ក្រុមជម្រើសជាតិអ៊ីតាលី កំពុងត្រៀមសម្រាប់ការប្រកួតដ៏សំខាន់មួយនៅមិនាខាងមុខ នោះគឺការប្រជែងយកកៅអីវគ្គ Playoff ដែលត្រូវប៉ះម៉ាសេដូនី មុនឆ្លងទៅជួបរវាងទួរគី ឬព័រទុយហ្គាល់។ នេះជាឱកាសចុងក្រោយ បើចាញ់គឺមានន័យថា ក្រុមដឹកនាំដោយលោក Roberto Mancini នឹងអស់ឱកាសឡើងទៅ World Cup 2022។
ក្រុមកំពុងប្រមូលផ្តុំការហ្វឹកហាត់ ដែលត្រៀមធ្វើឡើងនៅថ្ងៃទី ២៦ ដល់ ២៨ មករាខាងមុខ ហើយក៏បានកោះហៅកីឡាករចំនួន ៣៥ រូបមកចូលរួម។ ក្នុងនោះមានរឿងភ្ញាក់ផ្អើលកើតឡើង គឺលោក Mancini បានកោះហៅកីឡាករខកខានលេងឲ្យជម្រើសជាតិដល់ទៅជាង ៣ ឆ្នាំ ខ្សែប្រយុទ្ធ Mario Balotelli។
គ្រប់គ្នាស្គាល់បុរសវ័យ ៣១ ឆ្នាំថាជាកីឡាករលេងកា.ច មិនថាតែនៅក្លឹបនិងជម្រើសជាតិ។ គេខកខានឈរជើងឲ្យក្រុមអ៊ីតាលី តាំងពីខែកញ្ញា ឆ្នាំ ២០១៨ ដែលប្រកួតចុងក្រោយលេងស្មើ ១-១ ទល់ប៉ូឡូញ នៅពាន Nations League។
លោក Mancini ក៏បានកោះហៅកីឡាករ ៧ រូបផ្សេងទៀត ដែលមិនធ្លាប់បានលេងសោះឲ្យអ៊ីតាលី មានដូចជាអ្នកចាំទី Marco Carnesecchi ខ្សែការពារ Luiz Felipe, Giorgio Scalvini ខ្សែបម្រើ Davide Frattesi, Nicolo Fagioli, Samuele Ricci និងខ្សែប្រយុទ្ធ Joao Pedro។ រីឯអ្នកអវត្តមានគួរឲ្យកត់សម្គាល់ មាន Gianluigi Donnarumma, Leonardo Bonucci, Jorginho, Marco Verratti និង Federico Chiesa៕
ប្រភព៖ Sportsmole
អានអត្ថបទបន្ទាប់៖ Juventus ប្រជែងឈ្នះ Arsenal ចរចាត្រូវរ៉ូវតម្លៃខ្លួន កីឡាករគោលដៅរូបនេះហើយ
ក្លឹបសេះបង្កង់ Juventus បានយកឈ្នះក្លឹបអង់គ្លេស Arsenal លើទីផ្សារដោះដូរ ក្នុងការនាំយកខ្សែប្រយុទ្ធកំពូល ដែលកំពុងប្រកបអាជីពនៅក្របខ័ណ្ឌ Serie A។ លឺថា ក្លឹបយក្សអ៊ីតាលីហ៊ានឲ្យដល់តម្លៃ ៦៧ លានអឺរ៉ូ ឬជាង ៥៦ លានផោនឯណោះ។
នោះគឺ Dusan Vlahovic ជាយុវជនឆ្នើមរបស់ក្លឹប Fiorentina ដែលបុរសសញ្ជាតិស៊ែប៊ីរូបនេះ ត្រូវបានក្លឹប Arsenal តាមឃ្លាំមើលយូរណាស់ហើយ តែទំនងត្រូវបានរាំង.ស្ទះដោយសារតម្លៃផ្ទេរនៃក្លឹបអាណាព្យាបាលដាក់មករាងខ្ពស់ពេក។
តែយ៉ាងណា សម្រាប់ Juventus មើលឃើញបញ្ហាលុយធំសារនេះ មិនជាបញ្ហាសម្រាប់ខ្លួនឡើយ រួចក៏ព្រមចាយទាំងមិនស្ទាក់ស្ទើរ ឲ្យតែយកបាន Vlahovic មកពង្រឹងប្រព័ន្ធប្រយុទ្ធនៃក្រុមរបស់ខ្លួន។ នេះបើតាមសារព័ត៌មាន Football.london បានចុះផ្សាយ។
ជាការពិត Vlahovic ធ្វើបានល្អខ្លាំង ជាក់ស្តែងដូចរដូវកាល ២០២១/២២ បង្ហាញខ្លួន ២១ ប្រកួត អាចរកបានដល់ទៅ ១៧ គ្រាប់ឯណោះ។ យើងនឹងរង់ចាំមើលបន្តទៀត តើភាគីក្លឹបអាណាព្យាបាលនឹងយល់ព្រមបែបណាទៀត ក្រោយពេលដែលសេះបង្កង់ហ៊ានឲ្យតម្លៃកល់ហើយនោះ។ សម្រាប់ Arsenal បើយកកីឡាករស៊ែប៊ីខាងលើមិនបាន ពួកគេអាចជាបង្វែរទៅគោលដៅ ២ រូបផ្សេងទៀត រួមមាន Alexander Isak និង Luka Jovic៕
ប្រភព៖ Football.london