Mbappe តាមស្មើកំណត់ត្រា៤៥ឆ្នាំ ក្រោយជួយ PSG ឈ្នះ Guingamp

ខ្សែប្រយុទ្ធ Kylian Mbappe បានតាមទាន់កំណត់ត្រា ៤៥ឆ្នាំនៅ Ligue 1 ជាមួយនឹងក្រុម Paris Saint-Germain ដោយក្លាយជាកីឡាករវ័យក្មេងដំបូងគេចាប់តាំងពីឆ្នាំ ១៩៧៣មក ដែលអាចរកគ្រាប់បាល់បាន ៣០គ្រាប់។

ខ្សែប្រយុទ្ធវ័យ១៩ឆ្នាំរូបនេះ បានជួយក្រុមជម្រើសជាតិបារាំងឈ្នះពាន World Cup កាលពីដើមរដូវក្ដៅ ហើយបានត្រលប់មកវិញជាមួយជ័យជំនះអោយក្រុម PSG។ Mbappe នៅអង្គុយកៅអីបម្រុង សំរាប់ការប្រកួតដែលដឹកនាំដោយអ្នកចាត់ការ Thomas Tuchel ក្នុងជំនួបជាមួយក្រុម Guingamp កាលពីថ្ងៃសៅរ៍ ប៉ុន្ដែបានជួយក្រុមអោយទទួលបានបីពិន្ទុ។

គួររំលឹកថា ម្ចាស់ពានកីឡាករវ័យក្មេងល្អបំផុតនៅ World Cup រូបនេះ បានបង្ហាញខ្លួនដំបូងបំផុតនៅលីគកំពូលបារាំង ជាមួយនឹង Monaco កាលពីខែកុម្ភៈ ២០១៦ ដោយរកគ្រាប់បាល់បាន ១៥គ្រាប់ ព្រមទាំងឈ្នះពាន នៅក្នុងរដូវកាល ២០១៦/១៧ផងដែរ៕

Mbappe ស៊ុតចូលពីរគ្រាប់ចុងម៉ោង ជួយអោយ PSG យកឈ្នះ Guingamp ទទួលបានបីពិន្ទុ

ប្រភព៖ Goal

Mbappe ស៊ុតចូលពីរគ្រាប់ចុងម៉ោង ជួយអោយ PSG យកឈ្នះ Guingamp ទទួលបានបីពិន្ទុ

ខ្សែប្រយុទ្ធបារាំង Kylian Mbappe រកបានពីរគ្រាប់ចុងម៉ោង ជួយអោយ Paris Saint-Germain ទទួលបានបីពិន្ទុ ដោយបានយកឈ្នះក្រុម Guingamp ក្នុងលទ្ធផល ៣-១ បន្ទាប់ពីប្ដូរចូលនៅក្នុងតង់ទី២។

ក្រុមម្ចាស់ផ្ទះ Guingamp រកបានមួយគ្រាប់នាំមុខ នៅនាទីទី២០ ដោយខ្សែប្រយុទ្ធ Nolan Roux ប៉ុន្ដែត្រូវក្រុមភ្ញៀវតាមស្មើមួយគ្រាប់វិញដោយ ខ្សែប្រយុទ្ធប្រេស៊ីល Neymar ដោយបាល់ប៉េណាល់ទី មុនពេល Mbappe រកបានពីរគ្រាប់បន្ថែម នៅ១០នាទីចុងក្រោយ ដែលជួយអោយក្រុមការពារជើងឯក Ligue 1 ទទួលបានបីពិន្ទុឈរលើកំពូលតារាងបណ្ណោះអាសន្ន។

គួរបញ្ជាក់ថា Mbappe ទើបតែបានបង្ហាញខ្លួនជាលើកដំបូងសំរាប់ PSG បន្ទាប់ពីរូបគេត្រលប់មកពីលំហែកាយ ក្រោយជួយក្រុមជម្រើសជាតិបារាំងឈ្នះពាន World Cup៕

គ្រូថ្មី PSG ត្រូវដោះស្រាយយ៉ាងណា ចំពោះវិវាទរវាង Cavani & Neymar រឿងបាល់១១ម៉ែត្រ?

