Author: admin

[វីដេអូ] Bale ដើរតួយ៉ាងសំខាន់ ក្នុងការជួយរកបីពិន្ទុអោយ Real Madrid ពេលគ្មាន Ronaldo

ខ្សែប្រយុទ្ធ Gareth Bale និង ខ្សែការពារ Dani Carvajal រកបានម្នាក់មួយគ្រាប់ ជួយអោយ Real Madrid ទទួលបានជ័យជំនះ ដោយសុវត្ថិភាព សំរាប់ប្រកួតដំបូងនៅក្នុងលីគ LaLiga ទល់នឹងក្រុម Getafe ដោយមិនមានវត្តមានតារាឆ្នើម Cristiano Ronaldo និង អ្នកចាត់ការក្លឹប Zinedine Zidane។

Carvajal តែតបញ្ចូលទីអោយ Real Madrid សំរាប់គ្រាប់បាល់បើកឆាក ផុតដៃអ្នកចាំទី  ក្រោមការដឹកនាំរបស់លោក Julen Lopetegui បន្ទាប់ពី Bale បោះកាត់ទៅអោយយ៉ាងល្អ ហើយរូបគេក៏រកបានមួយគ្រាប់ផងដែរនៅតង់ទី២។

ដោយឡែកក្រុម Getafe មានឱកាសស៊ុតចំគោលដៅតែម្ដងប៉ុណ្ណោះ នៅចុងម៉ោងនៃការប្រកួត នៅពេលដែល Angel Rodriguez ស៊ុត volley យ៉ាងល្អប៉ុន្ដែសង្គ្រោះបានដោយអ្នកចាំទី Keylor Navas។

អ្នកចាំទីកូស្ដារីកា ត្រូវបានជ្រើសរើសអោយជាប់ជម្រើសដំបូងនៃការប្រកួត ខណៈ Thibaut Courtois ដែលក្លឹបទើបតែទិញបានពី Chelsea ត្រូវអង្គុយកៅអីបម្រុង ដោយមិនបានចូលលេងឡើយ។

បន្ទាប់ពីបរាជ័យយ៉ាងអាម៉ាស ក្នុងលទ្ធផល ៤-២ ក្នុងការប្រកួតពាន UEFA Super Cup ទល់នឹងក្រុម Atletico Madrid នៅម៉ោងបន្ថែម ក្រុមដែលដឹកនាំដោយលោក Lopetegui ទទួលបានជ័យជំនះ សំរាប់ការប្រកួតបើកឆាកនៅលីគ LaLiga ជាមួយនឹងក្រុម Getafe ដែលស្ថិតនៅទីក្រុងម៉ាឌ្រីដជាមួយគ្នានេះ។

ដោយការគ្មានដំណឹង អំពីការចុះហត្ថលេខាមកជំនួស តារាឆ្នើម Ronaldo អ្នកចាត់ការសញ្ជាតិអេស្ប៉ាញ បានដាក់កីឡាករ Asensio, Bale និង Karim Benzema នៅតំបន់ប្រយុទ្ធ ហើយពួកគេអាចមានឱកាសរកគ្រាប់បាល់បន្ថែម ទោះបីជាក្នុងការប្រកួតនេះ ក្រុមម្ចាស់ផ្ទះស៊ុតចំគោលដៅតែបីលើកក៏ដោយ៕

ប្រភព៖ BBC

លោក Mourinho បញ្ជាក់មូលហេតុដែល Alexis Sanchez បាត់មុខពីការប្រកួតជាមួយ Brigton

ខ្សែប្រយុទ្ធ Alexis Sanchez មិនមានឈ្មោះក្នុងបញ្ជីកីឡាករបស់លោក Jose Mourinho សំរាប់ការប្រកួតទល់នឹង Brighton & Hove Albion នោះទេ ដោយសារបញ្ហារបួស នេះបើតាមការអះអាងរបស់អ្នកចាត់ការក្លឹប បិសាចក្រហមលោក Jose Mourinho។

