ត្បិតបើបច្ចុប្បន្នកំពុងបម្រើអាជីពនៅក្លឹបកាំភ្លើងធំ Arsenal តែបើទម្លាយពី iDol ក្នុងដួងចិត្តរបស់ Thomas Partey នោះគឺជាអតីតកីឡាករនៅ Chelsea ឯណោះទេ។
បុរសវ័យ ២៧ ឆ្នាំដែលបានផ្ទេរមកចូលរួមនៅក្លឹបអង់គ្លេសកាលពីប៉ុន្មានខែមុន បានចុចឈ្មោះជើងចាស់មួយរូបនោះគឺ Michael Essien ដែលថាជា iDol របស់ខ្លួនតាំងពីដំបូង ហើយខ្លួនព្យាយាមអនុវត្តការលេងផ្សេងៗតាមបុរសម្នាក់នោះ។
ប្រាប់សារព័ត៌មានផ្លូវការរបស់ Arsenal អតីតកីឡាកររបស់ Atletico និយាយ៖ “គាត់ [Essien] គឺពិតជាខ្សែបម្រើដ៏អស្ចារ្យខ្លាំងណាស់ គាត់តតាំងគ្រប់ពេលវេលាទាំងអស់ ពោលគាត់ជាវីរបុរសដ៏ពិសេសមួយ”។
គេបន្ថែមទៀតថា៖ “សម្រាប់ខ្ញុំគាត់ក៏ជាខ្សែបម្រើដ៏ល្អបំផុតមួយដែលមិនធ្លាប់បានឃើញពីមុនមកនៅអាហ្វ្រិកដែរ ហើយខ្ញុំគិតថាយើងរាល់គ្នាក៏បានឃើញនូវអ្វីដែលគាត់សម្រេចបាននៅ Chelsea ដោយសម្រាប់ខ្ញុំគាត់គឺជា iDol របស់ខ្ញុំ”៕
ប្រភព៖ SoccerLaduma
អានអត្ថបទបន្ទាប់៖ Havertz លើកហេតុផលច្បាស់ៗ ដែលធ្វើឲ្យគេហ៊ានលះបង់ក្លិបកំពូលមួយនេះ ហើយដើរចូល Chelsea ជំនួសវិញ
កីឡាករ Kai Havertz មានបង្ហញថារូបគេពេញចិត្តជាមួយនឹងការផ្លាស់មកកាន់ក្រុមតោខៀវ Chelsea នៅរដូវក្តៅនេះ ដោយសារតែមើលឃើញពីចក្ខុវិស័យរបស់ក្លឹប ហើយថែមទាំងបានមើលឃើញពីឥទ្ធពលរបស់គ្រូបង្វឹកលោក Frank Lampard នៅឯទឹកដី Stamford Bridge ផងដែរ ។
ជាក់ស្តែងកីឡាករវ័យ ២១ ឆ្នាំរូបនេះ បានសម្រេចចិត្តផ្លាស់ពី Bayer Leverkusen ទៅកាន់ក្រុម Chelsea ក្នុងកិច្ចព្រមព្រៀងមួយ ដែលមានតម្លៃខ្លួនប្រមាណ ៧១ លានផោនកាលពីខែកញ្ញា ។
មិនតែប៉ុណ្ណោះវាត្រូវបានគេយល់ថាក្រុម Bayern Munich ក៏បានបង្ហាញចំណាប់អារម្មណ៍យ៉ាងខ្លាំងរបស់ពួកគេ ទៅលើខ្សែបម្រើរូបនេះផងដែរ ស្របពេលរូបគេ ត្រូវបានគេចាត់ទុកថាជាកីឡាករវ័យក្មេងឆ្នើមបំផុតម្នាក់ នៅក្នុងក្របខ័ណ្ឌ Bundesliga ។
តែទោះយ៉ាងណា Havertz បានសារភាពថារូបគេមានមហិច្ឆតាជាមួយក្រុមតោខៀវ ហើយគេកក៏គ្រោងនឹងឈ្នះពានរង្វាន់លីគកំពូលអង់គ្លេសរួមជាមួយក្រុមកីឡាករវ័យក្មេង របស់លោក Lampard នៅរដូវកាលនេះផងដែរ ។
លើសពីនេះ Havertz បានប្រាប់ Sport Bild ថា ៖ “ វាសំខាន់សម្រាប់ខ្ញុំ ដែលត្រូវជ្រើសយកក្លិបមានចក្ខុវិស័យត្រឹមត្រូវ ។ ហើយវាក៏ជាការផ្លាស់ប្តូរដ៏គួរឱ្យរំភើបមួយផងដែរ ។ យើងជាក្រុម ដែលមានកីឡាករក្មេងៗនិងសម្បូរទៅដោយសមត្ថភាព ។ យើងចង់កសាងអ្វីមួយនៅទីនេះ ហើយនឹងប្រយុទ្ធដើម្បីវា ។ ទាំងនេះហើយដែលជាការជម្រុញខ្ញុំយ៉ាងច្រើន ។ ហើយបន្ទាប់មកគឺជាការឈ្នះពានរង្វាន់ជាមួយ Chelsea ” ៕
ប្រភព: Metro