កីឡាករ PSG ដែលនឹងមានវត្តមាន និង អវត្តមានក្នុងជំនួបជាមួយ Real Madrid

គ្រូបង្វឹក PSG លោក Unai Emery បានប្រកាសឈ្មោះកីឡាករដែលត្រៀមប្រកួតទល់នឹង Real Madrid ក្នុងជំនួបជើងទី១ វគ្គ១៦ក្រុមចុងក្រោយ Champions League ហើយលោកបានបញ្ជាក់ថា ខ្សែបម្រើ Thiago Motta មិនទាន់ជាសះស្បើយពីបញ្ហារបួសជើងឆ្វេងរបស់គេនៅឡើយទេ ជាហេតុធ្វើអោយកីឡាកររូបនេះខកខានការប្រកួតនៅទឹកដី Bernabeu។

Motta មិនមានវត្តមានក្នុងការប្រកួតទល់នឹងក្រុម Toulouse កាលពីចុងសប្ដាហ៍ទេ ហើយលោក Emery បាននិយាយថា រូបគេជាកីឡាករសំខាន់សំរាប់ក្រុម ប៉ុន្ដែដោយសារបញ្ហារបួសបានយាយីដែលធ្វើអោយកីឡាករសញ្ជាតិអ៊ីតាលីត្រូវសំរាករហូតដល់ ៤ខែ។

ដោយសារ Motta ត្រូវខកខានការប្រកួតដូច្នេះ ខ្សែបម្រើ Lass Diarra នឹងរ៉ាប់រងតួនាទីជាខ្សែបម្រើការពារ នៅលើទីលានជំនួសវិញ ដែលកីឡាកររូបនេះត្រូវបាន PSG ចុះហត្ថលេខានាំយកពីក្លឹប Al-Jazira កាលពីខែមករាកន្លងទៅ។

ប៉ុន្ដែទោះបីជាយ៉ាងណាក្ដី រូបគេគ្រាន់ជាជម្រើសមួយ របស់លោក Emery ប៉ុណ្ណោះ ខណៈពេលដែលខ្សែបម្រើ Giovani Lo Celso ឬ Adrien Rabiot មានអាទិភាពខ្ពស់ក្នុងការលេងតំនែងនេះ។

សរុបមកកីឡាកររបស់ PSG ដែលត្រៀមដើម្បីប្រកួតទល់នឹង Real Madrid មានដូចជា៖ Areola, Trapp, Alves, Meunier, Silva, Marquinhos, Kimpembe, Kurzawa, Berchiche, Verratti, Lo Celso, Rabiot, Draxler, Pastore, Diarra, Di María, Mbappé, Neymar, Cavani៕

ប្រភព៖ AS

Ronaldo បានស្នើសុំអ្នកគាំទ្ររឿងមួយ មុនពេលប្រកួតជាមួយ PSG

ខ្សែប្រយុទ្ធឆ្នើមរបស់ក្រុមអធិរាជស កីឡាករ Cristiano Ronaldo បានស្នើសុំអោយអ្នកគាំទ្រផ្ដល់កំលាំងចិត្តដល់ក្រុមទាំងមូល នៅពេលដែលពួកគេប្រកួតជាមួយនឹងក្រុម Paris Saint-Germain នៅក្នុងទឹកដី Santiago Bernabeu នៅថ្ងៃពុធ ក្នុងជំនួប Champions League ជើងទី១ វគ្គ១៦ក្រុមចុងក្រោយ។

Real Madrid មានមហិច្ឆិតាចង់គ្រងតំណែងជាជើងឯកពានធំរបស់អឺរ៉ុបនេះបីឆ្នាំជាប់គ្នា ដោយត្រូវធ្វើយ៉ាងណាអោយឆ្លងផុតក្រុមដែលដឹកនាំដោយលោក Unai Emry ដែលបច្ចុប្បន្នកំពុងឈរនៅកំពូលតារាងលីគអង។