យ៉ាងណាម៉ិញ អ្នកចាត់ការសញ្ជាតិព័រទុយហ្គាល់បាន ដាក់ខ្សែប្រយុទ្ធ Anthony Martial ជំនួសកីឡាករឈីលី ហើយរូបគេទទួលបានកាតលឿងមួយនៅក្នុងការប្រកួត តង់ទី១បន្ទាប់ពីបង្កកំហុសទៅលើកីឡាករ Anthony Knockaert របស់ Brighton។

គួរបញ្ជាក់ថា ក្រុមរបស់លោក Mourinho នឹងត្រូវជួបប្រកួតជាមួយ ក្រុម Tottenham នៅយប់ថ្ងៃអង្គារវេលាម៉ោង២រំលងអាធ្រាត ហើយអ្នកចាត់ការរូបនេះបានបញ្ជាក់ថា ក្រុមរបស់លោក អាចនឹងមិនមានវត្តមានរបស់ Sanchez នៅក្នុងជំនួបនេះផងដែរ៕

[វីដេអូ] ក្រុមបិសាចក្រហម បាត់បង់បីពិន្ទុ ក្រោយ Brighton លត់បីគ្រាប់ត្រឹម៤៥នាទីដំបូង

ប្រភព៖ The Sun

[វីដេអូ] ក្រុមបិសាចក្រហម បាត់បង់បីពិន្ទុ ក្រោយ Brighton លត់បីគ្រាប់ត្រឹម៤៥នាទីដំបូង

ក្រុម Brighton & Hove Albion បានយកឈ្នះក្រុមបិសាចក្រហមនៅក្នុងទឹកដីរបស់ខ្លួន ជាមួយនឹងលទ្ធផល ៣-២។ ក្រុមម្ចាស់ផ្ទះ Brighton បានយកឈ្នះ Manchester United នៅនាទីទី ២៥ ដោយខ្សែប្រយុទ្ធ Glenn Murray បន្ទាប់ពីខ្សែបម្រើ Solly March បោះបាល់កាត់មកយ៉ាងល្អ។

ហើយក្រុម Brighton រកបានគ្រាប់ទី២ ពីរនាទីក្រោយមក ដោយ Shane Duffy បន្ទាប់ពីខ្សែការពាររបស់ Man United រារាំងបាល់មិនបានសំរេច ប៉ុន្ដែ ខ្សែប្រយុទ្ធ Romelu Lukaku របស់ ក្រុមភ្ញៀវតាមបានមួយគ្រាប់វិញ ១១នាទីមុនការប្រកួតតង់ទី១បញ្ចប់។

ប៉ុន្ដែ ខ្សែការពារ Eric Bailly បានបង្កកំហុសទៅលើ Pascal Gross នៅតំបន់គ្រោះថ្នាក់ ដែលធ្វើអោយក្រុមម្ចាស់ផ្ទះកាន់តែមានសង្ឃឹមទទួលបានបីពិន្ទុ បន្ទាប់ពីរកគ្រាប់ទី៣ ដោយបាល់ប៉េណាល់ទី។

យ៉ាងណាម៉ិញ United បានរៀបចំក្រុមរបស់ខ្លួនបានល្អ សំរាប់ការប្រកួតតង់ទី២ ប៉ុន្ដែពិបាករកឱកាសដើម្បីវាយបក ហើយខ្សែបម្រើ Paul Pogba បានរកមួយគ្រាប់អោយក្រុមរបស់លោក Jose Mourinho មុនការប្រកួតបញ្ចប់ ក្រោយពី Duffy បានបង្កកំហុសទៅលើ Marouane Fellaini៕

មកមើលស្ថិតិការប្រកួតរវាង Messi និង Ronaldo សំរាប់ការប្រកួតបើកឆាកនៅក្នុងលីគរៀងៗខ្លួន

