Ronaldo បាននិយាយលើកទឹកចិត្តក្រុម បើទោះបីជាត្រូវបរាជ័យក្នុងទឹកដីខ្លួនឯងក្ដី

Cristiano Ronaldo មិនមានការព្រួយបារម្ភច្រើននោះទេ សំរាប់ការបរាជ័យរបស់ Juventus សំរាប់ជំនួប Champions League ទល់នឹងក្រុម Manchester United។

ខ្សែប្រយុទ្ធព័រទុយហ្គាល់ រកគ្រាប់បាល់ដំបូងរបស់ខ្លួន ដោយស៊ុត volley ដ៏អស្ចារ្យ ក្នុងការប្រកួត Champions League អោយ Juventus ប៉ុន្ដែពួកគេត្រូវបរាជ័យក្នុងការប្រកួតនោះ ទោះបីជាគ្រង់គ្រងការប្រកួតសឹងតែទាំងស្រុងក្ដី។

ប៉ុន្ដែកីឡាករវ័យ៣៣ឆ្នាំរូបនេះ បានលើកឡើងថា វាគ្មានហេតុផលអ្វីដែល Juve ត្រូវឈឺក្បាល បន្ទាប់ពីត្រូវបរាជ័យក្នុងប្រកួតដំបូង ក្នុងចំនោម១៥ប្រកួត នៅរដូវកាលថ្មីនេះ។

Ronaldo បាននិយាយប្រាប់ UEFA ថា៖ “វាជាគ្រាប់បាល់ដ៏អស្ចារ្យមួយ បន្ទាប់ពីការបញ្ជូនយ៉ាងល្អ[ពី Leonardo Bonucci]ផងដែរ ប៉ុន្ដែវាមិនទាន់គ្រប់គ្រាន់នោះទេ។

“ខ្ញុំពិតជារំភើប ដែលអាចរកគ្រាប់បាល់ដំបូងនៅ Champions League សំរាប់ Juventus ប៉ុន្ដែយើងធ្វើបានល្អហើយ។ យើងឈរនៅកំពូលតារាងរបស់ក្រុម ហើយមិនចាំបាច់ត្រូវព្រួយបារម្ភអ្វីនោះទេ។ ក្រុមរបស់យើង ធ្វើបានល្អ ទាំងការប្រកួតក្នុងលីគ និង Champions League ហើយយើងនៅតែបន្ដខំប្រឹងធ្វើអោយបានល្អ ដើម្បីបន្ដក្ដីសង្ឃឹមទៅមុខទៀត។”

ប្រភព៖ Be Soccer

មតិយោបល់