ក្រុមដែលដឹកនាំដោយលោក Zidane លេងមិនសូវបានល្អនោះទេក្នុងការប្រកួតលីគ LaLiga ជាពិសេសការប្រកួតនៅ Bernabeu តែម្ដង ហើយនៅពេលប្រកួតម្ដងៗ អ្នកគាំទ្របានរិះគន់ខ្លាំងទៅលើទម្រង់លេងរបស់ខ្សែប្រយុទ្ធសញ្ជាតិបារាំង Karim Benzema ពីកន្លែងអង្គុយទស្សនា។

ទោះបីជាខ្លួនក្លាយជាអ្នកដែលរកគ្រាប់បាល់បានច្រើនបំផុតប្រចាំក្រុមអធិរាជស និងឈ្នះពាន Ballon d’Or បានប្រាំលើកក្ដី ក៏ Ronaldo ធ្លាប់ត្រូវបានអ្នកគាំទ្របានប្រើពាក្យមិនសមរម្យក្នុងពេលប្រកួតផងដែរ ហើយរូបគេមិនចង់អោយមានរឿងនេះ កើតឡើងនៅក្នុងជំនួបជាមួយនឹង PSG ដែលមានកីឡាករនៅតំបន់ប្រយុទ្ធដ៏គ្រោះថ្នាក់ រួមមាន Neymar, Kylian Mbappe និង Edinson Cavani។

កីឡាករវ័យ៣៣ឆ្នាំរូបនេះ បាននិយាយនៅក្នុងវីដេអូដែលបង្ហោះដោយក្លឹបនៅក្នុងបណ្ដាញសង្គម Twitter ថា៖ “នៅថ្ងៃពុធនេះ យើងនឹងមានការប្រកួតដ៏សំខាន់ជាមួយក្រុមដ៏អស្ចារ្យ ហើយអ្វីដែលខ្ញុំនឹងមិត្តរួមក្រុមស្នើសុំ ការគាំទ្រដោយគ្មានលក្ខខណ្ឌដូចកាលពីមុន ហើយ យើងទាំងអស់គ្នានឹងខ្លាំងជាងមុន”៕

ប្រភព៖ AS

ខ្សែប្រយុទ្ធរបស់ក្រុមកាំភ្លើងធំ អាចនឹងត្រូវអវត្តមានរហូតដល់ ៦សប្ដាហ៍

ខ្សែប្រយុទ្ធសញ្ជាតិបារាំងរបស់ក្រុមកាំភ្លើងធំ កីឡាករ Alexandre Lacazette អាចនឹងអវត្តមានរហូតដល់៦សប្ដាហ៍ ដោយសាររូបគេមានរបួសនៅជង្គង់ឆ្វេងហើយត្រូវធ្វើការវះកាត់។

សំរាប់ការវះកាត់អាចនឹងប្រព្រឹត្តទៅដោយជោគជ័យប៉ុន្ដែអតីតខ្សែប្រយុទ្ធក្រុម Lyon ត្រូវអវត្តមានក្នុងចន្លោះពេល ពី៤ទៅ៦សប្ដាហ៍ នោះមានន័យថារូបគេនឹងខកខានការប្រកួត Europa League របស់ Arsenal វគ្គ៣២ក្រុម ទល់នឹងក្រុម Ostersunds។

Arsenal នឹងធ្វើដំនើរទៅប្រទេសស៊ុយអែត ក្នុងជំនួបជើងទី១ នៅក្នុងសប្ដាហ៍នេះ មុនពេលដែលការប្រកួតនឹងប្រព្រឹត្តទៅនៅថ្ងៃទី ២២ខែកុម្ភៈ។ ចំនែកឯខ្សែប្រយុទ្ធចំនូលថ្មី Pierre-Emerick Aubameyang មិនមានសិទ្ធចូលលេងក្នុងប្រកួតនោះទេ មានន័យថាលោក Wenger ត្រូវសំរេចចិត្តដាក់ Welbeck អោយលេងខ្សែប្រយុទ្ធជួរមុខ៕

