Messi ចាញ់តែកីឡាករម្នាក់ប៉ុណ្ណោះ ដែលអាចរកគ្រាប់បាល់ច្រើនបំផុត ក្នុងក្លឹបតែមួយ

Lionel Messi នៅបន្ដរក្សាទម្រង់លេងល្អ ក្នុងការរកគ្រាប់បាល់សំរាប់ការប្រកួតនៅអឺរ៉ុប ហើយមួយគ្រាប់ដែលគេរកបានក្នុងជំនួបរវាង Barcelona និង PSV Einhoven ជាគ្រាប់បាល់ទី៦របស់គេ សំរាប់បីប្រកួតដែលគេបានចូលរួមនៅ Champions League រដូវកាលនេះនិង ក្នុងចំនោម១០៦គ្រាប់ ដែលគេរកបានសំរាប់ Barca។

ខ្សែប្រយុទ្ធអាហ្សង់ទីន រកគ្រាប់បាល់បានច្រើនជាងកីឡាករណាៗទាំងអស់សំរាប់ក្លឹបតែមួយ ក្នុងការប្រកួត UCL ដោយនាំមុខ Cristiano Ronaldo ដែលរកបាន ១០៥គ្រាប់ សំរាប់ Real Madrid ប៉ុន្ដែរូបគេនៅតាមពីក្រោយ ខ្សែប្រយុទ្ធព័រទុយហ្គាល់ ១៥គ្រាប់ បើគិតរាល់ក្លឹបដែលពួកគេបានលេងសំរាប់ពានរង្វាន់អឺរ៉ុបមួយនេះ។

បច្ចុប្បន្ន កីឡាករពាក់អាវលេខ១០របស់ Barcelona មានចំនួនគ្រាប់បាល់តាមស្មើវីរបុរសអាល្លឺម៉ង់ Gerd Muller រកបាន ៥៦៥គ្រាប់ សំរាប់ Bayern Munich ហើយមានតែស្ដេចបាល់ទាត់ Pele ប៉ុណ្ណោះ ដែលមានគ្រាប់បាល់សំរាប់ក្រុមតែមួយច្រើនជាងរូបគេ ដោយអតីតតារាឆ្នើមប្រេស៊ីល រកបាន ៦៤៣គ្រាប់ សំរាប់ក្លឹប Santos។

ដូច្នេះ Messi ត្រូវការរកគ្រាប់បាល់បាន ៧៨គ្រាប់ទៀតតែប៉ុណ្ណោះ សំរាប់ Barcelona ដើម្បីអាចតាមទាន់កំណត់ត្រារបស់ Pele ហើយវាអាចទៅរួចបើ មើលតាមសមត្ថភាពរកគ្រាប់បាល់បច្ចុប្បន្នរបស់ ម្ចាស់ពាន Ballon d’Or ៥សម័យរូបនេះ៕

ប្រភព៖ Marca

អត្ថបទដែលជាប់ទាក់ទង៖ 

អត់​កប់​ម៉េច​បាន! Messi ផ្តួល Ronaldo លើ​កំណត់ត្រា​ពិសេស​មួយ​នៅ Champions League

[វីដេអូ] Messi នៅតែអាចវែកផ្លូវស៊ុតបញ្ចូលទីបាន បើទោះខ្សែការពារ PSV ប្រឹងរារាំង

អតីតគ្រូ Real Madrid ថា ពាន Ballon d’Or ហាក់បាត់បង់តំលៃ បើគ្មាន Messi ជាបេក្ខភាពចុងក្រោយ

មតិយោបល់