ការប្រកួតសំរាប់រដូវកាលថ្មីបានចាប់ផ្ដើម ហើយវាជាលើកដំបូងក្នុងរយៈពេល ៩ឆ្នាំចុងក្រោយដែល តារាឆ្នើម Cristiano Ronaldo និង Lionel Messi ប្រកួតនៅក្នុងលីគពីរផ្សេងគ្នា។ Ronaldo បានផ្ទេរទៅលេងអោយក្លឹប Juventus ក្នុងតំលៃ១០០លានផោន ដែលធ្វើអោយ Messi កាន់កាប់តំណែងជាកីឡាករឆ្នើមបំផុតប្រចាំលីគកំពូលអេស្ប៉ាញ។

កាលពីថ្ងៃសៅរ៍ Ronaldo បានចាប់ផ្ដើមការប្រកួតប្រជែងថ្មីមួយរបស់ខ្លួនសំរាប់ Juventus ក្នុងការបង្ហាញខ្លួននៅលីគ Serie A ទល់នឹងក្រុម Chievo ហើយវេបសាយ Daily Mail បានវិភាគ ស្ថិតិនៃតារាឆ្នើមរូបនេះ ជាមួយនឹង Messi សំរាប់ការបង្ហាញខ្លួនប្រកួតដំបូងនៅក្នុងលីគរៀងៗខ្លួន។

Ronaldo – Juventus 3-2 Chievo

ម្ចាស់ពាន Ballon d’Or ៥សម័យបានជួយក្រុម Juventus ទទួលបានជ័យជំនះក្នុងការបង្ហាញខ្លួនលើកដំបូងនៅ Serie A បន្ទាប់ពីកីឡាករបំរុង Federico Bernardeschi រកបានមួយគ្រាប់ចុងម៉ោង។

Ronaldo មិនបានរកគ្រាប់បាល់ ឬ assist អោយមិត្តរួមក្រុមនោះទេ នៅក្នុងការប្រកួតនោះ ប៉ុន្ដែ វាបានបង្ហាញសញ្ញាមួយថា រូបគេនឹងស៊ាំនឹងការប្រកួតនៅទឹកដីអ៊ីតាលីហើយនឹងមានឱកាសសំរាប់ការប្រកួតបន្ដបន្ទាប់ ទោះបីជាក្នុងការប្រកួតដំបូងនេះ រូបគេមិនអាចរកគ្រាប់បាល់បានក៏ដោយ។

Ronaldo ចាប់ផ្ដើមការប្រកួតជាមួយក្រុមសេះបង្កង់ ជាខ្សែប្រយុទ្ធទោល ដែលរង់ចាំស៊ុតបំប៉ោងសំណាញ់ទី ដោយមាន Juan Cuadrado, Paulo Dybala និង Douglas Costa នៅពីក្រោយ ដើម្បីជួយតំបន់ប្រយុទ្ធ ប៉ុន្ដែរូបគេត្រូវប្ដូរលេងប្រយុទ្ធស្លាបឆ្វេងវិញ ក្រោយពីខ្សែប្រយុទ្ធ Mario Mandzukic ប្ដូរចូលនៅនាទីទី ៦៤។

កំឡុងពេលប្រកួតនោះ ខ្សែប្រយុទ្ធព័រទុយហ្គាល់ បានបង្កើតឱកាស ២លើកអោយមិត្តរួមក្រុម ហើយនឹងការស៊ុត ៨លើក ដែលបួនលើកចំគោលដៅ។

ទោះបីជា អ្នកគាំទ្រហាក់មិនសប្បាយចិត្ត បន្ទាប់ពីតារាឆ្នើមចំនូលថ្មីរបស់ក្លឹប មិនអាចរកគ្រាប់បាល់បានក៏ពិតមែន ប៉ុន្ដែ ខ្សែប្រយុទ្ធរូបនេះ អាចនឹងធ្វើបានល្អក្រោយលេងស្គាល់ចិត្តគ្នាជាមួយមិត្តរួមក្រុម សំរាប់ប្រកួតបន្ទាប់ដែលត្រូវជួបជាមួយនឹង Lazio។