ប្រភព៖ TalkSport

Aguero រកគ្រាប់បាល់បាន ច្រើនជាងកីឡាករនៅតំបន់ប្រយុទ្ធទាំងអស់របស់ ManUTD ក្នុងឆ្នាំ ២០១៨នេះ

ខ្សែប្រយុទ្ធរបស់ក្លឹប Manchester City កីឡាករ Sergio Aguero ទើបតែរកបានបួនគ្រាប់ក្នុងជំនួបទល់នឹងក្រុម Leicester ធ្វើអោយចំនួនគ្រាប់បាល់ដែលខ្សែប្រយុទ្ធរូបនេះរកបានកើនដល់ ១៣គ្រាប់ សំរាប់ឆ្នាំ ២០១៨។

ខ្សែប្រយុទ្ធអាហ្សង់ទីនរូបនេះ បានក្លាយជាអ្នកស៊ុតបញ្ចូលទីច្រើនជាងគេបំផុតប្រចាំក្រុម Man City ហើយនៅក្នុងរដូវកាលនេះ រូបគេរកបាន ២៩គ្រាប់សំរាប់គ្រប់ការប្រកួត។

សំរាប់ឆ្នាំ ២០១៨នេះវិញ អតីតខ្សែប្រយុទ្ធ Atletico Madrid រកបាន១៣គ្រាប់ ដែលច្រើនជាង គ្រាប់បាល់របស់កីឡាករនៅតំបន់ប្រយុទ្ធរបស់ក្រុមបិសាចក្រហម រួមមាន Alexis Sánchez, Romelu Lukaku, Anthony Martial, Jesse Lingard និង Marcus Rashford បូកបញ្ចូលគ្នាទៅទៀត(១២គ្រាប់)៕

ប្រភព៖ TalkSport

ការប្រកួតផ្ដាច់ព្រត្រ Copa Del Rey នឹងប្រព្រឹត្តទៅនៅទីក្រុង Madrid

នៅក្នុងកិច្ចប្រជុំរបស់ សហព័ន្ធ​កីឡា​បាល់ទាត់​អេស្ប៉ាញ នៅ Las Rozas បានព្រមព្រៀងការប្រកួតផ្ដាច់ព្រត្រCopa del Rey ក្នុងឆ្នាំនេះរវាងក្រុម Barcelona និង Sevilla ត្រូវប្រព្រឹត្តទៅនៅថ្ងៃទី ២១ ខែមេសា នៅកីឡដ្ឋាន Wanda Metropolitano របសក្រុម Atletico Madrid ។

សេចក្ដីប្រកាសមិនទាន់ចេញជាផ្លូវការនៅឡើយនោះទេ ខណៈការព្រមព្រៀងបានសំរេចរវាង ក្រុមទាំងពីររួមទាំងសហពន្ធ័ក្ដី លុះត្រាតែ Atletico ផ្ដល់សិទ្ធិជាមុនសិន។

សហពន្ធ័នឹងបញ្ជូនសំនើរនេះទៅកាន់ ប្រធានក្លឹប Atletico លោក Enrique Cerezo កាលពីថ្មីៗនេះ ប៉ុន្ដែគេរំពឹងថា សំនើរនេះនឹងទទួលបានជោគជ័យក្នុងការយកកីឡដ្ឋាន Wanda ធ្វើជាទីលានប្រកួតផ្ដាច់ព្រត្រ Copa Del Rey៕

ប្រភព៖ AS

Sanchez បានរំលឹកអតីតកាលសោកសៅរបស់ Messi បន្ទាប់ពីចាញ់ Chelsea

កីឡាករ Alexis Sánchez និយាយថា ខ្សែប្រយុទ្ធឆ្នើមរបស់ក្រុម Barcelona កីឡាករ Lionel Messi បានយំបន្ទាប់ពីក្រុមរបស់គេបានចាញ់ Chelsea នៅវគ្គពាក់កណ្ដាលផ្ដាច់ព្រត្រ Champions League កាលពីឆ្នាំ ២០១២។

