កំពូលខ្សែប្រយុទ្ធ Cristiano Ronaldo បច្ចុប្បន្នកំពុងតែមានផ្ទុកនៅវីរុស COVID-19 ក្រោយលទ្ធផលនៃការធ្វើតេសមានសញ្ញាវិជ្ជមាន ដែលជាហេតុធ្វើឲ្យមានការសង្ស័យថា ជំនួបរវាងលោក និងគូប្រជែងចាស់វស្សា Lionel Messi អាចនឹងមានការពន្យារពេល។
ស្របពេលជាមួយនឹងគ្នានេះផងដែរ អតីតជំនួយការគ្រូបង្វឹកនៅក្រុមហង្សក្រហម Liverpool, Phil Thompson បានទម្លាយអាថ៌កំបាំងមួយ ពោលគឺ Ronaldo ប៊ិះតែនឹងគ្រងឈុតក្រុម Liverpool កាលពីឆ្នាំ ២០០៣ បាត់ទៅហើយ មិនមែនក្លាយជាកូនក្រុម Manchester United នោះទេ។
រីឯមូលហេតុដែលវីរបុរសរូបនេះហ៊ានអះអាងបែបនេះក៏ព្រោះតែ រូបលោក និងភ្នាក់ងារ Tony Henry បានយល់ព្រមជាមួយនឹងកិច្ចសន្យាមួយចំនួនរួចស្រេចហើយ តែបែរជាថ្ងៃមួយ ពេលកំពុងទទួលទានបាយថ្ងៃត្រង់ ស្រាប់តែមានព័ត៌មានចុះផ្សាយថា Manchester United ទិញបាន Cristiano Ronaldo ទៅវិញ និងថែមទាំងធ្វើឲ្យអតីតខ្សែការពារប៊ិះតែឈ្លក់បាយថែមទៀត។
ប្រាប់ទៅកាន់ The Atheltic, Thompson មានប្រសាសន៍ថា៖ “ខ្ញុំនៅចាំបានយ៉ាងច្បាស់ពីសម្ដីរបស់ Tony គឺគេមានភាពរស់រាយ និងបាននិយាយពីតម្លៃពលកម្មរបស់ Ronaldo ដែលមានតម្លៃយ៉ាងសមរម្យមួយ គឺ ៤,៤ លានអឺរ៉ូ សម្រាប់រយៈពេល ៤ ឆ្នាំ”។
ខ្ញីចាស់រូបនេះបន្ថែមថា៖ “ស្រាប់តែថ្ងៃមួយ ពេលពួកយើងកំពុងតែទទួលទានអាហារថ្ងៃត្រង់ សារព័ត៌មាន Sky Sports ចុះផ្សាយថា Manchester United ទិញបាន Ronaldo ក្នុងតម្លៃ ១៣,៥ លានផោន ជាហេតុធ្វើឲ្យអ្នកគ្រប់គ្រង Gerard Houllier និងខ្ញុំស្ទើរតែឈ្លក់បាយ”៕
ប្រភព: besoccer
អានអត្ថបទបន្ទាប់៖ (វីដេអូ) អង់គ្លេសរបូត ៣ ពិន្ទុឲ្យដាណឺម៉ាកនៅ UNL ក្រោយការលេង ៩ ទល់ ១១
ការប្រកួតនៅពូល B ជុំទី ៤ សម្រាប់ព្រឹត្តិការណ៍ UEFA Nations League កាលពីយប់មិញ រវាងក្រុមអង់គ្លេសនិងដាណឺម៉ាកបានបញ្ចប់ទៅក្រោមលទ្ធផល ០-១។
តោកំណាចបានចុះថយឱកាសដាក់សម្ពាធទៅលើដាណឺម៉ាក ក្រោយរងពិន័យកាតក្រហមលើកីឡាករ Harry Maguire ដែលលេងតំណែងការពារកណ្តាលនៅនាទី ៣១ រុញឲ្យមានការលេង ១០ ទល់ ១១ ដល់បញ្ចប់ ៩០ នាទី។ រហូតដល់នាទី ៣៥ ទើបខាងដាណឺម៉ាកមានឱកាសសម្រេចគ្រាប់បាល់តាមរយៈការស៊ុតប៉េណាល់ទីធ្វើបានដោយកីឡាករ Christian Eriksen។
កាតក្រហមបានកើតឡើងពីរលើកក្នុងជំនួបនោះ ដោយនៅនាទី ៩០+៤ ខ្សែការពារស្លាប Reece James បានទទួលពិន័យម្តងទៀត ។
ទស្សនាវីដេអូខាងក្រោម៖
https://www.youtube.com/watch?v=wFYgT86H5IE
គិតត្រឹមជុំទី ៤ អង់គ្លេសឈរលេខ ៣ ខណៈបែលហ្សិកឈរកំពូលតារាង កំពុងរក្សាឱកាសឡើងទៅកាន់វគ្គចុងក្រោយនៃពាន Nations League។ ការប្រកួតសល់ ២ ជុំទៀតត្រូវលេងនៅពាក់កណ្តាលខែវិច្ឆិកា ឆ្នាំនេះ៕