Messi – Barcelona 3-0 Alaves

Messi នៅតែធ្វើបានល្អសំរាប់ការប្រកួតរដូវកាលថ្មីជាមួយ Barcelona។ ខ្សែប្រយុទ្ធអាហ្សង់ទីនរូបនេះ បានជួយអោយក្រុមកាតាឡាន់ ទទួលបានជ័យជំនះទល់នឹងក្រុម Alaves យ៉ាងងាយស្រួលនៅទឹកដី Camp Nou ជាមួយនឹងលទ្ធផល ៣-០។

តារាឆ្នើមវ័យ ៣១ឆ្នាំរូបនេះ រកបានពីរគ្រាប់ក្នុងការប្រកួតនោះ ដែលគ្រាប់ដំបូងរបស់គេនៅក្នុងការប្រកួតនោះ ជាគ្រាប់បាល់ទី ៦០០០របស់ Barcelona នៅក្នុងលីគ LaLiga ខណៈដែល ខ្សែបម្រើ Philippe Coutoinho ក៏រកបានមួយគ្រាប់ផងដែរ។

ម្ចាស់ពាន Ballon d’Or ៥សម័យ បានរកគ្រាប់បាល់ដំបូងសំរាប់រដូវកាលថ្មី នៅនាទីទី៦៤ ដោយបាល់ហ្វ្រីឃីគ ហើយរូបគេបានរកមួយគ្រាប់បន្ថែមទៀតមុនពេលការប្រកួតបញ្ចប់។

ដូចគ្នាជាមួយនឹង Ronaldo ផងដែរ Messi ស៊ុតបាន៨លើក ដែលបួនលើកចំគោលដៅ ហើយរូបគេបានបង្កើតឱកាសអោយមិត្តរួមក្រុម ៥លើកផងដែរ៕

ប្រភព៖ Daily Mail

កីឡាករ Barcelona មួយរូបចង់អោយ Real Madrid នឹកស្ដាយក្រោយលក់ Ronaldo ទៅ Juve

ខ្សែបម្រើរបស់ក្រុមអ្នកមានបុណ្យ Barcelona កីឡាករ Sergio Busquets បាននិយាយថារូបគេចង់អោយ Real Madrid មានការឈឺចាប់ក្រោយពីលក់ Cristiano Ronaldo ទៅអោយ Juventus នៅរដូវក្ដៅនេះ។

Ronaldo បានសំរេចចិត្តចាកចេញពីទឹកដី Santiago Bernabeu ទៅចូលរួមជាមួយក្លឹបសេះបង្កង់ ក្នុងតំលៃខ្លួន ១០០លានផោន ហើយបានបង្ហាញខ្លួនលើកដំបូងនៅលីគកំពូលអ៊ីតាលី ក្នុងការប្រកួតទល់នឹងក្រុម Chievo ដោយបញ្ចប់ក្នុងលទ្ធផល ៣-២។

ម្ចាស់ពាន Ballon d’Or ៥សម័យ បានជួយអោយ Real Madrid មានការប្រទាញប្រទង់គ្នាជាមួយ Barcelona ដោយរកគ្រាប់បាល់បាន ១៨គ្រាប់ក្នុងការបង្ហាញខ្លួន ៣១ប្រកួត សំរាប់ជំនួប El Clasico ហើយជួយអោយ Real Madrid កាន់កាប់ពានជាច្រើន រួមទាំងការឈ្នះពាន Champions League បីរដូវកាលជាប់ៗគ្នាផងដែរ។

ហើយសំរាប់ការចាកចេញរបស់តារាឆ្នើមវ័យ៣៣ឆ្នាំ បានធ្វើអោយខ្សែបម្រើ Busquets យល់ឃើញថា Real Madrid នឹងមានបញ្ហាធំ ក្រោយពីក្លឹបលក់តារាឆ្នើមរូបនេះ ប៉ុន្ដែរូបគេរំពឹងថា គ្រូបង្វឹកថ្មីលោក Julen Lopetegui នឹងស្វែងរកឃើញនូវ ដំណោះស្រាយ។

