Bale បង្ហាញហេតុផល ដែលធ្វើឲ្យខ្លួនលេងមិនបានល្អ និង បាត់បង់ទំនុកចិត្ត

ខ្សែប្រយុទ្ធ Gareth Bale របស់ក្រុម​ Real Madrid ជារឿយៗត្រូវបានអ្នកគាំទ្រដែលមកទស្សនាការប្រកួតនៅកីឡដ្ឋាន Santiago Bernabeu ស្រែកចំអក ដែលធ្វើឲ្យរូបគេបាត់បង់ទំនុកចិត្ត។

កីឡាករសញ្ជាតិវេលស៍រូបនេះ តែងតែទទួលបានការរិះគន់ សម្រាប់សកម្មភាព ក្នុងនិង ក្រៅទីលានប្រកួត សម្រាប់ការរ៉ាប់រងតួនាទីនៅតំបន់ប្រយុទ្ធ ក្រោយពីការចាកចេញរបស់ Cristiano Ronaldo ទៅកាន់ក្លឹប Juventus កាលពីឆ្នាំ ២០១៨។

Bale បាននិយាយថា៖ “យើងទទួលបានសំពាធច្រើននៅគ្រប់ការប្រកួត។ ប្រសិនបើអ្នកមិនអាចលេងបានល្អ មានការនិយាយរិះគន់។ មានមនុស្ស៨ម៉ឺននាក់នៅក្នុងកីឡដ្ឋាន ផ្លុំកញ្ចែដាក់រូបខ្ញុំព្រោះខ្ញុំលេងមិនបានល្អ។ វាមិនល្អនោះទេ ហើយវាធ្វើឲ្យអ្នកបាត់ទំនុកចិត្តផងដែរ។”

“អ្នកអាចរំពឹងថា ប្រសិនបើអ្នកធ្វើមិនបានល្អនៅលើទីលានប្រកួតទេនោះ អ្នកគាំទ្ររបស់អ្នក គួរតែនៅពីក្រោយអ្នកហើយព្យាយាមជួយអ្នកឲ្យធ្វើបានកាន់តែល្អ ព្រោះវានឹងធ្វើឲ្យពួកគេរីករាយ។”

“ប៉ុន្ដែវាហាក់ដូចជា ពួកគេធ្វើផ្ទុយពីនេះ។ ពួកគេផ្លុំកញ្ចែដាក់អ្នក ដែលធ្វើឲ្យអ្នកមានអារម្មណ៍កាន់តែមិនល្អ អ្នកបាត់បង់ទំនុកចិត្ត អ្នកលេងមិនបានល្អ ហើយក្រោយមកវាធ្វើឲ្យពួកគេកាន់តែមិនសប្បាយចិត្ត។”

ខ្សែប្រយុទ្ធវ័យ៣០ឆ្នាំបានបន្ដថា៖ “នៅក្នុងវិស័យបាល់ទាត់ អ្នកប្រហែលជាលេងបានយ៉ាងល្អ ដោយមិនមានគ្រាប់បាល់៥ប្រកួត ហើយក្រោយមកគ្រប់គ្នានិយាយថា អ្នកលេងមិនល្អ។”

“អ្នកបាននិយាយប្រាប់ខ្លួនឯង ថាអ្នកលេងបានល្អ អ្នកគ្រាន់តែមិនបានរកគ្រាប់បាល់ ឬបញ្ជូនតែប៉ុណ្ណោះ។ ប៉ុន្ដែអ្នកខ្លះចង់ឲ្យមានគ្រាប់បាល់ assist ហើយនឹងរឿងអស្ចារ្យ។ ពេលខ្លះវាមិនតែងតែកើតឡើងនោះទេ។”

ប្រភព៖ Marca

អានអត្ថបទបន្ទាប់៖ គ្រូចាស់ Hitzfeld ថាវាជារឿងប្រញាប់ពេក ដែលយក Haaland ទៅប្រៀបធៀបជាមួយតារាកំពូលរូបនេះ

អតីតគ្រូបង្វឹកលោក Ottmar Hitzfeld ដែលធ្លាប់ទទួលបន្ទុកដឹកនាំក្រុម Borussia Dortmund និង Bayern Munich បាននិយាយផ្តោតសំខាន់ទៅលើខ្សែប្រយុទ្ធ Erling Haaland ដែលត្រូវបានគេយកទៅប្រៀបធៀបជាមួយតារាឆ្នើម Robert Lewnadowski ។

Robert Lewnadowski 

ជាក់ស្តែងលោក Hitzfeld នៅតែជឿជាក់ថា Haaland ត្រូវការរៀនសូត្រ និងពេលវេលាច្រើនទៀត មុនពេលដែលរូបគេអាចឈរនៅកំរិតល្អ ដូចទៅនឹងខ្សែប្រយុទ្ធរបស់ក្រុម Bayen កីឡាករ Lewnadowski បាន ។

Robert Lewnadowski

យ៉ាងណាមិញដោយថ្លែងប្រាប់ទៅកាន់ Goal លោក Hitzfeld បានរៀបរាប់ថា ៖ ” ខ្ញុំគិតថា Haaland អាចនឹងល្អដូច Lewandowski ដែរ ប៉ុន្តែគាត់នៅតែមិនទាន់បានត្រៀមខ្លួនរួចរាល់ហើយ នៅឡើយទេ ។ គាត់គឺជាការចុះហត្ថលេខាដ៏ល្អបំផុតមួយសម្រាប់ក្រុម Borussia Dortmund នាខែមករា ហើយឥឡូវនេះគាត់គឺជាកីឡាករពិសេស ” ។

Erling Haaland

លោកបន្តទៀតថា ៖ ” Haaland មានភាពចាស់ទុំមិនគួរឱ្យជឿសម្រាប់វ័យរបស់គាត់ប៉ុណ្ណេះ គាត់មានគុណសម្បត្តិល្អហើយ រួមទាំងការរកគ្រាប់បាល់មិនគួរឲ្យជឿផងដែរ ។ ប៉ុន្តែសម្រាប់ Lewnadowski  គាត់មានគុណភាព ដែលក្រុមទាំងមូលត្រូវការបំផុត និងជាមិត្តរួមក្រុមដ៏ល្អផងដែរ ។ ហើយស្ថិតិរបស់គាត់ គឺមិនអាចកុហកនរណាបានឡើយ ” ៕

ប្រភព: Besoccer