Barcelona កំពុងតាមដានខ្សែការពារហូឡង់មួយរូប ត្រៀមនាំយកមកជំនួស Pique

Barcelona មានចំណាប់អារម្មណ៍ចង់បាន ខ្សែការពារ Matthijs de Ligt របស់ក្លឹបហូឡង់ Ajax  ដើម្បីជំនួសតំណែងខ្សែការពារ Gerard Pique។ ក្រុមបច្ចេកទេសរបស់ក្លឹប បានឃ្លាំមើលកីឡាកររូបនេះ យូរណាស់មកហើយ ថែមទាំងបានធ្វើដំនើរទៅទីក្រុងអាំស្ទេរដាមជាច្រើនលើក ដើម្បីមើលពីការលេងរបស់គេ។

បច្ចុប្បន្ន ក្លឹបកាតាឡាន់កំពុងពិចារណា ក្នុងការស្វះស្វែងរកខ្សែការពារកណ្ដាលដែលប្រើជើងស្ដាំ ខណៈដែល Samuel Umtiti, Thomas Vermaelen និង Clement Lenglet សុទ្ធតែប្រើជើងឆ្វេង។

ហើយប្រសិនបើ អាចនាំយក De Ligt មកចូលរួមបានមែននោះ វានឹងជួយអោយ Pique មានពេលសំរាកបានច្រើន នឹងបង្កើតការប្រកួតប្រជែងនៅក្នុងតំណែងនេះ ប៉ុន្ដែបច្ចុប្បន្ន ខ្សែការពារវ័យ១៩ឆ្នាំរូបនេះ នៅជាប់កុងត្រាជាមួយក្លឹប Ajax ហើយកិច្ចចចារព្រមព្រៀងរវាងក្លឹបទាំងពីរអាចនឹងធ្វើឡើង នៅរដូវក្ដៅខាងមុខ៕

ប្រភព៖ Marca