ខ្សែការពារស្លាបឆ្វេងបារាំង Lucas Digne បានផ្លាស់ទៅចូលរួមក្លិប Aston Villa ពី Everton ក្នុងកិច្ចសន្យាតម្លៃប្រមាណ២៥លានផោន។ កីឡាករវ័យ២៨ឆ្នាំរូបនេះ លែងស្ថិតនៅក្នុងជម្រើសរបស់អ្នកចាត់ការ Rafa Benitez ដែលបាននិយាយកាលពីសប្ដាហ៍មុនថា Digne បានស្នើក្លិបចាកចេញ។
ដោយឡែក Digne ដែលទើបចុះកុងត្រារយៈពេល៤ឆ្នាំកន្លះបាននិយាយថា គេមិនរំពឹងថាពេលវេលារបស់គេនៅ Everton បញ្ចប់ទៅបែបនេះឡើយ។ កីឡាករក្រុមជម្រើសជាតិបារាំងរូបនេះ ក៏បានពន្យល់ថា លោក Steven Gerrard ជាហេតុផលដែលគេសម្រេចចិត្តមកចូលរួម Aston Villa។
គេបាននិយាយថា៖ “វាជាកត្តាធំបំផុត។ ខ្ញុំមកទីនេះសម្រាប់អ្នកចាត់ការក្លិប។ ខ្ញុំមានការជួបប្រជុំមួយដ៏ល្អ ក្នុងខែនេះ។ ខ្ញុំមានអារម្មណ៍ថាគាត់មានចំណង់ចង់ឈ្នះ ការលេងបាល់សម្រុក និងការគ្រប់គ្រងបាល់។ ខ្ញុំយល់ថាវាជាអ្វីដែលខ្ញុំចង់បាន ហើយជាអ្វីដែលខ្ញុំចង់បង្ហាញទៅកាន់អ្នកគាំទ្រ”។
សូមរំឭកថា Everton បានសម្រេចការផ្ទេរ Digne ពី Barcelona ក្នុងរដូវក្ដៅឆ្នាំ២០១៨ ជាមួយតម្លៃ១៨លានផោន ក្រោមការបង្វឹកដោយលោក Marco Silva។
គេបានបង្ហាញវត្តមានលើទីលានបាន១២៧ប្រកួតសម្រាប់ក្លិបស្ករគ្រាប់ ដោយរកគ្រាប់បាល់បាន៦គ្រាប់ក្នុងនាមជាខ្សែការពារស្លាបឆ្វេងនៅទីនោះ៕
ប្រភព៖ BBC
អានអត្ថបទបន្ទាប់៖ ទោះវ័យចំណាស់ តែ Liverpool ជឿថាគុណភាពនៅតែមាន ឥឡូវចង់ឲ្យ R.Madrid ២៥ លានផោន
ក្លឹបហង្សក្រហម Liverpool ត្រូវបានគេរាយការណ៍ថា កំពុងចាប់អារម្មណ៍ចង់បានកីឡាករកាន់ឆ្នាំនៅក្លឹប Real Madrid ហើយបើទោះបីជាវ័យរាងចំណាស់ តែខាងក្លឹបដឹកនាំដោយលោក Jurgen Klopp ហាក់នៅជឿជាក់លើគុណភាពរបស់គេ និងចង់ចរចានាំយកមកទឹកដី Anfield នៅពេលខាងមុខ។
នោះគឺខ្សែបម្រើជំនាញកាត់បាល់វែង Toni Kroos ដែលគេមានវ័យ ៣២ ឆ្នាំហើយ និងសេសសល់សុពលភាពកុងត្រានៅ Bernabeu ដល់ចុងខែមិថុនា ឆ្នាំ ២០២៣។ មានក្លឹបធំៗ នៅអង់គ្លេស ទាំង Man City និង Liverpool ជាដើមនេះ ដែលលឺថាចាប់អារម្មណ៍មកលើកីឡាករសញ្ជាតិអាល្លឺម៉ង់។
បើតាមសារព័ត៌មាន El Nacional ចុះផ្សាយថា ក្លឹបអធិរាជស ក៏គិតចង់ចរចាបន្តកុងត្រាថ្មីឲ្យ Kroos ផងដែរ តែឆ្លៀតពេលវេលានេះ ខាងភាគីក្លឹប Liverpool ក៏ដាក់សម្ពា.ធខ្លាំង ដោយបានចូលចរចាកាត់មុខ និងសង្ឃឹមថា Kroos អាចសម្រេចចិត្តមកចូលរួមជាមួយក្លឹបរបស់ខ្លួន។ ហង្សបានដាក់សំណើនៅទឹកប្រាក់ ២៥ លានផោន និងចង់ផ្តល់កុងត្រារយៈពេល ៣ ឆ្នាំឲ្យខ្សែបម្រើខាងលើ។
យើងមិនច្បាស់ថា Kroos នឹងយល់ព្រមសំណើដ៏ធំមួយនេះ ឬបែបណាទេ។ រំឭកទៅស្ថិតិរបស់គេបន្តិច ចាប់តាំងពីការបង្ហាញខ្លួនឲ្យ Real Madrid នៅរដូវក្តៅ ឆ្នាំ ២០១៤ សរុបការលេង ៣៤១ ប្រកួត រកបាន ២៥ គ្រាប់និង Assist ៨៣ លើក។ អតីតកាលគេមិនធ្លាប់ស្គាល់រសជាតិក្នុងការលេងឲ្យក្លឹបនៅអង់គ្លេសនោះឡើយ៕
ប្រភព៖ El Nacional