ខ្សែបម្រើអេស្ប៉ាញរូបនេះ បានថ្លែងប្រាប់ El Pais ថា៖ “ខ្ញុំចង់អោយពួកគេនឹកគាត់ ក្រោយពីបាត់បង់កំពូលអ្នករកគ្រាប់បាល់ម្នាក់។ ប៉ុន្ដែខ្ញុំដឹងថា គ្រូបង្វឹកថ្មីនឹងជួយអោយក្រុមកាន់តែល្អជាងនេះ។”

Bernardeschi ជាវីរបុរសចុងម៉ោង ជួយអោយ Juve ទទួលបានបីពិន្ទុ សំរាប់ការប្រកួតបើកឆាក Serie A

ប្រភព៖ Goal

Aguero រកបានបីគ្រាប់ម្នាក់ឯងជួយ Man City លត់ Huddersfield យ៉ាងចាស់ដៃ

ខ្សែប្រយុទ្ធ Sergio Aguero រកបានហេតទ្រីគ ជួយអោយ Manchester City ទទួលបានបីពិន្ទុបន្ថែមទៀត ដើម្បីពង្រឹងភាពខ្លាំងរបស់ខ្លួន ក្នុងនាមជាក្រុមការពារជើងឯក ក្រោយលត់ក្រុម Huddersfield កាលពីថ្ងៃអាទិត្យ នៅកីឡដ្ឋាន Etihad។

ក្រុមដែលដែលដឹកនាំដោយលោក Pep Guardiola ដែលបានយកឈ្នះក្រុមកាំភ្លើងធំ Arsenal ក្នុងលទ្ធផល ២-០ ក្នុងជំនួបបើករដូវកាល មិនដែលបរាជ័យនោះទេ នៅទឹកដីរបស់ខ្លួន សំរាប់ការប្រកួតក្នុងលីគកាលពីរដូវកាលមុន ហើយពេលនេះពួកគេទទួលបាន៦ពិន្ទុពេញ ក្រោយពីស៊ុតបាន ៣២លើក ហើយទទួលជ័យជំនះទល់នឹងក្រុម Huddersfield  ក្នុងលទ្ធផល ៦-១។

Huddersfield ទប់មិនអោយ City មានឱកាសរកគ្រាប់បាល់បាន ២៥នាទី មុនពេលដែល អ្នកចាំទី Ederson បញ្ជូនបាល់ពីចំងាយអោយខ្សែប្រយុទ្ធ Aguero ហើយ ខ្សែប្រយុទ្ធអាហ្សង់ទីន ញាក់អ្នកចាំទី យ៉ាងល្អ មុនពេលធ្វើបានសំរេចគ្រាប់បើកឆាកនៃការប្រកួតនោះតែម្ដង។

៧នាទីក្រោយ ខ្សែប្រយុទ្ធ Gabriel Jesus បន្ថែមគ្រាប់ទី២ ហើយ Aguero រកបានមួយគ្រាប់ទៀតដែលជាគ្រាប់ទី៣អោយ City មុនពេលដែលកីឡាករ Jon Gorenc Stankovic រកបានមួយគ្រាប់វាយបកវិញ អោយក្រុមភ្ញៀវ។

ចូលដល់ដើមតង់ទី២ ខ្សែបម្រើ David Silva រកបានមួយគ្រាប់ទៀតអោយក្រុមមេឃខៀវ ដោយបាល់ហ្វ្រីឃីគ មុនពេលដែល Aguero រកបានហេតទ្រីគ ដែលជាគ្រាប់ទី៥អោយក្រុមរបស់លោក Guardiola ហើយ ខ្សែការពារ Terence Kongolo ធ្វើអោយចូលទីខ្លួនឯងមួយគ្រាប់ទៀតដែលជាគ្រាប់ចុងក្រោយ៕

ប្រភព៖ BBC

ស្ថិតិរបស់ Gareth Bale សំរាប់ការប្រកួតជាមួយ Getafe អាចធ្វើអោយអ្នកគាំទ្រសប្បាយចិត្ត

