សហព័ន្ធកីឡាបាល់ទាត់អាស៊ាន(AFF) បានប្រកាសពីក្រុមដែលស្ថិតនៅប្លក់ដែលត្រូវចាប់ឆ្នោតការប្រកួត AFF Championship ឬ AFF Suzuki Cup 2020 ដែលត្រូវលើកមកធ្វើនៅឆ្នាំ២០២១។
ក្រុមជម្រើសជាតិវៀតណាមដែលជាក្រុមការពារជើងឯកស្ថិតនៅក្នុងប្លុកជាមួយគ្នានឹងក្រុមខ្លាំងថៃ ខណៈប្លុកលេខ២មាន ហ្វីលីពីន និង មីយ៉ាន់ម៉ា លេខ៣មាន ម៉ាឡេស៊ី និងសិង្ហបុរី។ កម្ពុជាស្ថិតនៅក្នុងប្លុកទី៤ជាមួយឥណ្ឌូនេស៊ី ខណៈប្លុកចុងក្រោយមាន ឡាវ និង ប្រ៊ុយណេ ឬ ទីម័រខាងកើត។
ការចាប់ឆ្នោតនឹងធ្វើឡើងនៅរសៀលថ្ងៃទី ២១ ខែកញ្ញានេះ វេលាម៉ោង២ ខណៈការប្រកួតព្រឹត្តិការណ៍ប្រចាំតំបន់អាស៊ានមួយនេះ នឹងចាប់ផ្ដើមពីថ្ងៃទី៥ ខែធ្នូ ឆ្នាំ២០២១ រហូតដល់ថ្ងៃទី១ ខែមករា ឆ្នាំ២០២២ ខណៈប្រទេសដែលនឹងធ្វើជាម្ចាស់ផ្ទះ មិនទាន់ត្រូវបានប្រកាសនៅឡើយទេ។
សូមបញ្ជាក់ថា កម្ពុជាបានចូលរួមដេញថ្លៃធ្វើជាម្ចាស់ផ្ទះក្នុងព្រឹត្តិការណ៍នេះផងដែរ ដើម្បីបង្ហាញពីពហុកីឡដ្ឋានជាតិមរតកតេជោ ដែលទើបតែសាងសង់រួចសម្រាប់កីឡាករ ដើម្បីសម្របទៅនឹងការត្រៀមខ្លួនធ្វើជាម្ចាស់ផ្ទះ ស៊ីហ្គេម(SEA Games)2023 ដែលកម្ពុជាធ្វើជាម្ចាស់ផ្ទះ៕
អានអត្ថបទបន្ទាប់៖ ស៊ុតចូលប៉ុណ្ណឹងហើយ តែ Owen បែរជារិះគ.ន់ Lingard រឿងមួយនេះទៅវិញ
Jesse Lingard គឺជាអ្នករកបានគ្រាប់បាល់ទី ២ ដែលជាការយក ៣ ពិន្ទុចុងម៉ោងនៅជ័យជម្នះទៅលើ West Ham កាលពីចុងសប្តាហ៍ តែយ៉ាងណាសម្រាប់ខ្សែបម្រើសញ្ជាតិអង់គ្លេសរូបនេះ ក៏មានទាំងមតិសរសើរ និងមតិរិះ.គន់នៅក្រោយចប់ការប្រកួត។
ជាការពិតយើងបានឃើញហើយ ពេល Lingard ស៊ុតបាល់ដ៏ល្អនោះចូលទី គេពុំបានបញ្ចេញស្ទាយអបអរអ្វីនោះទេ ព្រោះជាការគោរពទៅដល់អតីតក្លឹបចាស់ ដែលគេធ្លាប់ខ្ចីជើងទៅចូលរួមបានមួយរដូវកាល ហើយនេះលេងនៅមុខអ្នកគាំទ្រក្រុមញញួររាប់មុឺននាក់ថែមទៀត។
យ៉ាងណាពាក់ព័ន្ធនឹងការដែលមិនអបអរនេះ នាំឲ្យ Michael Owen មានការយល់ឃើញថា វាជារឿងដែលមិនមិនល្អទៅវិញ ព្រោះអីហាក់ដូច Lingard លេងមិនលះទាល់តែសោះ អ៊ីចឹងសារក្រោយបើបាល់ល្មមៗកាត់ឲ្យមិត្តរួមក្រុមចុះ មិនបាច់ស៊ុតទេ។
Owen និយាយ៖ “ការបញ្ចប់ទីមួយគ្រាប់នោះគឺពិតជាស្អាតណាស់ តែអ្វីដែលខ្វះខា.តបំផុត គឺការដែលគេមិនអបអរ ខ្ញុំមិនអាចជឿបានទេ ថាកីឡាករមិនអាចអបអរពេលរកបានគ្រាប់បាល់ទល់ក្លឹបចាស់ ហើយនេះសល់តែ ២ នាទីចុងក្រោយទៀត ដូច្នេះប្រសិនគេមិនចង់ស៊ុតទេ គួរមិនរីករាយនឹងការស៊ុតទេ គេគួរតែបញ្ជូនបាល់ទៅឲ្យអ្នកផ្សេង បើស្ថិតក្នុងករណីហ្នឹង”។
គួរបញ្ជាក់ថា Lingard ក្រោយពីបានខ្ចីជើងលេងឲ្យ West Ham រដូវកាលចាស់ មកដល់ពេលចុងក្រោយនេះ លោក Ole Gunnar Solskjaer ហាក់ប្រើប្រាស់គេញឹកញាប់ជាងមុន ជាពិសេសអាចថាមកពីការជំរុញពី Cristiano Ronaldo ផង ព្រោះអីលឺថា CR7 ចង់បាន Lingard ឲ្យរួមជើងច្រើនលើទីលាន៕
ប្រភព៖ SportBible