ខ្សែបម្រើឆ្នើម Kevin de Bruyne របស់ក្លិប Manchester City បានបង្ហាញជម្រើសកីឡាករ៥រូបក្នុងក្ដីស្រមៃរបស់ខ្លួន ដែលកំពុងប្រកបអាជីពមកទល់បច្ចុប្បន្ននេះ ប៉ុន្ដែមិនមានឈ្មោះ Cristiano Ronaldo នៅក្នុងចំណោមនោះទេ។
នៅក្នុងការសន្ទនារបស់អតីតខ្សែការពារបិសាចក្រហម លោក Rio Ferdinand ខ្សែបម្រើបែលហ្ស៊ិករូបនេះ បានជ្រើសរើស Virgil van Dijk, Lione Messi, Neymar, Bernardo Silva និង N’Golo Kante ក្នុងជម្រើសទាំង៥របស់គេ តែមិនមានឈ្មោះរបស់ Cristiano Ronaldo ឡើយ។
មិនមានអ្នកចាំទីសម្រាប់ជម្រើសទាំង៥របស់ ខ្សែបម្រើបែលហ្ស៊ិករូបនេះឡើយ ខណៈម្ចាស់ពានកីឡាករល្អបំផុតរបស់ FIFA ខ្សែប្រយុទ្ធ Robert Lewandoski ក៏មិនត្រូវបានជ្រើសរើសក្នុងចំណោមកីឡាករទាំង៥រូបនេះដែរ។
សូមបញ្ជាក់ថា Ronaldo បានត្រលប់មកទឹកដី Old Trafford វិញមកចូលរួមជាមួយ Man Utd ក្រោយចែកផ្លូវគ្នាអស់រយៈពេល១២ឆ្នាំ ប៉ុន្ដែគេមិនទាន់អាចជួយឱ្យក្រុមបិសាចក្រហមក្លាយជាគូប្រជែងពាន Premier League ផ្សេងទៀតដូចជា Man City របស់ De Bruyne បាននៅឡើយ៕
ប្រភព៖ Marca
អានអត្ថបទបន្ទាប់៖ Benzema ឈរខាង Messi ថាអ្នករិះ.គន់រឿងនេះ សុទ្ធតែអ្នកអត់ចេះមើលបាល់
ខ្សែប្រយុទ្ធនៃក្លឹប Real Madrid កីឡាករ Karim Benzema បានចេញមកនិយាយលើកទឹកចិត្ត និងសរសើរដល់សមត្ថភាព Lionel Messi បើទោះបីអតីតកាលនាមជាកីឡាករនៃក្លឹបគូប្រជែង ហើយពេលខាងមុខ ត្រៀមប៉ះគ្នានៅពានរង្វាន់ UEFA Champions League។
ជាសារលើកទឹកចិត្តបន្ទាប់ពីមានមតិមួយចំនួនធំ និយាយថា Messi ធ្លាក់ទម្រង់លេង ហើយលេងអ.ន់ជាងមុន ពេលទៅដល់ក្លឹបក្នុងទីក្រុងប៉ារីស។ យ៉ាងណាតាមការយល់ឃើញរបស់ កីឡាករបារាំងគឺមើលឃើញផ្សេង ហើយនិយាយប្រាប់សារព័ត៌មាន Telefoot បែបនេះ៖ “តើ Messi នឹងមិនអាចជោគជ័យដោយរបៀបណា? នេះគ្រាន់តែគាត់ត្រូវការពេលវេលាប៉ុណ្ណឹងឯង”។
លោកសង្កត់ធ្ងន់ទៀតថា៖ “កុំមើលតែ Messi រកមិនបានគ្រាប់បាល់ច្រើន ហើយបង្អា.ប់គាត់នោះ តែយើងគួរទៅមើលលើអ្វីដែលគាត់អាចបង្ហាញចេញមកលើទីលាន ដូច្នេះហើយអ្នកដែលរិះ.គន់ និយាយបង្អា.ប់ Messi សុទ្ធតែជាអ្នកដែលមិនយល់ពីបាល់ទាត់”។
គួររំឭកថា កីឡាករវ័យ ៣៤ ឆ្នាំ នៅរដូវកាល ២០២១/២២ គេបង្ហាញខ្លួនសរុប ១៧ ប្រកួត រកបាន ៦ គ្រាប់និង Assist ៥ លើក។ កាលពីយប់មិញ Messi ក៏បានចូលលេងពេលប៉ះ Reims ផងដែរ តែត្រឹមកីឡាករបម្រុង យ៉ាងណាប្រកួតបន្ទាប់ពេលប៉ះ Nice នៅ French Cup ទំនងនឹងជាប់ជម្រើសដំបូងហើយ៕
ប្រភព៖ Sportskeeda