នៅកំឡុងខែវិច្ឆិកាជារៀងរាល់ឆ្នាំ ក្លឹបនៅ Premier League ទាំងអស់នឹងអនុវត្តទំនៀមទម្លាប់មួយដែលបណ្តាកីឡាករមានប៉ាក់រូបផ្កានៅលើអាវរបស់ពួកគេ។ ដោយក្នុងការប្រកួតដ៏ធំរវាង Arsenal និង Man Utd កាលពីយប់មិញ ក៏ដើរតាមសកម្មភាពបែបហ្នឹងដែរ តែសម្រាប់ Nemanja Matic គឺមិនបានអនុវត្តនោះទេ។
ហេតុផលដែលខ្សែបម្រើរបស់ក្លឹប Man Utd មិនអនុវត្តដូចបណ្តាកីឡាករដទៃ ក៏ដោយសារតែគេមិនអាចទទួលយកនូវភាពឈឺចាប់ ដែលធ្លាក់លើប្រទេសជាតិរបស់គេ កំឡុងពេលមានសង្រ្គាមកាលពីជាង ២០ ឆ្នាំមុន។
នោះគឺកើតឡើងនៅឆ្នាំ ១៩៩៩ ក្នុងប្រទេសស៊ែប៊ី នៅពេលដែល Matic ទើបតែមានអាយុ ១២ ឆ្នាំ ហើយក្នុងប្រទេសនិងតំបន់រស់នៅរបស់គេមានមនុស្សស្លាប់និងរងរបួសជាច្រើន ក៏ដោយសារតែការទម្លាក់គ្រាប់បែកក្នុងដំណើរការប្រតិបត្តិការយោធាដែលមានប្រទេសជាច្រើនចូលរួម ហើយរួមទាំងយោធារបស់ចក្រភពអង់គ្លេសផងដែរ។
បែបនេះមានន័យថា យោធាអង់គ្លេសក៏មានចំណែកក្នុងការស្លាប់របស់ប្រជាជននៅឯប្រទេសស៊ែប៊ីនាឆ្នាំនោះដូចគ្នា អ៊ីចឹងហើយទើប Matic មិនអាចពាក់រូបផ្កាលើអាវតំណាងដល់ការគោរពសម្រាប់ក្រុមយោធាដែលធ្លាប់សម្លាប់ជាតិសាសន៍របស់គេបាន៕
អានអត្ថបទបន្ទាប់៖ Ancelotti ពន្យល់មូលហេតុដែល មិនដាក់កីឡាករសំខាន់មួយរូបចូលលេង ក្រោយចាញ់ Newcastle
គ្រូបង្វឹកក្រុម Everton លោក Carlo Ancelotti បាននិយាយថា Jordan Pickford នឹងបង្ហាញវត្តមាននៅក្នុងជម្រើស១១នាក់ដំបូង ក្នុងជំនួបទល់នឹង Manchester United នាចុងសប្ដាហ៍នេះ បន្ទាប់ពីរូបគេត្រូវអង្គុយកៅអីបម្រុង ក្នុងការប្រកួតបរាជ័យទល់នឹង Newcastle ដោយលទ្ធផល 2-1។
លោក Ancelotti បានជ្រើសរើស អ្នកចាំទី Robin Olsen ដែលត្រូវបានខ្ចីជើងពីក្លិប Roma កាលពីរដូវក្ដៅកន្លងទៅ សម្រាប់ជម្រើសដំបូង ក្នុងការប្រកួតនៅទឹកដី St. James’ Park។
ជុំវិញការដាក់ Pickford នៅកៅអីបម្រុង លោក Ancelotti បាននិយាយថា៖ “វាគ្រាន់តែជាការផ្ដល់ពេលវេលាឱ្យ Robin ដើម្បីបង្ហាញពីគុណភាពរបស់គេ ដើម្បីបង្ហាញថាគេជាផ្នែករបស់ក្រុម។”
“គេជាអ្នកចាំទីដ៏ល្អម្នាក់។ ពេលនេះ Jordan នឹងត្រលប់មកវិញ។ Olsen នឹងលេងសារជាថ្មី នៅក្នុងប្រកួតផ្សេង ប៉ុន្ដែមិនមែនទល់នឹង Manchester United ទេ។ វាមិនមែនជាបញ្ហានោះទេ។ នៅក្នុងអាជីពរបស់ខ្ញុំ ខ្ញុំចូលចិត្តឆ្លាស់កីឡាករ ដូចជាអ្នកចាំទី ដូចអ្នកដទៃផងដែរ។”
ប្រភព៖ talkSPORT