Gerard Deulofeu រកឃើញក្លិបថ្មី ដោយបានសម្រេចការផ្ទេរមកកាន់ Udinese អំឡុងការដោះដូរនៅរដូវក្ដៅកន្លងទៅ ហើយរំពឹងថាអាចទទួលបានភាពជោគជ័យក្នុងការត្រលប់ទៅទឹកដីអ៊ីតាលីវិញ។
កីឡាករសញ្ជាតិអេស្ប៉ាញដែលជាអ្នកគាំទ្ររបស់ អតីតខ្សែប្រយុទ្ធ Ronaldinho បាននិយាយលើកសរសើរ បុរសសញ្ជាតិប្រេស៊ីល និង អតីតមិត្តរួមក្រុម Lionel Messi ថាជាវីរបុរសរបស់ Barcelona។
Deulofeu បាននិយាយថា៖ “សម្រាប់ខ្ញុំ Ronaldinho គឺជាកីឡាករល្អបំផុតនៅក្នុងប្រវត្តិសាស្ដ្រ ខ្ញុំបានជួបគាត់ ខ្ញុំមើលការប្រកួតនៅ Camp Nou ហើយគាត់បានអង្គុយក្បែរខ្ញុំ។ វាជាបទពិសោធន៍ដ៏អស្ចារ្យមួយ។”
“Messi ក៏អស្ចារ្យដែរ ខ្ញុំចូលចិត្តគាត់ខ្លាំងណាស់។ ខ្ញុំបានលេងជាមួយគាត់៦ខែ ហើយគាត់ជាមនុស្សល្អ ជាកីឡាករល្អ។ ពិភពលោកទាំងមូលស្គាល់ Messi។”
ប្រភព៖ MARCA
អានអត្ថបទបន្ទាប់៖ (វីដេអូ) អង់គ្លេសរបូត ៣ ពិន្ទុឲ្យដាណឺម៉ាកនៅ UNL ក្រោយការលេង ៩ ទល់ ១១
ការប្រកួតនៅពូល B ជុំទី ៤ សម្រាប់ព្រឹត្តិការណ៍ UEFA Nations League កាលពីយប់មិញ រវាងក្រុមអង់គ្លេសនិងដាណឺម៉ាកបានបញ្ចប់ទៅក្រោមលទ្ធផល ០-១។
តោកំណាចបានចុះថយឱកាសដាក់សម្ពាធទៅលើដាណឺម៉ាក ក្រោយរងពិន័យកាតក្រហមលើកីឡាករ Harry Maguire ដែលលេងតំណែងការពារកណ្តាលនៅនាទី ៣១ រុញឲ្យមានការលេង ១០ ទល់ ១១ ដល់បញ្ចប់ ៩០ នាទី។ រហូតដល់នាទី ៣៥ ទើបខាងដាណឺម៉ាកមានឱកាសសម្រេចគ្រាប់បាល់តាមរយៈការស៊ុតប៉េណាល់ទីធ្វើបានដោយកីឡាករ Christian Eriksen។
កាតក្រហមបានកើតឡើងពីរលើកក្នុងជំនួបនោះ ដោយនៅនាទី ៩០+៤ ខ្សែការពារស្លាប Reece James បានទទួលពិន័យម្តងទៀត ។
ទស្សនាវីដេអូខាងក្រោម៖
https://www.youtube.com/watch?v=wFYgT86H5IE
គិតត្រឹមជុំទី ៤ អង់គ្លេសឈរលេខ ៣ ខណៈបែលហ្សិកឈរកំពូលតារាង កំពុងរក្សាឱកាសឡើងទៅកាន់វគ្គចុងក្រោយនៃពាន Nations League។ ការប្រកួតសល់ ២ ជុំទៀតត្រូវលេងនៅពាក់កណ្តាលខែវិច្ឆិកា ឆ្នាំនេះ៕