ប្រភព៖ Marca

ក្រោយឈ្នះពានបី Griezmann អាចដណ្ដើមពាន Ballon d’Or ពី Ronaldo និង Messi

ក្រោយឈ្នះពាន UEFA Super Cup បានបង្ហាញថា ខ្សែប្រយុទ្ធ​ Antoine Griezmann សំរេចចិត្តត្រឹមត្រូវ ក្នុងការជ្រើសរើសផ្លូវដើរជាមួយនឹងក្លឹប Atletico Madrid ដើម្បីមានឱកាសឈ្នះពាន Ballon d’Or។

ខ្សែប្រយុទ្ធសញ្ជាតិបារាំង សក្ដិសមជាបេក្ខភាពក្នុងការឈ្នះពានកីឡាករល្អបំផុតមួយនេះ បន្ទាប់ពីរូបគេបានជួយក្លឹប និង​ ក្រុមជម្រើសជាតិឈ្នះពានបីក្នុងរយៈពេល៤ខែចុងក្រោយនេះ ដែលរួមមានមាន Europa League, World Cup និងពាន Super Cup ដែលក្រុមរបស់គេបានឈ្នះនៅទីក្រុង Tallinn។

ទោះបីជាមិនបានសាងភាពលេចធ្លោរនៅក្នុងពាន UEFA Super Cup ដោយសារតែតារាឆ្នើមរបស់ Atletico Madrid រូបនេះ បានទើបតែបានចូលហ្វឹកហាត់ជាមួយក្រុមបាន ៨ថ្ងៃតែប៉ុណ្ណោះ មិនខុសពី ខ្សែបម្រើ Luka Modric ដែលប្រកួតជាមួយគេនៅវគ្គផ្ដាច់ព្រ័ត្រ World Cup ផងដែរ។ ខ្សែបម្រើក្រូអាត បានប្ដូរចូលលេងនៅក្នុងតង់ទី២ ហើយរូបគេក៏មិនសូវធ្វើបានល្អ ក្នុងការប្រកួតនោះផងដែរ។

គួររំលឹកថា កាលពីឆ្នាំ ២០១៦ Griezmann បានស្ថិតនៅក្នងចំនោមបេក្ខភាព Ballon d’Or ផងដែរ ប៉ុន្ដែរូបគេបានត្រឹមឈរនៅលេខ៣ តាមពីក្រោយ Cristiano Ronaldo ហើយនឹង Lionel Messi បន្ទាប់ពីជួយ Atleticoបានតំណែងជើងឯករង Champions League និង បរាជ័យការប្រកួត EURO 2016 នៅវគ្គផ្ដាច់ព្រ័ត្រ។

ប៉ុន្ដែស្ថានភាព បច្ចុប្បន្នរបស់ Griezmann គឺមានភាពខុសប្លែកគ្នា ដោយរូបគេបានជួយក្លឹប និង ជម្រើសជាតិបារាំងទទួលបានពានរង្វាន់។ នៅក្នុងការប្រកួតផ្ដាច់ព្រ័ត្រ ពាន Europa League ខ្សែប្រយុទ្ធរូបនេះ រកបានពីរគ្រាប់អោយ Atletico ហើយនៅក្នុងវគ្គផ្ដាច់ព្រ័ត្រ World Cup គេអាចរកគ្រាប់បាល់បានមួយគ្រាប់ ហើយរួមចំណែករកគ្រាប់បាល់ ដែល Mandzukic ធ្វើអោយចូលទីខ្លួនឯងផងដែរ។