Messi បានធ្វើអោយខកខានឱកាសស៊ុតបញ្ចូលទីបាល់ ១១ម៉ែត្រ ធ្វើអោយក្រុមកាតាឡាន់ដែលបាននាំមុខ ២-០ មុនក្នុងការប្រកួតត្រូវក្រុមតោខៀវតាមបាន ២-២វិញ ដោយភាគីខាង Chelsea នៅសល់តែកីឡាករ១០នាក់ប៉ុណ្ណោះបន្ទាប់ពីខ្សែការពារ John Terry ត្រូវបានបណ្ដេញចេញពីការប្រកួត ហើយបើគិតសរុបលទ្ធផលទាំងពីរជើងក្រុមអង់គ្លេសបានយកឈ្នះ ៣-២។

Sánchez ដែលកាលនោះនៅជាកីឡាកររបស់ Barcelona បានបង្ហាញភាពឈឺចាប់ នៅពេលដែលអតីតក្រុមរបស់ខ្លួនបរាជ័យក្នុងការប្រកួតនោះ។ ខ្សែប្រយុទ្ធរបស់ក្រុមបិសាចក្រហមរូបនេះក៏បានសង្កត់ធ្ងន់ទៅលើ ប្រាក់កំរៃដែលកីឡាករទទួលបានពីអាជីពជាកីឡាករបាល់ទាត់ផងដែរ។

កីឡាករសញ្ជាតិឈីលីថ្លែងប្រាប់ Sky Sports ថា៖ “ខ្ញុំគិតថាបាល់ទាត់បានជួយជីវិតមនុស្សជាច្រើន។ វាអាចផ្ដល់នូវជីវិតពោរពេញដោយភាពហ៊ឺហារ ប៉ុន្ដែអ្នកខ្លះមិនដែលដឹងថា មានអ្វីបានកើតឡើងនៅពីក្រោយជីវិតជាកីឡាករបាល់ទាត់នោះទេ”។

Barcelona’s Argentinian forward Lionel Messi (R) is congratuled by his teammate Barcelona’s Chilean forward Alexis Sanchez (L) after scoring during the Spanish league football match FC Barcelona vs Rayo Vallecano on November 29, 2011 at the Camp Nou stadium in Barcelona. AFP PHOTO/ JOSEP LAGO (Photo credit should read JOSEP LAGO/AFP/Getty Images)

“ពួកគេត្រូវបែកពីគ្រួសារ ឬ ខកខានថ្ងៃខួបកំនើតម្ដាយរបស់គេ ហើយកីឡាករជាច្រើនមិនមានឱកាសនៅក្បែប្រពន្ធ ពេលដែលកូនរបស់គេបានសំរាលនោះទេ”។

“គេប្រហែលជាយំនៅពេលក្រុមរបស់គេចាញ់ ប្រកួតផ្ដាច់ព្រត្រ។ ហើយខ្ញុំបានឃើញ Leo [Messi] យំ នៅបន្ទប់ផ្លាស់សំលៀកបំពាក់បន្ទាប់ពីប្រកួតជាមួយនឹង Chelseaបានបញ្ចប់។

អតីតកីឡាករក្រុមកាំភ្លើងធំក៏បានលើកឡើងអំពី មនុស្សមួយចំនួនបានតែនិយាយរិះគន់ទៅលើទម្រង់លេងរបស់កីឡាករ ឬ រថយន្ដទំនើបដែលកីឡាករទាំងនោះជិះតែប៉ុណ្ណោះ ហើយសំរាប់រូបគេផ្ទាល់ មិនអាចតំរូវចិត្តមនុស្សបានគ្រប់គ្នានោះទេ គេចង់ធ្វើអោយជីវិតរីករាយជាមួយនឹងអ្វីដែលគេមាន៕

