Scholes ថា Man Utd កំពុងចំណេញរឿងធំៗពីរនេះ ដែលអាចឲ្យពួកគេយកឈ្នះលើ Liverpool នៅឯ Anfield បាន

អតីតកីឡាករ Paul Scholes បានលើកឡើងត្រង់ៗថាក្រុមបិសាចក្រហម Manchester United មិនដែលមានឱកាសល្អណាមួយ ក្នុងការផ្តួលក្រុមហង្សក្រហម Liverpool នៅឯកីឡដ្ឋាន Anfield នោះទេ ប៉ុន្តែគាត់នៅតែគិតថាមានរឿងអំណោយផលមួយចំនួន ដែលកំពុងចូលខាងអតីតក្លិបចាស់របស់លោក ។

Paul Scholes   

ជាក់ស្តែងក្រុម Man United នឹងត្រូវធ្វើដំណើរទៅកាន់ទីក្រុង Merseyside នៅថ្ងៃអាទិត្យនេះ ជាមួយនឹងការនាំមុខ ៣ ពិន្ទុស្រាប់ ទៅលើក្រុមការពារតំណែងជើងឯក Liverpool ។

Liverpool

យ៉ាងណាមិញ ក្រុមហង្សក្រហម Liverpool របស់លោក Jurgen Klopp កំពុងស្ថិតក្នុងការប្រកួតលីគ ៣ លើកចុងក្រោយមិនទាន់ស្គាល់ឈ្នះនៅឡើយទេ ហើយវាហាក់ដូចជាក្រុមរបស់ពួកគេ ជួបការលំបាកខ្លាំងដោយសារខ្វះជម្រើសខ្សែការពារកណ្តាល ។ ខណ:ទាំង Virgil van Dijk និង Joe Gomez គឺត្រូវអវត្តមានរយៈពេលវែង ស្របពេល Joel Matip កំពុងស្ថិតនៅក្នុងភាពសង្ស័យនៅឡើយ ចំពោះការបង្ហាញខ្លួន ក្នុងជំនួបទល់ក្រុម United នេះ ។

Jurgen Klopp

មិនតែប៉ុណ្ណោះ ជាមួយនឹងការប្រកួតដោយគ្មានអ្នកគាំទ្រចូលទស្សនាក្នុងកីឡដ្ឋានផងនោះ លោក Scholes គិតថាក្រុម Man United មានឱកាសច្រើន ដើម្បីអាចនាំមុខ ៦ ពិន្ទុទៅលើក្រុម Liverpool បាន ប៉ុន្តែអ្វីដែលសំខាន់ជាងនេះ គឺក្រុមរបស់លោក Solskjaer ចាំបាច់ត្រូវបញ្ឃប់កីឡាករ Trent Alexander-Arnold និង Andrew Robertson ឲ្យបានផងដែរ ។

Liverpool

លើសពីនេះ លោក Scholes និយាយប្រាប់ ESPN ថា ៖ “ United នឹងមិនមានឱកាសល្អប្រសើរជាងនេះទៀតទេ ក្នុងការយកឈ្នះនៅឯទឹកដី Anfield ។ វាជាគុណប្រយោជន៍ដ៏ធំធេងមួយ ខណ:ពេលដែលពួកគេមិនមានអ្នកគាំទ្រចូលទស្សនា ហើយអ្វីដែលសំខាន់ជាងនេះគឺបញ្ហារបួសរបស់ខ្សែការពារកណ្តាលរបស់ក្រុម Liverpool ”  ។

Manchester United

លោកបន្ថែមទៀតថា ៖ ” ទោះបីយ៉ាងណាក្តី វានៅតែជាការប្រកួតប្រជែងដ៏ធំមួយ ។  Liverpool មានខ្សែប្រយុទ្ធឆ្នើម​ដែលអាចរកគ្រាប់បាល់បានគ្រប់ទីតាំងទាំងអស់ ប៉ុន្តែការគំរាមកំហែងដ៏ធំបំផុតរបស់ពួកគេគឺមកពីខាងខ្សែការពារ Trent Alexander-Arnold និង Andy Robertson ទៅវិញទេ ហើយ United ត្រូវរិះរកវិធីដើម្បីបញ្ឈប់ពួកគេ ទើបអាចទទួលជ័យជម្នះនេះបាន ” ៕