ឆ្លងកាត់ ៦៧ប្រកួត សំរាប់ Atletico Madrid និង ជម្រើសជាតិបារាំង Griezmann ក្ដោបក្ដាប់ពានបីនៅក្នុងដៃ ដូច្នេះខ្សែប្រយុទ្ធរូបនេះ សក្ដិសមស្ថិតនៅក្នុងចំនោមកីឡាករ ដែលត្រូវដណ្ដើមពាន Ballon d’Or៕

ប្រភព៖ Marca

ស្ដេចបាល់ទាត់ Pele ផ្ញើសារមួយជូន Ronaldo ក្នុងការបង្ហាញខ្លួនលើកដំបូងអោយ Juve នៅ Serie A

ស្ដេចបាល់ទាត់ Pele បានផ្ញើសារជូនពរមួយ នៅលើបណ្ដាញសង្គម Twtter របស់លោក ដល់ខ្សែប្រយុទ្ធ Cristiano Ronaldo អោយទទួលបានសំណាងល្អ សំរាប់ការបង្ហាញខ្លួនលើកដំបូង ក្នុងការប្រកួតលីគ Serie A ជាមួយនឹងក្រុមការពារជើងឯក Juventus នៅយប់ថ្ងៃសៅរ៍។

ក្រុមដែលមានរហ័ស្សនាមថា Old Lady បានធ្វើដំនើរទៅចូលរួមប្រកួតទល់នឹងក្រុម Chievo សំរាប់ការប្រកួត បើករដូវកាលលីគកំពូលអ៊ីតាលី ២០១៨/១៩ ហើយ Ronaldo នឹងបង្ហាញខ្លួនជាផ្លូវការនៅក្លឹបថ្មីដែលខ្លួនទើបតែបានចូលរួម។

Pele បានសរសេរថា៖ “សំណាងល្អ Cristiano សំរាប់ការប្រកួតដំបូងរបស់អ្នក។ នៅក្នុងឆ្នាំ ១៩៦១ ម្ចាស់ក្រុមហ៊ុន Fiat បានដាក់សំនើរចង់ទិញខ្ញុំ[សំរាប់ Juventus] ប៉ុន្ដែ មានតែឯកសណ្ឋានសឆ្នូតខ្មៅតែមួយគត់សំរាប់ Pele។”

នៅក្នុងសារនោះ បុរសវ័យ៧៧ឆ្នាំរូបនេះ បានដាក់រូបលោក ជាមួយនឹងឈុតឆ្នូតសលាយខ្មៅរបស់ ក្រុម Santos ជាក្លឹបដែលលោកចំណាយពេល សឹងមួយអាជីពរបស់ខ្លួននៅទីនោះ៕

ប្រភព៖ talkSPORT

Courtois ទទួលបានលេខអាវថ្មី តែមិនមែនលេខ១ ឬ លេខ១៣

គ្រប់គ្នាទន្ទឹងរង់ចាំមើលការរៀបចំក្រុមរបស់លោក Julen Lopetegui សំរាប់ការប្រកួត LaLiga នៅសប្ដាហ៍នេះ ជាមួយនឹងក្រុម Getafe ដើម្បីដឹងថាតើ Keyloar Navas ឬ Thibaut Courtois ជាអ្នកចាប់ផ្ដើមការប្រកួតជាមួយក្រុម បន្ទាប់ពីអ្នកចាំទីបែលហ្ស៊ិក បានផ្លាស់មកទឹកដី Santiago Bernabeu កាលពីដើមខែនេះ ពីក្លឹបតោខៀវ Chelsea។

Courtois ចូលរួមជាមួយ Real Madrid ក្នុងតំលៃ ៣៥លានអឺរ៉ូ ហើយបានបង្ហាញខ្លួនអោយក្លឹប ជាផ្លូវការនៅថ្ងៃទី៩ ខែសីហា ខណៈដែល Navas ជាអ្នកចាំទីដៃទី១របស់ក្រុម បីរដូវកាលកន្លងមក ហើយបន្ដរួមរស់ជាមួយក្លឹប ដើម្បីដណ្ដើមតំណែងជម្រើសដំបូងសំរាប់ក្រុម ហើយគ្រូបង្វឹកថ្មីនឹងពិចារណា ជ្រើសរើសអ្នកចាំទីមួយរូប ក្នុងចំនោមអ្នកទាំងពីរដើម្បី ប្រកួតបើករដូវកាលនៅក្នុងលីគ LaLiga។

