់ទៅវិញផងដែរ តែមិនច្បាស់ថា នឹងយកមកឬអត់ទេ ព្រោះជាក់ស្តែង Hazard កំពុងធ្លាក់ទម្រង់លេងពិតមែន ហើយបើធៀបនឹងគីឡូប្រយុទ្ធដែលក្លឹប Chelsea មានស្រាប់ ដូចជា Romelu Lukaku, Timo Werner និង Mason Mount ជាដើម គឺខុសគ្នាឆ្ងាយ៕
ប្រភព៖ El Nacional
អានអត្ថបទបន្ទាប់៖ ឃា.ត់ចិត្ត Kane លែងបានហើយ ឥឡូវ Spurs មានតែងាកទៅចរចាយកម្នាក់នេះ មកត្រៀមជំនួស
ក្លឹប Tottenham Hotspur ត្រូវបានគេរាយការណ៍ថា ហាក់មិនមានបំណងចង់រាំង.ស្ទះដំណើរចង់ចាកចេញរបស់ខ្សែប្រយុទ្ធ Harry Kane តទៅទៀតនោះទេ ពោលនៅរដូវក្តៅ ឆ្នាំ ២០២២ ខាងមុខ គឺគេអាចចាកចេញបាន ប្រសិនមានការចរចានៅតម្លៃផ្ទេរត្រូវរ៉ូវគ្នា។
ក្លឹបដឹកនាំដោយលោក Antonio Conte ក៏បានសម្លឹងទៅរកគោលដៅថ្មី ដែលជាខ្សែប្រយុទ្ធវ័យក្មេងនៅក្លឹប Fiorentina ហើយជឿថា គេអាចមកជំនួសតំណែង Kane រយៈពេលយូរអង្វែងបាន។ នោះគឺ Dusan Vlahovic ជាខ្សែប្រយុទ្ធវ័យ ២១ ឆ្នាំ សញ្ជាតិស៊ែប៊ី ដែលជាប់កុងត្រានៅក្លឹបអាណាព្យាបាលដល់ឆ្នាំ ២០២៣។ នេះបើតាមសារព័ត៌មាន Marca បានចុះផ្សាយ។
ប្រភពបានឲ្យដឹងថា Spurs នឹងផ្លូវឲ្យខ្សែប្រយុទ្ធវ័យចំណាស់របស់ខ្លួន ដើរចេញនៅ ឆ្នាំ ២០២២ ខាងមុខ ជារួមសាមីខ្លួនផ្ទាល់ក៏គេទំនងមានចិត្តចង់ទៅដូចគ្នា ជាពិសេសប្រសិនណាក្លឹបមិនអាចលើកពានរង្វាន់ណាមួយនៅបញ្ចប់រដូវកាលនេះ។
លុយដែលលក់ Kane បាន ក្លឹប Spurs នឹងយកល្បាក់ ៥០ ទៅ ៦០ លានផោន មកប្រជែងយក Vlahovic ព្រោះលឺថា មានក្លឹបធំៗច្រើនណាស់ ដែលបានទាក់ទងទៅ Fiorentina ជុំវិញការចង់បានខ្សែប្រយុទ្ធខាងលើ តួយ៉ាងដូចជា Man City, Man Utd និង Juventus ជាដើម។ រំឭកថានៅរដូវកាលនេះ គេបង្ហាញខ្លួន ១៤ ប្រកួត រកបាន ១១ គ្រាប់ហើយ៕
ប្រភព៖ Marca