នាយកប្រតិបត្តិក្រុម Bayern Munich លោក Karl-Heinz Rummenigge បានមានប្រសាសន៍ថាបច្ចុប្បន្ន ការប្រកួតរវាងក្រុមរបស់លោក ជាមួយ Borussia Dortmund គឺមានគុណភាពខ្ពស់ជាងការប្រកួត El Clasico រវាងក្រុម Barcelona និង Real Madrid ទៅទៀត ។
ជាក់ស្តែងក្រុម Bayern ទទួលបានទទួលជ័យជំនះចំនួន ៤ លើក ក្នុងចំណោមការប្រកួត ៥ លើកចុងក្រោយរបស់ពួកគេ ទល់នឹងក្រុម Dortmund ស្របពេលក្រុមទាំង ២ បានចែកគ្នារកបានម្នាក់ ១៧ គ្រាប់ នៅគ្រប់ជំនួបទាំងនោះ ។
ដោយឡែកសម្រាប់ការប្រកួត El Clasico ចំនួន ៥ លើកចុងក្រោយ ក្រុមយក្សអេស្ប៉ាញទាំង ២ អាចបំប៉ោងសំណាញ់ទីគ្នាត្រឹម ១០ ប៉ុណ្ណោះ ជាមួយនឹងការប្រកួតរបស់ពួកគេមានភាពញឹកញាប់ជាង ។
ហើយយ៉ាងណាមិញ លោកRummenigge បានប្រាប់ Bundesliga.com ថា ៖ ” វាក្លាយជាជំនួប De Klassiker (ការប្រកួតរវាង Bayern និង Dortmund)។ យើងទាំងអស់គ្នាមើលទៅហាក់ដូចជាច្រណែនជាមួយលីគអេស្ប៉ាញ នៅពេលដែលក្រុម Real Madrid និង Barca ប៉ះគ្នា ក្នុងជំនួន El Clasico ប៉ុន្តែខ្ញុំគិតថាឥឡូវនេះ Dortmund-Bayern គឺជាការប្រកួតដ៏សំខាន់បំផុតមួយ ” ។
លោកបន្តទៀតថា ៖ “ ខ្ញុំគិតថាយើងបានឃើញនៅពេលថ្មីៗនេះ នៅពេលក្រុមយើងលេង វាតែងជាការប្រកួតដ៏អស្ចារ្យមួយ ។ ហើយបច្ចុប្បន្ន នៅពេលខ្ញុំគិតអំពីជំនួបរវាង Madrid-Barca គឺវាមិនអាចប្រៀបធៀបជាមួយគុណភាពរបស់ជំនួបក្រុមយើងឡើយ ។ ដូច្នេះអ្នកអាចនិយាយបានថាក្របខ័ណ្ឌ Bundesliga កំពុងមានកម្រិតលើពួកគេ នៅខណ:ពេលនេះ ” ៕
ប្រភព: Goal
អានអត្ថបទបន្ទាប់៖ ប្រកួតយប់នេះ Messi មានឱកាសបំបែកកំណត់ត្រាប្រវត្តិសាស្ត្រមួយរបស់ Pele
Cadiz នឹងបើកកីឡដ្ឋានស្វាគមន៍ក្លឹប Barcelona នៅវេលាម៉ោង ០៣:០០ នាទីព្រឹក ឈានចូលថ្ងៃទី ៦ ធ្នូ ឆ្នាំ ២០២០ មានផ្សាយផ្ទាល់លើទំព័រ CTS Sports។
តារាឆ្នើម Lionel Messi នឹងមានវត្តមាននៅក្នុងការប្រកួតយប់នេះ ក្រោយពីបានសម្រាកមួយប្រកួតពេលក្រុមលេងទល់ Ferencvaros នៅ UCL កាលពីពាក់កណ្តាលសប្តាហ៍។ តើអ្នកដឹងទេថា M10 មានឱកាសអាចបំបែកកំណត់ត្រាមួយរបស់ Pele នៅយប់នេះ?
នោះគឺកំណត់ត្រានាមកីឡាកររកបានគ្រាប់បាល់ច្រើនបំផុតឲ្យក្លឹបទោល ដោយកំណត់ត្រាចាស់ Pele រកបាន ៦៤៣ គ្រាប់ឲ្យក្លឹប Santos របស់លីគកំពូលប្រេស៊ីល ហើយ Messi បច្ចុប្បន្នមាន ៦៤១ គ្រាប់ក្នុងដៃសម្រាប់ Barcelona។
ប្រសិនរាត្រីនេះ កីឡាករវ័យ ៣៣ ឆ្នាំអាចរកបាន ២ គ្រាប់នោះឈ្មោះរបស់គេនឹងរំកិលតាមស្មើ ហើយប្រសិនរកបាន Hat Trick នោះគឺអាចបំបែកកំណត់ត្រារបស់អតីតជើងចាស់ខាងលើបានហើយ។
បញ្ជាក់ថា Messi នៅរដូវកាល ២០២០/២១ មិនទាន់បង្ហាញទម្រង់លេងដ៏អស្ចារ្យណាមួយនៅឡើយសម្រាប់ក្របខ័ណ្ឌ La Liga ដោយនៅ ៩ ប្រកួតកន្លងមក ទើបរកបាន ៤ គ្រាប់និង Assist ២ លើកប៉ុណ្ណោះ៕ ប្រភព៖ Sportskeeda