Kylian Mbappe មានភាគរយអាចនឹងចាកចេញនៅពេលខាងមុខ ដោយគេជឿថា នឹងមិនមានកុងត្រាថ្មីកើតឡើងបានឡើយ ពោលការចែកផ្លូវរវាងក្លឹប PSG នឹងឈានចូលមកដល់ត្រឹមរដូវក្តៅ ឆ្នាំ ២០២២ នេះហើយ។ ដូច្នេះខាងភាគីក្លឹបបារាំង ក៏ចាប់ផ្ដើមធ្វើការចរចាជាបណ្តើរៗដែរ អំពីការចង់បានកីឡាករថ្មី ទុកមកជំនួសយុវជនឆ្នើមខាងលើ។
បើតាមសារព័ត៌មាន Evening Standard ចុះផ្សាយថា ក្លឹបមានមូលដ្ឋានក្នុងទីក្រុងប៉ារីស បានសម្លឹងឃើញបេក្ខភាពកំពូល ៣ រូប ដោយក្នុងចំណោមនោះ ក៏មាន Cristiano Ronaldo នៃក្លឹប Man Utd ផងដែរ។
វាកើតឡើងបន្ទាប់ពីលេចលឺថា កីឡាករព័រទុយហ្គាល់ផ្ទាល់ ក៏មិនជារីករាយនឹងការលេងនៅទឹកដី Old Trafford ព្រោះអីក្លឹបមិនប្រាកដប្រជាថានឹងអាចបញ្ចប់ចំណាត់ថ្នាក់ ឈរនៅ Top 4 នោះដែរ ក្នុងការប្រជែង ក្របខ័ណ្ឌ Premier League។ ស្របពេលដែលបុរសវ័យ ៣៦ ឆ្នាំត្រូវផុតសុពលភាពនៅចុងខែមិថុនា ឆ្នាំ ២០២៣ ដូច្នេះក៏មានភាគរយខ្ពស់ ដែល CR7 អាចនឹងផ្ទេរចេញទៅកាន់ក្លឹបបារាំង។
ការរួបរួមរវាង Ronaldo&Messi នៅ PSG អាចនឹងកើតឡើងក៏ថាបាន មុនអ្នកទាំងពីរបញ្ចប់អាជីព ពីកីឡាករបាល់ទាត់។ តែយ៉ាងណាបើ ការចរចាយក Ronaldo មិនបានសម្រេច នោះក្លឹបនឹងបង្វែរទៅគោលដៅ ២ រូបផ្សេងទៀត រវាង Robert Lewandowski នៃក្លឹប Bayern Munich ឬអាចជា Erling Haaland នៃក្លឹប Borussia Dortmund។ ចុះសម្រាប់គ្នាយើងវិញ គិតថានរណា នឹងសក្តិសមក្នុងការជំនួសកន្លែងរបស់ Mbappe?
ប្រភព៖ Evening Standard
អានអត្ថបទបន្ទាប់៖ Redknapp កំពុងទទូចឲ្យ Liverpool នាំយកតារាឆ្នើម PL រូបនេះ មកចាប់ដៃគូការពារជាមួយ Van Dijk
ជើងចាស់ លោក Jamie Redknapp បាននិយាយថាក្រុមហង្សក្រហម Liverpool គួរតែកំណត់គោលដៅផ្ទេរយកខ្សែការពារ Antonio Rudiger ដើម្បីយកមកចាប់ដៃគូជាមួយកីឡាករ Virgil van Dijk ។
ជាក់ស្តែង Rudiger នឹងក្លាយទៅជាកីឡាករ ដែលគ្មានតម្លៃខ្លួន នៅខែមិថុនាខាងមុខ បន្ទាប់ពីរូបគេបានធ្វើការបដិសេធការផ្តល់ជូនកុងត្រាថ្មី ដែលមានតម្លៃប្រមាណ ១៤០ ០០០ ផោន ក្នុងមួយសប្តាហ៍នៅ Stamford Bridge ។
មិនតែប៉ុណ្ណោះ បើតាមប្រភពចុងក្រោយ បានបង្ហាញឲ្យដឹងទៀតថា កីឡាករសញ្ជាតិអាឡឺម៉ង់ នៅតែសង្ឃឹមថានឹងអាចបន្តកិច្ចព្រមព្រៀងថ្មីជាមួយក្រុម Chelsea ឲ្យលើសពីរដូវក្តៅនេះ ប៉ុន្តែយ៉ាងណា វានៅតែត្រូវបានគេរំពឹងថា Rudiger នឹងត្រូវដើរចេញពីក្លិប ដោយគ្មានតម្លៃខ្លួននៅក្នុងទីផ្សារដោះដូររដូវក្តៅខាងមុខ ។
ហើយដោយបានមើលឃើញពីស្ថានភាពបែបនេះហើយ ទើបលោក Redknapp ដែលបានបង្ហាញខ្លួនជាង ៣០០ ប្រកួតសម្រាប់ក្រុម Liverpool ជឿជាក់ថាអតីតក្លឹបរបស់គាត់ ឆ្លៀតយកឱកាសនេះ ដើម្បីនាំយក Rudiger មកកាន់ Anfield ។
មិនតែប៉ុណ្ណោះ បុរសសញ្ជាតិអង់គ្លេសរូបនេះ បាននិយាយប្រាប់ Sky Sports ថា ៖ ” មានមិនកីឡាករដូចគាត់ច្រើនដូចទេ ក្នុងពិភពបាល់ទាត់។ មានខ្សែការពារកណ្តាលជាច្រើនក្នុងពេលឥឡូវនេះ ហើយពួកគេក៏ល្អៗដែរ ។ ខ្ញុំមើលក្រុម Liverpool របស់ខ្ញុំ ហើយស្រមៃថាអាចបានមើលគាត់ លេងជាមួយ Van Dijk ។ គាត់គឺជាការផ្ទេរដោយគ្មានតម្លៃខ្លួន ដូច្នេះក្រុមមិនចាំបាច់ត្រូវចំណាយច្រើននោះឡើយ ។ ប៉ុន្តែអ្វីដែលសំខាន់គឺប្រាក់ឈ្នួលដ៏ច្រើន របស់គាត់ ” ៕
ប្រភព: Daily Mail