Marcelo ហាក់ពិបាកក្នុងការទទួលបានឱកាសលេងក្នុងតំណែងខ្សែការពារស្លាបឆ្វេងក្រោយការមកដល់របស់ Ferland Mendy ដែលបច្ចុប្បន្នជាជម្រើសដំបូងលើទីលានចាប់តាំងពីដើមរដូវកាលមុនមក។
ខ្សែការពារចាស់វស្សាជនជាតិប្រេស៊ីលទទួលបានឱកាសលេងសរុបបានតែ២៧៤នាទីប៉ុណ្ណោះ ក្នុងចំណោម៧ប្រកួតដែលគេបានលេង ដោយចុងក្រោយបង្អស់ក្នុងការប្រកួត Copa del Rey។
នៅថ្ងៃទី៣០ ខែមិថុនា ឆ្នាំ២០២២ ជាពេលដែល Marcelo ត្រូវនិយាយពាក្យថាលាទៅកាន់ក្លិប Real Madrid ជាទីដែលគេបានចាយពេល១៦ឆ្នាំនៅទីនោះ ហើយស្វែងរកទ្រនំថ្មីដើម្បីបន្ដអាជីពកីឡាករបាល់ទាត់។
ចាប់តាំងពីកន្លងមកទល់នឹងពេលនេះ ក្លិបដែលចាប់អារម្មណ៍ខ្សែការពាររូបនេះ គឺនៅទីកំណើតរបស់គេនៅប្រេស៊ីលរួមមានក្លិប Fluminense, Botafogo និង Palmeiras ជាដើម។
ប៉ុន្ដែកាលពីថ្មីៗនេះ សារព័ត៌មាន 61saat បានរាយការណ៍ថា ក្លិប Trabzonspor បានទាក់ទងទៅភ្នាក់ងាររបស់ Marcelo ដើម្បីបង្ហាញការចាប់អារម្មណ៍របស់ពួកគេលើខ្សែការពាររូបនេះ។
ក្លិបតួកគីមួយនេះ រីករាយចំពោះការផ្ដល់សំណើប្រាក់ឈ្នួល២.៥លានអឺរ៉ុក្នុងមួយឆ្នាំ ប៉ុន្ដែកីឡាករផ្ទាល់បានផ្ញើសារច្បាស់ៗថា៖ “ពេលនេះយើងកំពុងគិតពីតួកគី បើគិតមកទល់នឹងពេលនេះ”។
ការចូលរួម Trabzonspor អាចជាជម្រើសដ៏គួរឱ្យចាប់អារម្មណ៍សម្រាប់ខ្សែការពារវ័យ៣៣ឆ្នាំរូបនេះ។ បច្ចុប្បន្នក្រុមនេះ កំពុងឈរនៅកំពូលតារាងលីគកំពូលតួកគី ដោយមានគម្លាត៧ពិន្ទុលើក្រុម Konyaspor និង១៣ពិន្ទុពីក្រុម Basaksehir៕
ប្រភព៖ AS
អានអត្ថបទបន្ទាប់៖ បែបចង់បានខ្លាំង! ប្រធានក្លឹប R.Sociedad ទាក់ទងទៅឪពុកកីឡាករ Man Utd រូបនេះផ្ទាល់ហើយ
ប្រធានក្លឹប Real Sociedad គឺលោក Jokin Aperribay ត្រូវបានគេរាយការណ៍ថា បានណាត់ជួបផ្ទាល់ជាមួយឪពុកនៃខ្សែបម្រើក្លឹប Man Utd ដោយផ្ទាល់ ពោលគឺចង់ចរចា នាំយកឲ្យបាននៅឆ្នាំ ២០២២ អាចថាជាខែមករា ឬនៅខែកក្កដាខាងមុខ។
នោះគឺកីឡាករត្រៀមផុតកុងត្រា Juan Mata ដែលគេសល់ពេលវេលាជាមួយក្លឹបម្ចាស់ដី Old Trafford ត្រឹមតែរយៈពេល ៦ ខែទៀតប៉ុណ្ណោះ ហើយមិនមានដំណឹងថា នឹងបន្តកុងត្រាថ្មីឡើយ ជាមួយក្លឹប។ សម្រាប់ Mata គេមានវ័យ ៣៣ ឆ្នាំទៅហើយ ដូច្នេះតម្លៃផ្ទេរ បើយកនៅខែមករានេះ ក៏មិនថ្លៃហួសពី ៥ លានផោនដែរ។
បើតាមសារព័ត៌មាន AS បានចុះផ្សាយថា ភាគីខាងប្រធានក្លឹប Sociedad និងឪពុករបស់ Mata ដែលជាភ្នាក់ងាររត់ការផ្ទាល់ខ្លួន គឺបានជួបជជែកគ្នាហើយ ដោយទំនងជាបើកភ្លើងខៀវរួចជាស្រេចផងដែរ ជុំវិញការផ្ទេរក្នុងពេលឆាប់ៗខាងមុខ។
ប្រភពបានឲ្យដឹងថា បើការផ្ទេរសម្រេចទៅបាន ក៏ Mata នឹងត្រូវកាត់បន្ថយថ្លៃពលកម្មដែរ ជារួមគឺមិនអាចទទួលបានលើសពី ១៣៥ ០០០ ផោន/សប្តាហ៍ដូចនៅ Man Utd នោះទេ ព្រោះស្ថានភាពហិរញ្ញវត្ថុក្លឹបនៅ La Liga រយៈពេលចុងក្រោយ មិនធូរធារដូចក្លឹបនៅអង់គ្លេសឡើយ៕
ប្រភព៖ AS