Pep ថាទោះបានក្បែរ ៣០០លានដុល្លារ ក៏មិនចង់លក់កីឡាករមួយរូបនេះដែរ

អ្នកចាត់ការក្លឹប Manchester City លោក Pep Guardiola បានបញ្ជាក់ថា តារាឆ្នើម Kevin de Bruyne មិនមែនសំរាប់លក់នោះទេ ហើយលោកក៏បានលើកឡើងផងដែរថាតំលៃទិញផ្ដាច់កុងត្រា ខ្សែបម្រើបែលហ្ស៊ិករូបនេះគឺ ២៩២លានដុល្លារ។

De Bruyne ជាតារាឆ្នើមមួយរូប ដែលបានជួយក្លឹប Man City ទទួលបានកំណត់ត្រាជាច្រើនបន្ដកន្ទុយគ្នា ក្នុងការប្រកួតនៅ Premier League កាលពីរដូវកាលមុនក្រោមការដឹកនាំរបស់ អតីតគ្រូបង្វឹក Barcelona។

យ៉ាងណាក្ដី ខ្សែបម្រើបែលហ្ស៊ិករូបនេះ មិនមានវត្តមានសំរាប់ City ជាច្រើនខែដោយសារតែរូបគេមានបញ្ហារបួសជង្គង់កំឡុងពេលហ្វឹកហាត់ ហើយគេរំពឹងថា ខ្សែបម្រើរូបនេះអាចត្រលប់មកវិញនៅខែវិច្ឆិកាខាងមុខ។

“នៅក្នុងបទសម្ភាសន៍ជាមួយ Universo Valdano លោក Pep បាននិយាយពី De Bruyne ថា៖ “គេជាកីឡាករល្អមួយរូប ជាកីឡាករដែលចេះបត់បែន។ លោក Marcelo Bielsa បានប្រាប់ខ្ញុំថាគេជាកីឡាករដែលគាត់ពេញចិត្ត ដោយសារគេអាចធ្វើបានគ្រប់យ៉ាង។

“នៅថ្ងៃដែលខ្ញុំបានជួបឪពុកម្ដាយរបស់គេ ហើយអ្នកនឹងដឹងថាកូនរបស់ពួកគាត់ជាមនុស្សបែបណា ប្រសិនបើអ្នកស្គាល់ឪពុកម្ដាយរបស់គេ។ គេជាក្មេងម្នាក់ដ៏អស្ចារ្យ ហើយមានតំលៃផ្ដាច់កុងសព្វថ្ងៃ ២៥០លានអឺរ៉ូ(ប្រមាណ ២៩២លានដុល្លារ) ខ្ញុំសុំទោស គេមិនមែនសំរាប់លក់នោះទេ។”

ប្រភព៖ Goal

មតិយោបល់