គួររំលឹកថា Courtois មិនមានឈ្មោះក្នុងបញ្ជីកីឡាករ ដែលបានចួលរួមប្រកួតពាន UEFA Super Cup ទល់នឹងក្រុម Atletico Madrid ដែល Real បរាជ័យក្នុងលទ្ធផល ៤-២ នោះទេ បានត្រឹមអង្គុយមើលការប្រកួតនោះតែប៉ុណ្ណោះ។

Real Madrid បានកំណត់លេខកីឡាករដែលនៅក្នុងក្រុម សំរាប់រដូវកាលនេះ កាលពីថ្ងៃសុក្រ ហើលលេខអាវរបស់អ្នកចាំទីថ្មី Courtois គឺលេខ ២៥ ដែលនៅទំនេរកាលពីរដូវកាលមុន។ ចំនែកឯ Navas នៅរក្សាអាវលេខ១ ហើយ Kiko Casilla នៅតែបន្ដពាក់អាវលេខ១៣ របស់ខ្លួនដដែល។

ដោយឡែក Luca Zidane ដែលជាអ្នកចាំទីដៃទី៤ នឹងពាក់អាវលេខ៣០ ខណៈដែលអនាគត កូនប្រុសរបស់ អតីតគ្រូបង្វឹក Real Madrid រូបនេះ ហាក់មានភាពស្រពេចស្រពិលនៅឡើយ ហើយរូបគេ និង Casilla អាចនឹងមាននរណាម្នាក់ ចាកចេញពីក្លឹប មុនពេលទីផ្សារដោះដូរត្រូវបិទនៅថ្ងៃទី៣១ ខែសីហានេះ៕

ប្រភព៖ AS

កូនប្រុសអតីតកីឡាករ Ronaldinho ចាប់ផ្ដើមដើរតាមគន្លងរបស់ឪពុករបស់ខ្លួន

កូនប្រុសរបស់អតីតតារាឆ្នើមប្រេស៊ីល Ronaldinho, Joao Mendes បានចុះហត្ថលេខាជាមួយនឹងក្លឹបប្រេស៊ីល Cruzeiro។ កីឡាករវ័យ១៣ឆ្នាំរូបនេះ។ កីឡាករវ័យ១៣ឆ្នាំរូបនេះ បានសំរេចចិត្តដើរតាមគន្លងឪពុករបស់ខ្លួន ដែលធ្លាប់មានឈ្មោះបោះសំលេង នៅក្នុងពិភពបាល់ទាត់។

បើយោងតាមកាសែត Globoesporte បានអោយដឹងថា ក្លឹបយក្សបារាំង Paris Saint-Germain មានចំនាប់អារម្មណ៍កូនប្រុសរបស់អតីតកីឡាកររបស់ក្រុម ដែលជាហេតុធ្វើអោយ Cruzeiro ប្រញាប់ប្រញាល់ ចចារអោយបានរួចរាល់តាមដែលអាចធ្វើទៅបាន។

បច្ចុប្បន្ន Joao កំពុងចូលរួមប្រកួតនៅក្លឹបប្រេស៊ីល ក្នុងទីក្រុង Belo Horizonte ហើយបើទោះបីជាគេនៅវ័យក្មេងក៏ពិតមែនប៉ុន្ដែ រូបគេមានទេពកោសល្យដូចឳពុករបស់ខ្លួនផងដែរ៕

ប្រភព៖ Sport English

គ្រូថ្មី PSG ត្រូវដោះស្រាយយ៉ាងណា ចំពោះវិវាទរវាង Cavani & Neymar រឿងបាល់១១ម៉ែត្រ?

