Griezmann ប្រាប់ពីកីឡាករដែល រូបគេចង់អោយឈ្នះពាន Ballon d’Or ក្នុងឆ្នាំនេះ

ខ្សែប្រយុទ្ធ Antoine Griemzmann បាននិយាយថា ពាន Ballon d’Or គួរតែបានទៅលើតារាឆ្នើមរបស់ក្រុមជម្រើសជាតិបារាំង ក្នុងឆ្នាំនេះបន្ទាប់ពីពួកគេបានឈ្នះពាន World Cup។ មានកីឡាករបារាំង ៦រូប ដែលមានឈ្មោះក្នុងបញ្ជីបេក្ខភាពទាំង ៣០រូបចុងក្រោយ ដែលទើបតែបានប្រកាសកាលពីថ្ងៃចន្ទកន្លងទៅ។

Griezmann ក៏ស្ថិតនៅក្នុងចំនោមមិត្តរួមក្រុមរបស់ខ្លួន ដែលមានដូចជា Hugo Lloris, N’Golo Kante, Raphael Varane,Paul Pogba និង Kylian Mbappe។ ខ្សែប្រយុទ្ធរបស់ក្លឹប Atletico Madrid រូបនេះ និង តារាឆ្នើម​វ័យក្មេង Mbappe ដែលពួកគេមានលក្ខណៈពិសេសក្នុងការប្រជែងពាននេះ ប៉ុន្ដែខ្សែបម្រើក្រូអាត Luka Modric ក៏មានភាគរយខ្ពស់ក្នុងការឈ្នះពាននេះផងដែរ ក្រោយពីរូបគេបានឈ្នះពាន Champions League និង ឡើងដល់វគ្គផ្ដាច់ព្រ័ត្រ World Cup ផងដែរ។

ប៉ុន្ដែ Griezmann យល់ឃើញថា កីឡាករមកពីក្រុមបារាំង សក្ដិសមនឹងទទួលបានពានរង្វាន់កីឡាករឆ្នើម នៅក្នុងឆ្នាំនេះ។ Griezmann បានថ្លែងប្រាប់កាសែតបារាំងថា៖ “យើងបានឈ្នះពានបាល់ទាត់ពិភពលោក យើងជាផ្នែកមួយនៃក្រុមដែលល្អបំផុតលើលោក។

“នៅក្នុងក្រុមដែលល្អជាងគេលើលោកមួយនេះ ក៏ត្រូវមានកីឡាករល្អបំផុតលើលោកផងដែរ មែនទេ? នេះជាអ្វីដែលខ្ញុំយល់ឃើញ។ ក្រៅពីនេះ គឺជាការបោះឆ្នោត មតិយោបល់ និងការវិនិច្ឆ័យផ្សេងៗគ្នា។ ប៉ុន្ដែខ្ញុំគិតថា កីឡាករបារាំង គួរតែជាម្ចាស់ពាន Ballon d’Or ក្នុងឆ្នាំនេះ។”

ខ្សែប្រយុទ្ធវ័យ២៦ឆ្នាំ បានសារភាពថា រូបគេចង់ឈ្នះការប្រកួត ដើម្បីឈានទៅដល់កំរិតមួយប្រហាក់ប្រហែលនឹង តារាឆ្នើម Lionel Messi និង Cristiano Ronaldo។ គេបាននិយាយថា៖ “សំរាប់ខ្ញុំ វាគឺជាក្ដីសុបិន ហើយជាប្រវត្តិសាស្ដ្រ ពាន Ballon d’Or គឺសំរាប់កីឡាករល្អបំផុត ក្នុងចំនោមកីឡាករល្អបំផុត។ វាសំរាប់តែកីឡាករបាល់ទាត់ឆ្នើមប៉ុណ្ណោះ ក្នុងចំនោមអ្នកឈ្នះពាននេះ។ វាជាក្ដីសុបិនក្នុងការក្លាយជាគំរូសំរាប់កីឡាករដទៃ។”

មកស្គាល់បេក្ខភាព ដែលនឹងត្រូវប្រជែងពាន Ballon d’Or

Meunier ចង់អោយខ្សែការពារមួយរូប ឈ្នះពាន Ballon d’Or ជាជាង Hazard, Mbappe និង Neymar

ប្រភព៖ Daily Mail