Haaland ឈោង​បាន​កំណត់ត្រា​ផ្ទួនៗ ពេល​ប៉ះ PSG យប់មិញ

Haalandដែល​រក​បាន​ពីរ​គ្រាប់​ម្នាក់​ឯង​ក្នុង​ជំនួប​ទល់​ក្លឹប Paris Saint-Germain ​រុញ​ឲ្យ​រូប​គេ​បាន​បំបែក​កំណត់ត្រា​ផ្ទួនៗ​គ្នា​ចំនួន ២។

Erling Haaland
Erling Haaland

ក្នុង​នោះ​កំណត់ត្រា​ទី ១ គឺ​រូប​គេ​បាន​ជាប់​ឈ្មោះ​ជា​កីឡាករ​វ័យ​ក្មេង​បំផុត​លំដាប់​ទី ២ ដែល​អាច​រក​គ្រាប់​បាល់​នៅ UEFA Champions League ​ចំនួន ១០ គ្រាប់ ដែល​យុវជន​សញ្ជាតិ​ន័វវេស​រូប​នេះ​ស្ថិត​នៅ​វ័យ ១៩ ឆ្នាំ និង ២១២ ​ថ្ងៃ។ កំណត់ត្រា​ដាច់​គេ​បង្អស់​គឺ Kylian Mbappe ដែល​ធ្វើ​បាន​នៅ​វ័យ ១៨ ឆ្នាំ​និង ៣៦០ ​ថ្ងៃ។

Erling Haaland

កំណត់ត្រា​ទី ២ គឺ Haaland អាច​រក​គ្រាប់​បាល់​ទី ១០ របស់​ខ្លួន ដោយ​ប្រើ​ពេល​ត្រឹម​តែ ៧ ប្រកួត​ប៉ុណ្ណោះ​ក្នុង​រដូវ​កាល​ទោល ពោល​គឺ​លឿន​ជាង ៤ ប្រកួត​បើ​ធៀប​នឹង​អ្នក​បន្តបន្ទាប់​ឯ​ទៀត​ដែល​ស្ថិត​ក្នុង​កំណត់ត្រា​តែ​មួយ។

Erling Haaland

រំឭក​ថា​​ Dortmund នឹង​ត្រូវ​ចូល​ជួប PSG នៅ​ជំនួប​កាត់​សេចក្តី​រក​ក្រុម​ឆ្ពោះ​ទៅ​កាន់​វគ្គ ៨ ​ក្រុម​ចុង​ក្រោយ​ដែល​លទ្ធផល​នា​ជើង​ទី ១ បញ្ចប់​ ២-១ អ៊ីចឹង​យើង​នឹង​រង់ចាំ​អុត​មើល​លទ្ធផល​ជើង​ទី ២ នៅ​ទឹកដី​ទីក្រុង​ប៉ារីស​នា​ថ្ងៃ​ទី ១២ មិនា​ទាំង​អស់​គ្នា៕

ប្រភព៖ Optajoe

អានអត្ថបទបន្ទាប់៖ ជើងចាស់ Man City ម្នាក់ សារភាពថាគេភ័យជំនួសអតីតក្លឹបចាស់ខ្លួន ពេលត្រូវប្រឈមមុខ ជាមួយ R.Madrid នៅ UCL

កីឡាករ Yaya Toure បានសារភាពថារូបគេមានការភ័យខ្លាច ចំពោះអតីតក្លឹប Manchester City របស់គេ នៅក្នុងការប្រកួតក្របខណ្ឌ Champions League វគ្គ ១៦ ក្រុមចុងក្រោយ ទល់នឹងក្រុម Real Madrid ។

Yaya Toure

កួរបញ្ជាក់ក្រុមរបស់លោក Pep Guardiola បានឈានទៅវគ្គបន្តនៃការប្រកួតជម្រុះពានរង្វាន់ទ្វីបអឺរ៉ុប ក្នុងនាមជាក្រុមឈរលេខ ១ នៅក្នុងពូល ខណៈដែលក្រុមយក្ស LaLiga បានឈានដល់វគ្គ ១៦ ក្រុមនេះ ដោយបញ្ចប់ក្នុងនាមជាក្រុមជើងឯករងប៉ុណ្ណោះ ។

ហើយយ៉ាងណាមិញក្រុម City នឹងត្រូវធ្វើដំណើរទៅកាន់ទឺកដី Bernabeu នៅថ្ងៃទី ២៦ ខែកុម្ភៈខាងមុខនេះ មុនពេលស្វាគមន៍ក្រុមរបស់លោក Zinedine Zidane នៅជើងទី ២ វិញ នៅថ្ងៃទី ១៧ ខែមីនា ។

កីឡាករក្រុម Manchester City

មិនតែប៉ុណ្ណោះមុនការប្រកួតនេះមកដល់ Toure បានប្រាប់ Omnisport ថា៖ “ ខ្ញុំចង់អោយ City ទទួលជួប Lyon ឬក្លឹបមួយចំនួនផ្សេងទៀត ប៉ុន្តែមិនមែន Real Madrid ឡើយ ព្រោះពួកគេនឹងក្លាយជាគូប្រកួតដ៏លំបាកបំផុតមួយ ។ ប៉ុន្តែយើងនឹងត្រូវចាំមើល ” ។

កីឡាករក្រុម Real Madrid

គេបន្តទៀតថា ៖ ” Real Madrid អាចទម្លាក់យើងចេញភ្លាមៗ ។ ពួកគេអាចពួកគេពិតជាអាចធ្វើបាន ព្រោះយើងរំពឹងថាក្រុម Real Madrid នឹងឡើងទៅវគ្គ ៨ ក្រុម ហើយពេលនេះពួកគេត្រូវជួបជាមួយ City ។ និយាយដោយស្មោះត្រង់ទៅ ខ្ញុំពិតជាមានការភ័យខ្លាច ” ៕​

ប្រភព : Daily Mail