អ្នកចាត់ការថ្មីរបស់ក្លឹបបារាំង Paris Saint-Germain នឹងមិនខ្វាយខ្វល់ច្រើនជុំវិញ បញ្ហាថាតើនរណាត្រូវស៊ុតបាល់ពិន័យម៉ែត្រអោយក្រុមនោះទេ ទោះបីជាខ្សែប្រយុទ្ធឆ្នើម Edinson Cavani ធ្លាប់មានវិវាទជាមួយ Neymar ចំពោះរឿងនេះក៏ដោយ។

បច្ចុប្បន្ន ខ្សែប្រយុទ្ធអ៊ុយរូហ្គាយ ជាអ្នករកគ្រាប់បាន់បានច្រើនបំផុតសំរាប់ PSG បានបង្ខំចិត្តឈរមើល ដៃគូប្រយុទ្ធ Neymar ស៊ុតបាល់ពិន័យ១១ម៉ែត្រ ក្នុងការប្រកួតទល់នឹងក្រុម Dijon កាលពីខែមករាកន្លងទៅ។

ខ្សែប្រយុទ្ធប្រេស៊ីល ស៊ុតបញ្ចូលទីដោយជោគជ័យ ហើយសំរាប់គ្រាប់បាល់នេះជាគ្រាប់បាល់ទី៤របស់គេ នៅក្នុងការប្រកួតនោះ ប៉ុន្ដែ Cavani អាចនឹងបំបែកកំណត់ត្រាសំខាន់មួយសំរាប់ក្លឹប បើសិនជារូបគេរ៉ាប់រងសំរាប់បាល់ប៉េណាល់ទី ដែលជាហេតុធ្វើអោយ អ្នកគាំទ្រដែលទស្សនានៅទីនោះ មានអារម្មណ៍មិនសប្បាយចិត្តចំពោះ Neymar។

វាមិនមែនតែមួយលើកនោះទេ ដែល Cavani ត្រូវប្រឈមមុខដាក់គ្នា ជាមួយ Neymar ហើយវាបានចោទជាសំនួរសុំការបំភ្លឺពី អ្នកចាត់ការក្លឹបថ្មីលោក Tuchel ចំពោះដំណោះស្រាយបញ្ហានេះ នៅក្នុងសន្និសីទកាសែត មុនពេលការប្រកួតបើករដូវកាល ទល់នឹងក្រុម Guingamp មកដល់។

អតីតអ្នកចាត់ការក្លឹប Borussia Dortmund បានពន្យល់ថា៖ “ខ្ញុំមិនឃើញមានបញ្ហាអ្វីចោទ សំរាប់ក្រុមរបស់ខ្ញុំនោះទេ ចំពោះរឿងនេះ ប៉ុន្ដែខ្ញុំបានកត់សំគាល់ពីមជ្ឈដ្ឋានខាងក្រៅ ថាមានបញ្ហានេះកើតឡើងកាលពីរដូវកាលមុន។

“ទោះបីជាវាស្មុគស្មាញបន្ដិចមែន ប៉ុន្ដែខ្ញុំនៅតែជឿជាក់ថា យើងនឹងស្វែងរកដំណោះស្រាយ ជាមួយកីឡាកររបស់យើង។ វាមិនមែនជារឿងដែលខ្ញុំត្រូវកំណត់ថាតើនរណាត្រូវធ្វើរឿងនេះមុនពេលការប្រកួតចាប់ផ្ដើមនោះទេ ព្រោះវាអាចបង្កអោយមានបញ្ហាជាច្រើនកើតមានឡើង។

“គោលបំណងរបស់យើងគឺស្វែងរកដំណោះស្រាយអោយកីឡាករ ហើយខ្ញុំរីករាយដែលពួកគេមានការស្រេកឃ្លានក្នុងការរកគ្រាប់បាល់។ សំរាប់ពួកគេតែងតែចង់រកគ្រាប់បាល់ នេះជាអ្វីដែលខ្សែប្រយុទ្ធត្រូវធ្វើហើយវាជារឿងល្អមួយ”៕

