ការប្រកួតវគ្គចែកពូល ឬ ៣២ ក្រុម នៃព្រឹត្តិការណ៍ UEFA Champinos League សរុបបានបញ្ចប់ទាំង ៩៦ ប្រកួត ហើយបានកើតមាន ២៩៧ គ្រាប់ រាប់គ្រប់គ្រាប់បាល់នៃក្លឹបទាំងអស់ដែលបានចូលរួម។ ខាង UEFA ក៏បានរៀបចំការបោះឆ្នោត ជ្រើសយកគ្រាប់បាល់ល្អដាច់គេប្រចាំវគ្គនេះផងដែរ ហើយឃើញថា គ្រាប់បាល់របស់ Lionel Messi គឺបានក្លាយជាអ្នកឈ្នះ។
ក្នុងការបោះឆ្នោត ដែលសម្រេចដោយអ្នកគាំទ្រលើគេហទំព័រផ្លូវការ UEFA គឺមានបេក្ខភាពគ្រាប់បាល់ចំនួន ១០ ដូចខាងក្រោម៖
គ្រាប់បាល់របស់ Lionel Messi ស៊ុតនៅចម្ងាយ ១៨ ម៉ែត្រ ដោយប្រើជើងឆ្វេង កាល PSG ២-០ Man City
គ្រាប់បាល់របស់ Traore ស៊ុតនៅចម្ងាយ ១១ ម៉ែត្រ ដោយប្រើជើងឆ្វេង កាល Sheriff ២-០ Shakhtar
គ្រាប់បាល់របស់ S.Thill ស៊ុតនៅចម្ងាយ ២១ ម៉ែត្រ ដោយប្រើជើងឆ្វេង កាល Real Madrid ១-២ Sheriff
គ្រាប់បាល់របស់ Alex Telles ស៊ុតនៅចម្ងាយ ២៩ ម៉ែត្រ ដោយប្រើជើងឆ្វេង កាល Man Utd ២-១ Villarreal
គ្រាប់បាល់ Vinicius Junior ស៊ុតនៅចម្ងាយ ៧ ម៉ែត្រ ដោយប្រើជើងឆ្វេង កាល Shaktar ០-៥ Real Madrid
គ្រាប់បាល់របស់ L.Nemcha ស៊ុតនៅចម្ងាយ ១៣ ម៉ែត្រ ដោយប្រើជើងស្តាំ កាល Wolfsburg ២-១ Salzburg
គ្រាប់បាល់របស់ Lewandowski ស៊ុតផ្កាប់ចាន កាល Dynamo Kyiv ១-២ Bayern
គ្រាប់បាល់របស់ Thiago Alcantara ស៊ុតនៅចម្ងាយ ២៩ ម៉ែត្រ ដោយប្រើជើងស្តាំ កាល Liverpool ២-០ Porto
គ្រាប់បាល់របស់ Marco Asensio ស៊ុតនៅចម្ងាយ ២៧ ម៉ែត្រ ដោយប្រើជើងឆ្វេង កាល Real Madrid ២-០ Inter Milan
គ្រាប់បាល់របស់ Mason Greenwood ស៊ុតនៅចម្ងាយ ៨ ម៉ែត្រ ដោយប្រើជើងឆ្វេង កាល Man Utd ១-១ Young Boys
ទស្សនាវីដេអូគ្រាប់បាល់របស់ Messi៖
ប្រភព៖ UEFA
អានអត្ថបទបន្ទាប់៖ អត់ព្រមទេបែប! ក្លឹប Barcelona ទៅចាប់អារម្មណ៍ប៉ះសំណព្វចិត្តម្នាក់ របស់គ្រូថ្មី Rangnick
ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងចាប់អារម្មណ៍ទៅលើកីឡាករនៃក្លឹប Man Utd ដែលពីមុនមិនអីទេ តែឥឡូវគេកំពុងដើរតួជាសំណព្វចិត្តក្នុងបេះដូងរបស់អ្នកចាត់ការថ្មី លោក Ralf Rangnick។
នោះគឺ Alex Telles ដែលក្លឹបអ្នកមានបុណ្យ សម្លឹងចង់បានគេ មកជំនួសកន្លែង Jordi Alba ក្រោយឃើញកត្តាអាយុរបស់កីឡាករអេស្ប៉ាញក៏កាន់តែជ្រេកៀកចូលវ័យ ៣៣ ឆ្នាំទៅហើយ។ មួយផ្សេងទៀតបញ្ហាកាយសម្បទារបស់ Alba ក៏មិនរឹងមាំដូចជាពេលមុនដែរ ដោយរមែងជួបបញ្ហារបួ.សញឹកញាប់រដូវកាលនេះ។
តាមសារព័ត៌មាន El Nacional ចុះផ្សាយថា ក្រុមដឹកនាំដោយលោក Xavi Hernandez បានចាប់អារម្មណ៍ទៅលើសមត្ថភាពរបស់ Telles តែមិនច្បាស់ថា យកបានឬអត់ទេ ព្រោះដូចបញ្ជាក់ពីខាងលើ ចូលដល់ជំនាន់ Rangnick មកដឹកនាំ គឺគេរមែងជាប់ជម្រើសដំបូងច្រើន។
បញ្ជាក់ដែរថា ខ្សែការពារស្លាប សញ្ជាតិប្រេស៊ីល សេសសល់សុពលភាពកុងត្រា ដល់ចុងខែមិថុនា ឆ្នាំ ២០២៤ ខណៈដែលហាងឆេងតម្លៃខ្លួន អាចថ្លៃល្បាក់ ២០ លានអឺរ៉ូ។ សរុបស្ថិតិជាមួយ United គេបង្ហាញខ្លួន ៣២ ប្រកួត រកបាន ១ គ្រាប់និង Assist ៤ លើក ចាប់តាំងការផ្ទេរ ពីក្លឹប FC Porto៕
ប្រភព៖ El Nacional