ការប្រកួតនៅពូល B ជុំទី ៤ សម្រាប់ព្រឹត្តិការណ៍ UEFA Nations League កាលពីយប់មិញ រវាងក្រុមអង់គ្លេសនិងដាណឺម៉ាកបានបញ្ចប់ទៅក្រោមលទ្ធផល ០-១។
តោកំណាចបានចុះថយឱកាសដាក់សម្ពាធទៅលើដាណឺម៉ាក ក្រោយរងពិន័យកាតក្រហមលើកីឡាករ Harry Maguire ដែលលេងតំណែងការពារកណ្តាលនៅនាទី ៣១ រុញឲ្យមានការលេង ១០ ទល់ ១១ ដល់បញ្ចប់ ៩០ នាទី។ រហូតដល់នាទី ៣៥ ទើបខាងដាណឺម៉ាកមានឱកាសសម្រេចគ្រាប់បាល់តាមរយៈការស៊ុតប៉េណាល់ទីធ្វើបានដោយកីឡាករ Christian Eriksen។
កាតក្រហមបានកើតឡើងពីរលើកក្នុងជំនួបនោះ ដោយនៅនាទី ៩០+៤ ខ្សែការពារស្លាប Reece James បានទទួលពិន័យម្តងទៀត ។
ទស្សនាវីដេអូខាងក្រោម៖
https://www.youtube.com/watch?v=wFYgT86H5IE
គិតត្រឹមជុំទី ៤ អង់គ្លេសឈរលេខ ៣ ខណៈបែលហ្សិកឈរកំពូលតារាង កំពុងរក្សាឱកាសឡើងទៅកាន់វគ្គចុងក្រោយនៃពាន Nations League។ ការប្រកួតសល់ ២ ជុំទៀតត្រូវលេងនៅពាក់កណ្តាលខែវិច្ឆិកា ឆ្នាំនេះ៕
អានអត្ថបទបន្ទាប់៖ (វីដេអូ) ល្អហួស Pogba កាត់បាល់វែងដូចគេចាប់ដាក់ ជាចំណែកសំខាន់ជួយឲ្យបារាំងឈ្នះយប់មិញ
ក្រុមមាន់គកបារាំងបានយកឈ្នះក្នុងលទ្ធផល ២-១ ទៅលើក្រុមជម្រើសជាតិក្រូអាតកាលពីយប់មិញ ដែលជាការរកគ្រាប់បាល់ពីសំណាក់កីឡាករ Antoine Griezmann នៅនាទី ៨ និង Kylian Mbappe នៅនាទី ៧៩។
ចំពោះគ្រាប់បាល់ទី ២ របស់បារាំង គឺជាការសហការដ៏ល្អមួយពីតំបន់ខាងក្រោម មកដល់ប្រព័ន្ធប្រយុទ្ធ តាមរយៈការកាត់បាល់វែងពីពាក់កណ្តាលតារាងចេញពីថ្វីជើងរបស់ Paul Pogba ធ្លាក់ដល់ជើង Lucas Digne នៅក្បែរប្រអប់គ្រោះថ្នាក់ ហើយកាត់ចេញភ្លាមៗឲ្យទៅ Kylian Mbappe បញ្ចប់ទីបានយ៉ាងល្អ។
ទស្សនាវីដេអូខាងក្រោម៖
What a monster pass from Pogba!!! 🔥🔥🔥 pic.twitter.com/fCgHssAAge
— Kipper 🇪🇸🇪🇸 (@TheFTManager) October 14, 2020
ជុំវិញការកាត់បាល់វែងដ៏ល្អនេះ Pogba ក៏ទទួលបានការកោតសរសើរមិនដាច់ពីមាត់ ពីសំណាក់អ្នកគាំទ្រលើបណ្តាញសង្គម ដោយថាខ្សែបម្រើរបស់ Man Utd គឺជាកីឡាករដែលបារាំងត្រូវការជាចាំបាច់៕