ប្រភព៖ AS

Messi មិនត្រូវបានគ្រូបង្វឹកជម្រើសជាតិកោះហៅ តែជំនួសដោយកូនប្រុស គ្រូបង្វឹក Atletico Madrid

ដូចអ្វីដែលបានរំពឹងទុក ខ្សែប្រយុទ្ធឆ្នើម Lionel Messi នឹងមិនបានចូលរួមប្រកួតសំរាប់ក្រុមជម្រើសជាតិអាហ្សង់ទីននោះទេ ដោយគ្រូបង្វឹកថ្មីលោក Leonel Scaloni មិនបានបញ្ចូលឈ្មោះរបស់តារាឆ្នើមក្លឹប Barcelona រូបនេះ ទៅក្នុងបញ្ជីកីឡាករ ដែលនឹងត្រូវប្រកួតទល់នឹងក្រុម ហ្គាតេម៉ាឡា និង កូឡុំប៊ីនៅខែ កញ្ញានោះទេ។

Messi បានប្រាប់គ្រូបង្វឹកជម្រើសជាតិថ្មីថា រូបគេត្រូវការពេលវេលាដើម្បីពិចារណា សំរាប់ការសំរេចចិត្ដទៅលើ អនាគតរបស់ខ្លួន ដោយដកខ្លួនបណ្ដោះអាសន្នពីក្រុមជម្រើសជាតិអហ្សង់ទីន។

កីឡាករទាំង២៩រូប នៅក្នុងបញ្ជីរបស់ក្រុមជម្រើសជាតិអាហ្សង់ទីន មិនមានឈ្មោះរបស់ Messi នោះទេ ប៉ុន្ដែ មានកីឡាករចំនូលថ្មីគឺ ខ្សែប្រយុទ្ធ Giovanni Simeone។ កីឡាករវ័យ២៣ឆ្នាំរូបនេះ ជាកូនប្រុសរបស់ អ្នកចាត់ការក្លឹប Atletico Madrid លោក Diego Simeone ហើយដោយសារទម្រង់លេចធ្លោរបស់គេ នៅលីគកំពូលអ៊ីតាលី ទើបធ្វើអោយគ្រូបង្វឹកជម្រើសជាតិមានការចាប់អារម្មណ៍កោះហៅរូបគេមកចូលរួមក្រុម៕

Gundogan ឆ្លើយយ៉ាងខ្លីចំពោះការប្រៀបធៀបរវាង Ronaldo និង Messi

Gundogan ឆ្លើយយ៉ាងខ្លីចំពោះការប្រៀបធៀបរវាង Ronaldo និង Messi

សំរាប់សំនួរនៃការប្រៀបធៀបរវាង តារាឆ្នើម Cristiano Ronaldo និង Lionel Messi ត្រូវបានចោទសួរ រាល់បុគ្គលសំខាន់ៗដែលពាក់ព័ន្ធនឹងវិស័យបាល់ទាត់ ហើយកាលពីថ្មីៗនេះ ខ្សែបម្រើ Ilkay Gundogan របស់ Manchester City ត្រូវបានគេចោទសួរអំពីកីឡាករទាំងពីររូបខាងលើនេះផងដែរ។

ខ្សែបម្រើរបស់ក្រុម Manchester City បានបើកឱកាសអោយអ្នកគាំទ្រ សួរសំនួរនៅលើ នៅលើគណនី Instagram របស់ខ្លួន ហើយរូបគេបានឆ្លើយដោយគ្មាន ការស្ទាក់ស្ទើរថាតើរវាង Ronaldo និង Messi អ្នកណាមួយជាកីឡាករល្អបំផុតលើលោក។

