សមាគមបាល់ទាត់ប្រចាំតំបន់អឺរ៉ុប ហៅកាត់ UEFA បានបង្កកំហុសនូវការចាប់ឆ្នោត សម្រាប់វគ្គ ១៦ ក្រុម UCL កាលពីម្សិលមិញ ពោលមានភាពចម្រូង.ចម្រាសនៃបាឡុងរបស់ Man Utd, Villarreal និង Atletico Madrid។ ជាការសម្រេច UEFA បានប្រកាសចាប់ឆ្នោតសារឡើងវិញ ក្រោយរយៈពេលនោះប៉ុន្មានម៉ោងបន្ទាប់។
ដើមឡើយយើងឃើញថាក្លឹបដូចជា Man Utd បានចាប់ប៉ះ PSG ខណៈដែល Chelsea ត្រូវប៉ះ Lille ហើយ Real Madrid ត្រូវប៉ះ Benfica ជាដើម។ ចុះមានដឹងទេថា ហេតុអ្វីត្រឹមកំហុសបច្ចេកទេសប៉ុណ្ណឹង នឹងអាចនាំឲ្យក្លឹបដូចជា R.Madrid បែរជាប្រឈមការខាតប្រាក់ជាង ១២ លានដុល្លារ?
នោះក៏ដោយសារតែលទ្ធផលចាប់ឆ្នោតនៃក្រុមដែលពួកគេត្រូវប៉ះ សារជាថ្មី គឺបែរជាជួបគីឡូក្រុមធ្ងន់ Paris Saint-Germain ហើយបើយើងមើលតាមជាក់ស្តែង គឺពិតណាស់ Real Madrid នឹងមិនមានភាគរយឡើងទៅកាន់វគ្គ បន្ទាប់ដូចការប៉ះ Benfica នោះទេ។
ហេតុផលហ្នឹងហើយ មានន័យថា បើ Real ត្រូវធ្លាក់ក្រោមថ្វីជើងរបស់ PSG នោះនឹងខកខានការកើបលុយប្រាក់រង្វាន់ធំ ពី UEFA ដោយអាចទទួលបាន ៩,១ លានផោន ឬជាង ១២ លានដុល្លារ សម្រាប់ក្រុមអាចឆ្ពោះទៅកាន់វគ្គ ៨ ក្រុមចុងក្រោយ។ ផ្ទុយមកវិញ បើប៉ះ Benfica ដូចការចាប់ឆ្នោតលើកទី ១ ម្ល៉េះពេលនេះ R.Madrid គេងញញឹម ត្រៀមនឹងយកលុយធំចូលហោប៉ៅហើយ។
ប្រភព៖ Football.london
អានអត្ថបទបន្ទាប់៖ គួរឲ្យគោរព! Ramos ស្រាប់តែនិយាយបែបនេះ ក្រោយចាប់ឆ្នោតប៉ះក្រុមចាស់ R.Madrid
ក្លឹប Paris Saint-Germain នឹងត្រូវជួបក្លឹបគីឡូធ្ងន់ Real Madrid នៅវគ្គ ១៦ ក្រុមចុងក្រោយ Champions League ដែលនេះមានន័យថា Sergio Ramos និង Keylor Navas ជាដើម នឹងត្រូវសម្រេចមកជួបអតីតក្រុមចាស់របស់ខ្លួនសារជាថ្មី។
នេះកាន់តែឈឺ.ចាប់សម្រាប់កីឡាករអេស្ប៉ាញ Ramos ព្រោះអី គេទើបតែដើរចេញពីក្លឹបកាន់ឆ្នាំ Real Madrid បានតែប៉ុន្មានខែប៉ុណ្ណោះ ហើយឥឡូវមកឈរជើងឲ្យក្លឹបថ្មី បែរជាមាននិស្ស័យចាប់ឆ្នោតប៉ះក្លឹបចាស់ទៅវិញ។
យ៉ាងណា ខ្សែការពារខាងលើក៏សង្កត់ធ្ងន់ថា បើជៀស Real Madrid បាន គឺខ្លួនសុំជៀស ហើយប៉ះក្លឹបដទៃណាក៏បាន ព្រោះវាជាអារម្មណ៍ដ៏ឈឺ.ចាប់មួយ តែយ៉ាងណារឿងវាហួសទៅហើយ អ៊ីចឹងមានតែផ្តោត និងខិតខំដល់អស់ពីខ្លួនធ្វើជាជញ្ជាំងការពារជួយក្លឹបថ្មី PSG។
Ramos និយាយ៖ “ពេលខ្ញុំកំពុងធ្វើដំណើរលើយន្តហោះ លទ្ធផលចាប់ឆ្នោតគឺយើងប៉ះ Man Utd ដែលជាក្រុមខ្ញុំចូលចិត្តដូចគ្នា តែលទ្ធផលក៏គេចាត់ទុកជាមោឃៈ យ៉ាងណាខ្ញុំពិតជាមិនចង់ប៉ះ Real Madrid ទេ បើអាចជ្រើសបាន ហើយចង់ឲ្យ PSG ប៉ះក្រុមផ្សេងហើយ ព្រោះអ្នកដឹងហើយពីទំហំនៃក្តីស្រលាញ់ដែលខ្ញុំមានទៅលើ Real Madrid”។
លោកបន្ត៖ “ពេលវេលានេះ គឺខ្ញុំមានប្តូរមកលេងឲ្យ PSG ហើយ ជាជញ្ជាំងការពារនៅទីនេះ ដូច្នេះខ្ញុំនឹងផ្តល់គ្រប់យ៉ាង ឲ្យក្រុមអាចឆ្លងទៅកាន់វគ្គបន្ត ព្រោះ Real ជាក្រុមដែលយើងត្រូវតែផ្តួលនៅក្នុងការប្រកួត”៕
ប្រភព៖ AF