ប្រភព៖ AS

Man City ជាក្លឹបដែលមានក្រុមកីឡាករថ្លៃជាងគេបំផុត ក្នុងប្រវត្តិសាស្ដ្របាល់ទាត់

ក្លឹប Manchester City បានក្លាយជាក្លឹបដែលមានក្រុមកីឡាករមានតំលៃថ្លៃបំផុតក្នុងប្រវត្តិសាស្ដ្របាល់ទាត់ បន្ទាប់ពីចំនាយអស់ ៨៧៨លានអឺរ៉ូ សំរាប់ទិញកីឡាករក្នុងកំឡុងពេលទីផ្សាដោះដូរ។

បើតាមអង្គភាពអង្កេតការណ៍បាល់ទាត់ CIES បានបង្ហាញថា ក្រុមកំពូលតារាង Premier League បានចំនាយទឹកប្រាក់ច្រើនជាងក្រុមនានា នៅលីគកំពូលទាំង៥របស់អឺរ៉ុប ដែលថ្មីៗនេះ City បានចុះកុងត្រាយកខ្សែការពារ Aymeric Laporte ក្នុងតំលៃ ៦៥លានអឺរ៉ូកាលពីខែមករា។

Man City នាំមុខក្លឹបយក្សបារាំង PSG ដែលមានក្រុមកីឡាករដែលមានតំលៃសរុប ៨០៥លានអឺរ៉ូ ដែលក្នុងនោះពួកគេបានចំនាយ ១/៤ទៅលើកីឡាករ Neymar ដែលបានផ្ទេររូបគេមកពីក្លឹប Barcelona ក្នុងតំលៃ ២២២លានអឺរ៉ូ។

ចំនែកក្លឹបបិសាចក្រហមវិញ ឈរនៅលេខ៣ ក្នុងបញ្ជីនេះដោយមានតំលៃកីឡាករសរុប ៧៤៧លានអឺរ៉ូ ដែលតាមពីក្រោយដោយក្លឹប Barcelona(៧២៥លានអឺរ៉ូ), Chelsea(៥៩២លានអឺរ៉ូ) និង Real Madrid (៤៩៧លានអឺរ៉ូ)៕

ប្រភព៖ AS

អ្នកចាត់ការក្រុម Newcastle មិនសូវត្រេកអរចំពោះជ័យជំនះលើ ManUTD ទេ

អ្នកចាត់ការក្រុមសារិកាព្រៃ Newcastle United លោក Rafael Benitez មិនសូវសប្បាយចិត្តចំពោះជ័យជំនះ ១-០ ក្នុងជំនួបជាមួយនឹងក្រុមបិសាចក្រហម កាលពីយប់ថ្ងៃអាទិត្យកន្លងទៅនោះទេ ហើយលោកបានអះអាងថា លោកនឹងសប្បាយចិត្តជាងនេះ បើសិនជាក្រុមលោកអាចយកឈ្នះក្រុមដែលនៅកៀកតំបន់ត្រូវកាត់ចេញពីតារាង ដូចក្រុមរបស់លោក។

ក្នុងការប្រកួតជាមួយនឹងបិសាចក្រហម កីឡាករ Matt Ritchie មានឱលកាសរកមួយគ្រាប់នៅនាទី ទី៦៥ នៅកីឡដ្ឋាន St James’ Park ដែលជួយអោយ Newcastle ទទួលបានបីពិន្ទុដ៏មានតំលៃបំផុត ធ្វើអោយក្រុមដែលដឹកនាំដោយលោក Benitez មានគំលាតពីក្រុមដែលត្រូវជម្រុះបានពីរពិន្ទុ។

ប៉ុន្ដែអតីតអ្នកចាត់ការក្រុមស្ដេចសរូបនេះនឹងសប្បាយចិត្តជាងនេះ បើក្រុមលោកឈ្នះក្នុងប្រកួតទល់នឹងក្រុម Brighton កាលពីថ្ងៃទី៣០ ខែធ្នូរួមទាំងការប្រកួតទល់នឹង Swansea កាលពី ថ្ងៃទី១៣ ខែមករា ព្រោះ Newcastle មានឱកាសរកគ្រាប់បាល់បានច្រើន។

