វីរបុរស Barcelona លោក Samuel Eto’o បានអះអាងថា Ansu Fati គឺជាកីឡាករ ដែលមានសមត្ថភាពដើម្បីបំពេញចន្លោះប្រហោង របស់ខ្សែប្រយុទ្ធ Lionel Messi បាន ប្រសិនបើគេនឹងត្រូវដើរចេញពីទឹកដី Camp Nou នៅពេលណាមួយនោះ ។

ជាក់ស្តែង Messi នឹងត្រូវផុតកុងត្រានៅរដូវក្តៅខាងមុខនេះ ខណ:ការបន្តកិច្ចសន្យាថ្មីជាមួយក្រុម Barcelona ក៏ត្រូវបានគេជឿជាក់ថានឹងអាចកើតមានឡើងផងដែរ ។ 

ហើយយ៉ាងណាមិញ លោក Eto’o ដែលធ្លាប់បានចំណាយពេល ៥ រដូវកាលរួមជាមួយខ្សែប្រយុទ្ធសញ្ជាតិអាហ្សង់ទីនរូបនេះ បានអះអាងថាក្រុម Barcelona អាចនឹងត្រូវផ្លាស់ប្តូរឈ្មោះ ប្រសិនបើ Messi ចាកចេញទៅនោះ ។ 

ប៉ុន្តែទោះជាយ៉ាងណា ទម្រង់លេងរបស់  Ansu Fati ហាក់កំពុងផ្ទុះឡើងយ៉ាងខ្លាំង ក្នុងរយ:ពេលថ្មីៗចុងក្រោយនេះ ខណ:កីឡាករវ័យ ១៨ ឆ្នាំរូបនេះ បានបង្ហាញខ្លួនឲ្យក្រុមជម្រើសជាតិអេស្ប៉ាញ ចំនួន ៤ ដងរួចមក ស្របពេលលោក Eto’o  ជឿជាក់ថាគេនឹងក្លាយជាងកីឡាករម្នាក់ ដែលមានសមត្ថភាពគ្រប់គ្រាន់ ដើម្បីជំនួសតំណែងរបស់ Messi បាន ។

មិនតែប៉ុណ្ណោះ​បុរសវ័យ រូបនេះ បាននិយាយប្រាប់ SPORTbible ទៀតថា ៖ ”   ខ្ញុំគិតថា Fati គឺជាកីឡាករម្នាក់ សម្រាប់អនាគតរបស់ក្លិប ។ បច្ចុប្បន្នគាត់កំពុងធ្វើរឿងដ៏អស្ចារ្យ ដូច្នេះខ្ញុំគិតថាក្លឹបពិតជាត្រូវការបំប៉នគាត់បន្ថែម និងថែរក្សាគាត់ឲ្យបានល្អបំផុត ។ ហើយយើងសង្ឃឹមថាគាត់នឹងក្លាយជាកីឡាករតែម្នាក់៉គត់ ដែលអាចជំនួសតំណែងពី Messi បាន ” ៕​

ប្រភព: Mirror 

អានអត្ថបទបន្ទាប់៖ ជើងចាស់ Ferdinand ទាយក្រុមដែល Declan Rice នឹងចូលរួមបើចាកចេញពី West Ham តែមិនមែន Man United

Rio Ferdinand បង្ហាញការយល់ឃើញថា ខ្សែបម្រើការពារ Declan Rice គួរផ្លាស់ទៅ Chelsea ជាង Manchester United បើចាកចេញពី West Ham United នៅរដូវក្ដៅខាងមុខនេះ។

កីឡាករដែលធ្លាប់លេងនៅឈុតថ្នាលរបស់ក្លិបតោខៀវ បានបង្ហាញទម្រង់លេងល្អ ក្រោមការដឹកនាំដោយលោក David Moyes ហើយទទួលបានឱកាសចូលលេងនៅក្នុងក្រុមជម្រើសជាតិអង់គ្លេស របស់លោក Gareth Southgate ផងដែរ។

ដោយសារទម្រង់លេងល្អរបស់កីឡាករវ័យ២១ឆ្នាំរូបនេះ បានទាក់ទាញការចាប់អារម្មណ៍ពីអតីតក្លិបរបស់គេ ហើយគេត្រូវបានកំណត់ជាគោលដៅសំខាន់បំផុតក្នុងការនាំយកមកកាន់ទឹកដី Stamford Bridge នៅរដូវក្ដៅខាងមុខ។

ដោយឡែកក្រុមបិសាចក្រហម Manchester United ត្រូវបានបានរាយការណ៍ថា ក៏មានការចង់បានកីឡាកររូបនេះផងដែរ ខណៈក្លិបញញួរធំ បានកំណត់តម្លៃ៨០លានផោន បើចង់បានខ្សែបម្រើឆ្នើមរូបនេះ។

ប៉ុន្ដែអតីតខ្សែការពារក្រុមបិសាចក្រហមលោក Ferdinand យល់ថា Chelsea ជាក្លិបដែលមានសង្ឃឹមច្រើនជាង ក្នុងការនាំយក Rice មកចូលក្រុម។

លោក Ferdinand បាននិយាយថា៖ “ខ្ញុំមិនគិតថា គេនឹងចាកចេញនៅក្នុងការដោះដូរពេលនេះទេ។ ខ្ញុំគិតថាគេបន្ដស្នាក់នៅទីនោះដល់ចប់រដូវកាល។ គេនឹងចាកចេញនៅរដូវក្ដៅ ហើយខ្ញុំគិតថា ក្លិបដែលគេចង់ផ្លាស់ទៅគឺ Chelsea”៕

ប្រភព៖ talkSPORT