Barcelona បានបញ្ចប់លទ្ធផល ១-០ យកបានបីពិន្ទុពីក្លឹប Atletico Madrid នៅឯកីឡដ្ឋាន Wanda Metropolitano កាលពីយប់មិញ។ ក្រោយចប់ការប្រកួតនោះ ក៏មានរបាយការណ៍ថាអ្នកចាត់ការលោក Valverde ពានសម្លឹងឃើញពីខ្សែការពារដ៏ល្អមួយរូបរបស់ក្លឹប At Madrid នោះគឺ Saul Niguez។
ខ្សែការពារស្លាបមានវ័យ ២៥ ឆ្នាំរូបនេះ បង្ហាញខ្លួន ២៦៨ ប្រកួតហើយឲ្យក្លឹប Atletico ចាប់តាំងពីមកចូលរួមនៅឆ្នាំ ២០១២ ហើយនារដូវកាល ២០១៩/២០ រូបគេក៏បានលេចមុខញឹកញាប់ផងដែរលើទីលានប្រកួត។
កីឡាករអេស្ប៉ាញនៅសេសសល់កុងត្រារយៈពេលដល់ឆ្នាំ ២០២៦ ឯណោះ ប៉ុន្តែ Barca ក៏នឹងនៅតែបន្តធ្វើការចរចាតាមអាចទៅរួច ព្រោះល្ហិចល្ហៀងថាមានក្លឹប Man Utd ក៏ចង់បាន Saul ដូចគ្នា៕
ប្រភព៖ Sportsmole
អានអត្ថបទបន្ទាប់៖ Xabi Alonso ថាបើមានពាន Ballon d’Or ឲ្យអ្នកចាត់ការ ម្នាក់នេះគឺសក្ដិសមបំផុត
Xabi Alonso ក៏ធ្លាប់ចំណាយពេលចូលរួមជាមួយក្លឹបអាជីពធំៗរាប់ភ្លេច ហើយសម្រាប់ឆ្នាំ ២០១៩ នេះ លោកបានបង្ហាញការពេញចិត្តដល់អ្នកចាត់ការដ៏ល្អមួយរូប ដែលថាប្រសិនមានពាន Ballon d’Or ផ្តល់ជូនគ្រូបង្វឹកទៀតនោះ គឺគ្មានអ្វីគួរឲ្យសង្ស័យឡើយសម្រាប់អ្នកចាត់ការរូបនោះ។
នៅបទសម្ភាសន៍ជាមួយ L’Equipe អតីតកីឡាករជើងចាស់នៅក្លឹប Real Madrid បាននិយាយថា៖ “នោះគឺ Jurgen Klopp ដែលគាត់មានអ្វីមួយដែលព្រះជាម្ចាស់បានប្រទានឲ្យ ដោយអ្នកមើលទៅទំនាក់ទំនងរវាងគាត់នឹងកីឡាករក្រោយចប់ការប្រកួតនីមួយៗ វាគឺជាអារម្មណ៍ដ៏រឹងមាំដែលកើតចេញពីទំនាក់ទំនងដែលគាត់ចង់បង្កើតជាមួយក្លឹប”។
លោកបន្ត៖ “ជាការពិត Pep ក៏គាត់អាចដឹងច្បាស់ពីការធ្វើបែបនេះ មិនខុសពី Rafa Benitez ឬអ្នកចាត់ការដទៃទៀត”៕
ប្រភព៖ Marca