គួររំលឹកថា ជ័យជំនះទៅលើក្រុមរបស់អ្នកចាត់ការ Jose Mourinho ធ្វើអោយក្រុម ដែលដឹកនាំដោយអ្នកចាត់ការសញ្ជាតិអេស្ប៉ាញរូបនេះ ទទួលបានជ័យជំនះនៅក្នុងទឹកដី បើគិតចាប់តាំងពីជ័យជំនះ ១-០ទល់នឹងក្រុម Cystal Palace កាលពីខែតុលាមកម្ល៉េះ៕

ប្រភព៖ AS

លោក Antonio Conte កោតសរសើរលោក Luis Enrique

លោក Antonio Conte ដែលជាគ្រូបង្វឹករបស់ក្រុម Chelsea បានសរសើរ លោក Luis Enrique ដែលជាអតីតគ្រូបង្វឹកក្រុម Barcelona។

Image result for Conte praises 'fantastic' Luis Enrique

លោក Conte កំពុងតែស្ថិតនៅក្រោមសម្ពាធយ៉ាងខ្លាំង ខណៈដែលក្រុមរបស់លោក នឹងធ្វើជាម្ចាស់ផ្ទះទទួលស្វាគមន៍ក្រុមភ្ញៀវ West Brom នៅក្នុង ការប្រកួត Premier League ក្នុងយប់នេះ។

Image result for Conte praises 'fantastic' Luis Enrique

Image result for Conte praises 'fantastic' Luis Enrique

យ៉ាងណាមិញ គ្រូបង្វឹករបស់ក្រុមដែលមានចំណាត់ថ្នាក់លេខ ៥ក្នុងតារាង រូបនេះ បាននិយាយអំពីអតីតគ្រូបង្វឹករបស់ក្រុម Barcelona ។

Image result for Conte praises 'fantastic' Luis Enrique

លោកបាននិយាយថា”យើងបាន លេងជាមួយគ្នាហើយគាត់ជាមនុស្សល្អម្នាក់។ ខ្ញុំមានការកោតសរសើរ គាត់យ៉ាងខ្លាំង​ចំពោះលោក Enrique ហើយគាត់ជាគ្រូបង្វឹកដ៏អស្ចារ្យម្នាក់”៕

ប្រភពៈ besoccer

 

Jamie Vardy បង្កើតកំនត់ត្រាមួយ ក្រោយរកបានមួយគ្រាប់ ទល់នឹង Man City

ខ្សែប្រយុទ្ធ Jamie Vardy បានបង្កើតកំនត់ត្រាថ្មីមួយនៅ Premier League បន្ទាប់ពីរូបគេរកបានមួយគ្រាប់ទល់នឹងក្រុម Manchester City នៅកីឡដ្ឋាន Etihad កាលពីថ្ងៃសៅរ៍។

មួយគ្រាប់ដែល Vardy រកបាននោះធ្វើអោយខ្សែប្រយុទ្ធរបស់ក្រុមកញ្ជ្រោង មានកំនត់ត្រារកគ្រាប់បាល់ក្នុងការប្រកួតទល់នឹងក្រុមកំពួលទាំង៦ របស់ Premier League ប្រចាំរដូវកាលនេះ មានដូចជា Manchester City, Manchester United, Tottenham, Arsenal, Chelsea ហើយនឹង Liverpool។

គួររំលឹកថា ក្នុងប៉ុន្មានប្រកួតកន្លងទៅនេះ Vardy ពិបាកក្នុងការរកគ្រាប់បាល់ ប៉ុន្ដែរូបគេគឺជាកីឡាករដែលអាចរកគ្រាប់បាល់ក្នុង ១១ប្រកួតជាប់គ្នាអោយ Leicester កាលពីរដូវកាល ២០១៥/១៦ ព្រមទាំងលើកពាន Premier League ថែមទៀតផង៕

ប្រភព៖ AS