ក្រុម Real Madrid នឹងបង្ហាញខ្លួនសំរាប់ប្រកួតដំបូងក្នុងលីគ LaLiga សំរាប់រដូវកាលថ្មី នៅយប់ថ្ងៃអាទិត្យនេះ(ឆ្លងចូលថ្ងៃចន្ទ ម៉ោង ៣៖១៥នាទី រំលងអាធ្រាត) ទល់នឹង Getafe។ បន្ទាប់ពី តារាឆ្នើម Cristiano Ronaldo និងអតីតអ្នកចាត់ការក្លឹប Zinedine Zidane ចាកចេញទៅ Gareth Bale ត្រូវកាន់កាប់តំណែងកីឡាករសំខាន់ប្រចាំក្រុម ហើយអ្នកចាត់ការថ្មី Julen Lopetegui បានមកដឹកនាំក្រុមជំនួសអ្នកចាត់ការសញ្ជាតិបារាំងផងដែរ។

Bale បានបង្ហាញទម្រង់លេងល្អសំរាប់ Real Madrid ក្នុងជំនួបជាមួយនឹង Getafe ដោយរកគ្រាប់បាល់បាន ៤គ្រាប់ ក្នុងចំនោម៥ប្រកួត។ ហើយនៅក្នុងការប្រកួតដំបូងទល់នឹងក្រុមនេះ ខ្សែប្រយុទ្ធសញ្ជាតិវេលស៍ បានជួយក្រុមអោយទទួលបានជ័យជំនះ ក្នុងលទ្ធផល ៣-០ ប៉ុន្ដែរូបគេ មិនអាចរកគ្រាប់បាល់បាននោះទេ។ សំរាប់ការប្រកួតជាមួយនឹងក្រុមដដែលនេះ បន្ដបន្ទាប់គេតែងតែរកគ្រាប់បាល់បានជានិច្ច។

ខ្សែប្រយុទ្ធវ័យ២៩ឆ្នាំរូបនេះ មានស្ថិតិល្អផងដែរ សំរាប់ការប្រកួតបើករដូវកាល ចាប់តាំងពីឆ្នាំ ២០១៥មក ដោយតែងតែរកគ្រាប់បាល់ដំបូងអោយក្រុម Real Madrid។ ចុះសម្រាប់រាត្រីនេះ តើ Gareth Bale អាចរកគ្រាប់បាល់បានប៉ុន្មានគ្រាប់?

ប្រភព៖ AS

Hazard និយាយអ្វីខ្លះពីអ្នកចាត់ការថ្មី ក្រោយរូបគេលេងជាកីឡាករបំរុង?

ខ្សែប្រយុទ្ធ Eden Hazard និយាយថា Chelsea អាចធ្វើបានគ្រប់យ៉ាង ដោយភាពអស្ចារ្យ ក្រោមការដឹកនាំរបស់លោក Marizio Sarri បន្ទាប់ពីតោខៀវបានយកឈ្នះ Arsenal ដោយលទ្ធផល ៣-២។

ខ្សែការពារ Marcos Alonso បានរកគ្រាប់បាល់ជ័យជំនះអោយ Chelsea នៅ៩នាទីមុនការប្រកួតបញ្ចប់ ក្នុងកីឡដ្ឋាន Stamford Bridge បន្ទាប់ពី កីឡាករ Henrikh Mkhitaryan និង Alex Iwobi របស់ Arsenal រកម្នាក់មួយគ្រាប់តាមស្មើ ពីរគ្រាប់ដែលរកបានដោយ Pedro និង Alvaro Morata របស់ក្រុមតោខៀវ ដែលបាននាំមុខ នៅក្នុងតង់ទី១។