ប្រភព: Metro 

អានអត្ថបទបន្ទាប់៖ គ្រូតា Sir Alex នឹកឃើញស្តាយ.ក្រោយ ដែលធ្លាប់បោះចោលឱកាសចុះហត្ថលេខាលើ តារាឆ្នើម Liverpool រូបនេះ

លោក Sir Alex Ferguson បានសារភាពថាក្រុមបិសាចក្រហម Manchester United បានខកខានឱកាសក្នុងការចុះហត្ថលេខានាំយកកីឡាករ Jordan Henderson មុនក្រុមហង្សក្រហម Liverpool ។

Sir Alex Ferguson  

ជាក់ស្តែងអតីតអ្នកចាត់ការទូទៅរបស់ក្រុមបិសាចក្រហមរូបនេះ បានបង្ហើបឲ្យដឹងក្នុងជីវប្រវត្តិរបស់គាត់កាលពីឆ្នាំ ២០១៣ ថា គាត់ធ្លាប់ចង់ចុះហត្ថលេខាមួយ Henderson ប៉ុន្តែត្រូវបានបោះបង់ចោលវិញ ដោយសារតែរប្រៀបលេងរបស់ខ្សែបម្រើសញ្ជាតិអង់គ្លេសរូបនេះ ។

Jordan Henderson

មិនតែប៉ុណ្ណោះ Henderson បានបញ្ចប់ការផ្លាស់ទៅកាន់ក្រុម Liverpool វិញ ពី Sunderland ជាមួយកិច្ចព្រមព្រៀងដែលមានតម្លៃខ្លួនប្រមាណ ២០ លានផោន ក្នុងឆ្នាំ ២០១១ ខណ:រហូតមកដល់ពេលនេះ រូបគេបានដើរតួយ៉ាងសំខាន់ក្នុងភាពជោគជ័យរបស់ក្លិប ទាំងនៅក្របខណ្ឌ Premier League និង Champions League ក្នុងរយៈពេលពីរឆ្នាំកន្លងមកនេះ ។

Jordan Henderson

ហើយឥឡូវនេះលោក Ferguson បានសារភាពថាហេតុអ្វីបានជា Henderson មិនបានបង្ហាញអ្វីដូចដែលគេកំពុងធ្វើនៅពេលនេះ អំឡុងពេលក្រុម Man United ដាក់ការចាប់អារម្មណ៍ទៅលើរូបគេ កាលពីជាង ១០ ឆ្នាំមុនកន្លងទៅនោះ ។

Jordan Henderson

មិនតែប៉ុណ្ណោះ អតីតគ្រូបង្វឹកសញ្ជាតិស្កុតឡេនរូបនេះ បាននិយាយថា ៖ “យើងបានត្រៀមខ្លួនរួចជាស្រេច ដើម្បីធ្វើការដេញថ្លៃមួយសម្រាប់ Jordan Henderson នៅ Sunderland ។ ហើយពេលនោះ ខ្ញុំក៏បាននិយាយជាមួយ លោក Steve Bruce ផងដែរ គាត់ពេញចិត្តកីឡាកររូបនេះខ្លាំង ” ។

Jordan Henderson

លោកបន្ថែមទៀតថា ៖ ” ហើយបន្ទាប់មកផ្នែកវេជ្ជសាស្ត្រក្លិបរបស់យើងបាននិយាយថាពួកគេមិនពេញចិត្តចំពោះរបៀបនៃការលេង រត់លើទីលានរបស់កីឡាកររូបនេះទេ ព្រោះគេអាចជាប្រភេទកីឡាករ ដែលងាយរងរបួស ។ ហើយបន្ទាប់មកយើងក៏បោះបង់ចោលវិញ ។ ប៉ុន្តែក្នុងពេលឥឡូវនេះ គាត់បានបង្ហាញថាគាត់ពិតជាកីឡាករអស្ចារ្យ ហើយរឿងរ៉ាវទាំងអស់នោះប្រាប់ខ្ញុំថា ខ្ញុំបានខកខានចំពោះមនុស្សដ៏ល្អបំផុតម្នាក់ ” ៕

ប្រភព: Metro