ក្លឹបបិសាចក្រហម Man Utd ត្រូវបានគេរាយការណ៍ថា បានទទួលដំណឹងពីក្លឹបអធិរាជស Real Madrid ដោយប្រាប់ឲ្យក្លឹបនៅអង់គ្លេស ត្រៀមលុយ ៦២ លានផោនឲ្យហើយទៅ សម្រាប់ការចរចា ប្រសិនណាជាចង់បានខ្សែបម្រើឆ្នើមនៃក្លឹបរបស់ខ្លួន។
នោះគឺបន្ទាប់ពីអនាគតរបស់ Paul Pogba មិនប្រាកដប្រជា ដូច្នេះហើយ United ពិតណាស់ នឹងត្រូវស្វែងរកអ្នកថ្មីមកជំនួស។ រួចក៏សម្លឹងឃើញកីឡាករវ័យក្មេងនៅក្លឹប Real Madrid គឺ Federico Valverde។ នេះបើតាមសារព័ត៌មាន El Nacional បានចុះផ្សាយ។
ក្លឹបដឹកនាំដោយអ្នកចាត់ការលោក Carlo Ancelotti បានដាក់តម្លៃជាកំហិត គឺ ៦២ លានផោន ទើបព្រមអនុញ្ញាតឲ្យកីឡាករអ៊ុយរុយហ្គាយចាកចេញនៅពេលខាងមុខ។ នេះស្របពេលដែលសុពលភាពកុងត្រារបស់ Valverde ក៏នៅសល់ឆ្ងាយ ពោលដល់ចុងខែមិថុនា ឆ្នាំ ២០២៧ ឯណោះ ដូច្នេះតម្លៃប៉ុណ្ណេះ គឺសមរម្យហើយ។
បញ្ជាក់ថា ក្រៅពី Valverde ក៏ Man Utd អាចមានជម្រើសក្នុងការចំណាយផ្សេងទៀត តួយ៉ាងដូច Declan Rice របស់ West Ham, Aurelien Tchouameni របស់ Monaco, Boubacar Kamara របស់ Marseille និង Kalvin Phillips របស់ Leeds United ជាដើម៕
ប្រភព៖ El Nacional
អានអត្ថបទបន្ទាប់៖ Juventus ប្រជែងឈ្នះ Arsenal ចរចាត្រូវរ៉ូវតម្លៃខ្លួន កីឡាករគោលដៅរូបនេះហើយ
ក្លឹបសេះបង្កង់ Juventus បានយកឈ្នះក្លឹបអង់គ្លេស Arsenal លើទីផ្សារដោះដូរ ក្នុងការនាំយកខ្សែប្រយុទ្ធកំពូល ដែលកំពុងប្រកបអាជីពនៅក្របខ័ណ្ឌ Serie A។ លឺថា ក្លឹបយក្សអ៊ីតាលីហ៊ានឲ្យដល់តម្លៃ ៦៧ លានអឺរ៉ូ ឬជាង ៥៦ លានផោនឯណោះ។
នោះគឺ Dusan Vlahovic ជាយុវជនឆ្នើមរបស់ក្លឹប Fiorentina ដែលបុរសសញ្ជាតិស៊ែប៊ីរូបនេះ ត្រូវបានក្លឹប Arsenal តាមឃ្លាំមើលយូរណាស់ហើយ តែទំនងត្រូវបានរាំង.ស្ទះដោយសារតម្លៃផ្ទេរនៃក្លឹបអាណាព្យាបាលដាក់មករាងខ្ពស់ពេក។
តែយ៉ាងណា សម្រាប់ Juventus មើលឃើញបញ្ហាលុយធំសារនេះ មិនជាបញ្ហាសម្រាប់ខ្លួនឡើយ រួចក៏ព្រមចាយទាំងមិនស្ទាក់ស្ទើរ ឲ្យតែយកបាន Vlahovic មកពង្រឹងប្រព័ន្ធប្រយុទ្ធនៃក្រុមរបស់ខ្លួន។ នេះបើតាមសារព័ត៌មាន Football.london បានចុះផ្សាយ។
ជាការពិត Vlahovic ធ្វើបានល្អខ្លាំង ជាក់ស្តែងដូចរដូវកាល ២០២១/២២ បង្ហាញខ្លួន ២១ ប្រកួត អាចរកបានដល់ទៅ ១៧ គ្រាប់ឯណោះ។ យើងនឹងរង់ចាំមើលបន្តទៀត តើភាគីក្លឹបអាណាព្យាបាលនឹងយល់ព្រមបែបណាទៀត ក្រោយពេលដែលសេះបង្កង់ហ៊ានឲ្យតម្លៃកល់ហើយនោះ។ សម្រាប់ Arsenal បើយកកីឡាករស៊ែប៊ីខាងលើមិនបាន ពួកគេអាចជាបង្វែរទៅគោលដៅ ២ រូបផ្សេងទៀត រួមមាន Alexander Isak និង Luka Jovic៕
ប្រភព៖ Football.london