នៅក្នុងជំនួបនោះ Hazard ត្រូវអង្គុយកៅអីបម្រុង មុនពេលរូបគេទទួលបានឱកាសប្ដូរចូល ហើយជួយបញ្ជូនបាល់អោយ Alonso រកបានបីពិន្ទុនៅក្នុងទឹកដីរបស់ខ្លួន។ ទោះបីជាគ្មានឈ្មោះក្នុងបញ្ជីជម្រើស១១នាក់ដំបូង ក៏ពិតមែន ប៉ុន្ដែខ្សែប្រយុទ្ធបែលហ្ស៊ិករូបនេះ បានលើកសរសើរអ្នកចាត់ការថ្មីរបស់ខ្លួន ដែលបានដឹកនាំក្រុមជំនួសលោក Antonio Conte សំរាប់រដូវកាលថ្មី ២០១៨/១៩។

ក្រោយចប់ការប្រកួត Hazard បានថ្លែងប្រាប់ BT Sport ថា៖ “វាជារឿងល្អដែលខ្ញុំលេងនៅលើទីលាន ជាងអង្គុយនៅលើកៅអីបម្រុង ប៉ុន្ដែកីឡាកររបស់យើង លេងបានល្អ ហើយប្រសិនបើខ្ញុំអាចបង្ហាញខ្លួនលើទីលាន ១៥ ទៅ ២០នាទី ខ្ញុំក៏នឹងខំអោយអស់ពីសមត្ថភាពរបស់ខ្ញុំផងដែរ។

“ថ្ងៃនេះ ខ្ញុំពិតជារំភើបដែលយើងបានទទួលជ័យជំនះ។ ខ្ញុំគិតថា[Sarri] ជាអ្នកចាត់ការ ដែលចង់អោយកីឡាករយើងគ្រប់គ្រងបាល់។ ខ្ញុំមិនអាចនិយាយអាក្រក់ពីរឿងនេះទេ ខ្ញុំគ្រាន់តែចង់ចូលលេង ហើយគ្រប់គ្រងបាល់នៅជើងរបស់ខ្ញុំ។

“យើងមានកីឡាករល្អៗ ហើយយើងអាចធ្វើរឿងដែលអស្ចារ្យ ដូច្នេះវាជារឿងល្អដែលមានអ្នកចាត់ការប្រភេទនេះ។ ខ្ញុំគិតថានៅ Premier League យើងមិនអាចមានឱកាសគ្រប់គ្រងបាល់បានច្រើននោះទេ។ គាត់ជាអ្នកចាត់ការដ៏អស្ចារ្យ ដូចដែលយើងធ្លាប់មានពីមុនមក ហើយពេលនេះ យើងរីករាយនឹងការទទួលបានជ័យជំនះក្នុងការប្រកួត”៕

ប្រភព៖ Goal

ម្ចាស់ក្លឹប Napoli មិនចង់អោយក្រុមពីរ មានឈ្មោះប្រកួតនៅ Champions League ទាំងអស់គ្នា

ប្រធានក្លឹប Napoli លោក Aurelio De Laurentiis បានធ្វើការចោទប្រកាន់ក្លឹប Roma និង Liverpool ហើយបានលើកឡើងថា ម្ចាស់ក្លឹបទាំងពីរនេះមានទំនាក់ទំនងស៊ីជម្រៅជាមួយគ្នា។

លោក Laurentiis បានចោទប្រកាន់ដោយមិនញញើតបន្ទាប់ពីក្លឹប Roma បានលក់អ្នកចាំទី Alisson ទៅអោយក្លឹបអង់គ្លេស Liverpol ហើយលោកបានលើកឡើងថាពួកគេបានបដិសេធសំនើររបស់ Napoli។

លោក Laurentiis បាននិយាយក្ដែងៗថា ម្ចាស់ក្លឹបហង្សក្រហមលោក John W Henry និង ម្ចាស់ក្លឹប Roma លោក James Pallotta បានចចារគ្នាស្ងាត់ៗ ក្នុងការទិញកីឡាករ។

លោកបានថ្លែងប្រាប់ Gazzetta dello Sport ថា៖ “ខ្ញុំមិនអាចទិញ Alisson បាននោះទេ បើទោះបីជាខ្ញុំមាន១០០លានក្នុងដៃក៏ដោយ។ ខ្ញុំបានដាក់សំនើរ ៦០លានដើម្បីទិញអ្នកចាំទីរូបនេះ ប៉ុន្ដែ Roma មិនចង់លក់គេមកអោយខ្ញុំនោះទេ។