កីឡាករវ័យ២៧ឆ្នាំ បានឆ្លើយតបយ៉ាងខ្លីចំពោះសំនួរដែលអ្នកគាំទ្រ បានចោទសួរ ដោយសរសេរថា «Messi»។ Gundogan បានចាត់ទុកថា Messi ជាកីឡាករល្អបំផុតប្រចាំប្រវត្តិសាស្ដ្របាល់ទាត់ ហើយបានបង្ហើបផងដែរថា Kaka ជានិមិត្តរូបកាលគេនៅពីក្មេង។

ខ្សែបម្រើអាល្លឺម៉ង់រូបនេះ ត្រូវបានគេចោទសួរផងដែរ ថាតើខ្សែប្រយុទ្ធរូបណាដែលមានទេពកោសល្យបំផុត ដែលរូបគេធ្លាប់លេងជាមួយ។ រូបគេបានតបទៅវិញថា៖ “កីឡាករដែលមានទេពកោសល្យជាទូទៅគឺ Mario Gotze នៅពេលដែលខ្ញុំទើបតែបានចូលរួមជាមួយក្រុម គេជាកីឡាករដ៏អស្ចារ្យមួយរូបនៅពេលហ្វឹកហាត់។”

គួររំលឹកថា Gundogan បានចូលរួមលេងអោយក្លឹប Borussia Dortmund រយៈពេល៥ឆ្នាំ មុនពេលចូលរួមជាមួយនឹង អតីតអ្នកចាត់ការក្លឹប Bayern Munich លោក Pep Guardiola នៅក្លឹបអង់គ្លេស Man City ហើយខ្សែបម្រើរូបនេះ ទទួលបានបទពិសោធន៍ជាច្រើនពី Gotze ទើបធ្វើអោយរូបគេកោតសរសើរអតីតមិត្ដរួមក្រុមរូបនេះ មិនដាច់ពីមាត់៕

ខ្សែបម្រើ Gundogan ថាមានពីរក្រុមដែលអាចប្រជែងពាន Premier League ជាមួយ City តែមិនមែន United

ប្រភព៖ Daily Mail

ខ្សែបម្រើ Gundogan ថាមានពីរក្រុមដែលអាចប្រជែងពាន Premier League ជាមួយ City តែមិនមែន United

ខ្សែបម្រើ Ilkay Gundogan របស់ក្រុម Manchester City យល់ឃើញថា ក្រុម Chelsea និង Liverpool ជាក្រុមដែលប្រណាំងប្រជែងពាន Premier League ជាមួយនឹងក្រុមខ្លួន ខណៈដែល Manchester United របស់លោក Jose Mourinho មិនស្ថិតនៅក្នុងការជ្រើសរើសរបស់គេឡើយ។

ខ្សែបម្រើរូបនេះ បានឆ្លើយសំនួររបស់អ្នកគាំទ្រ នៅលើគណនី Instagram របស់ខ្លួន ហើយមានសំនួរមួយបានចោទសួរថា តើក្រុមណាមួយដែលមានលទ្ធភាពឈ្នះពាន Premier League ក្នុងករណីដែលក្រុមរបស់លោក Pep Guardiola បរាជ័យក្នុងការការពារជើងឯក។

Gundogan បានសរសេរឆ្លើយតបទៅវិញថា៖ “Chelsea និង Liverpool អាចជាគូប្រជែងដ៏ស្វិតស្វាញនៅក្នុងឆ្នាំនេះ។” បច្ចុប្បន្នក្រុមតោខៀវ ត្រូវបានលោក Maurizio Sarri រៀបចំសារជាថ្មី សំរាប់រដូវកាលដំបូងដែលលោកដឹកនាំ ខណៈដែលហង្សក្រហមអាចនឹងបង្ហាញភាពភ្ញាក់ផ្អើល ក្រោយពីចំណាយលុយជាច្រើនសំរាប់ទីផ្សារដោះដូរកន្លងទៅ៕

Gundogan ឆ្លើយយ៉ាងខ្លីចំពោះការប្រៀបធៀបរវាង Ronaldo និង Messi

ប្រភព៖ Daily Mail