“ខ្ញុំសង្ស័យថា ម្ចាស់ក្លឹបពិតប្រាកដរបស់ Roma គឺជាម្ចាស់ក្លឹបរបស់ Liverpool។ មានសត្វបក្សីតូចមួយបានប្រាប់ខ្ញុំកាលពីប៉ុន្មានឆ្នាំមុន ប៉ុន្ដែបើសិនជាដូច្នេះមែន ក្រុមទាំងពីរនេះ មិនសមនៅលេង Champions League ទាំងពីរនោះទេ។”

បើតាមច្បាប់របស់ UEFA ក្លឹបពីរដែលមានម្ចាស់តែមួយ មិនអាចលេងទាំងអស់គ្នា នៅ Champoins League បាននោះទេ។

គួររំលឹកថា ក្រុម Roma និង Liverpool បានជួបប្រកួតតទល់គ្នា នៅក្នុងវគ្គពាក់កណ្ដាលផ្ដាច់ព្រ័ត្រ កាលពីរដូវកាលមុន ដោយហង្សក្រហម បានផ្ដួលក្រុមកញ្ជ្រោងអ៊ីតាលី ក្នុងលទ្ធផលសរុបទាំងពីរជើង ៧-៦។

ក្លឹប Roma បានឆ្លើយតបទៅកាន់ការចោទប្រកាន់នោះវិញ តាម Twitter បែបចំអកទៅម្ចាស់ក្លឹប Napoli ថាប្រសិនបើលោក Laurentiis រកឃើញសត្វបក្សីនោះម្ដងទៀត ប្រហែលជា Roma ត្រូវបានចោទប្រកាន់ថា ជារបស់ម្ចាស់ក្លឹប Bayern ឬ Barca ជាក់ជាពុំខាន៕

មេធំ Napoli ថា Juventus អាចនឹងជួបបញ្ហាបន្ទាប់ពី នាំយក Ronaldo ពីក្លឹប Real Madrid

ប្រភព៖ Daily Mail

Bernardeschi ជាវីរបុរសចុងម៉ោង ជួយអោយ Juve ទទួលបានបីពិន្ទុ សំរាប់ការប្រកួតបើកឆាក Serie A

ការបង្ហាញខ្លួនលើកដំបូងរបស់ Ronaldo បញ្ចប់ទៅដោយក្រុមការពារជើងឯកលីគកំពូលអ៊ីតាលី Juventus បានយកឈ្នះក្រុម Chievo ក្នុងលទ្ធផល ៣-២ បន្ទាប់ពី កីឡាករ Federico Bernardeschi ដែលប្ដូរចូលរកបានមួយគ្រាប់ចុងម៉ោងអោយក្រុមសេះបង្កង់។

ទោះបីជា ខ្សែបម្រើ Sami Khedira រកបានមួយគ្រាប់បើកឆាកនាំមុខក្ដី ប៉ុន្ដែ ក្រុមម្ចាស់ផ្ទះ Chievo បានវាយបកនាំមុខ ២-១ វិញដោយ Mariusz Stepinski តែតមួយក្បាលនៅតង់ទី១ និង Emanuele Giaccherini រកបានដោយបាល់ប៉េណាល់ទី នៅដើមតង់ទី២។

ប៉ុន្ដែ Juve បានតាមស្មើវិញ នៅ១៥នាទីបន្ទាប់ ក្រោយពីកីឡាករ Mattia Bani របស់ក្រុមម្ចាស់ផ្ទះធ្វើអោយបាល់ចូលទីខ្លួនឯង ហើយ Alex Sandro កាត់បាល់អៅយ Bernardeschi រកបាននៅនាទីទី៩៣ ដែលជាគ្រាប់បាល់ជ័យជំនះ ជួយអោយ Juve ទទួលបានបីពិន្ទុសំរាប់ការប្រកួតបើកឆាក៕

ប្រភព៖ Goal