សារព័ត៌មាន BeSoccer បានចុះផ្សាយថាក្លឹប Real Madrid កំពុងត្រូវការអ្នកថ្មីមកជំនួសតំណែងចាស់របស់ Mateo Kovacic ដែលទើបផ្លាស់ទៅលេងឲ្យក្រុមតោខៀវក្នុងលក្ខខណ្ឌខ្ចីជើងអំឡុងមុនថ្ងៃទី ៩ សីហា។
យ៉ាងណាមិញសង្កត់ធ្ងន់ពីប្រភព TuttoSport ម្ចាស់ជើងឯក Serie A នឹងបដិសេធសំណើរបស់ក្រុមយក្សអេស្ប៉ាញក្នុងតម្លៃស្នើ ៦០ លានអឺរ៉ូ សម្រាប់កីឡាករ Miralem Pjanic។ ហេតុផលក៏ដោយសារក្លឹបកំពូលរបស់អ៊ីតាលីកំពុងរៀបចំក្រុមសារជាថ្មីសម្រាប់រដូវកាលនេះ បន្ទាប់ពីវត្តមាន Ronaldo ឈានចូលមកដល់កាលពីថ្ងៃទី ១០ កក្កដា ដោយសូម្បីតែ Barca ក៏ធ្លាប់ត្រូវបាន Juve បដិសេធទាំងដែលចង់បានតម្លៃខ្លួន Pjanic ប្រមាណ ៧៥ លានអឺរ៉ូ ពោលគឺចម្លើយបដិសេធដូចគ្នាចង់ផ្ញើទៅក្រុម Los Blancos។
សម្រាប់សាមីខ្លួនផ្ទាល់ផ្អែកតាមប្រភពជិតស្និទ្ធក៏គ្មានបំណងចង់ដើរចេញដូចគ្នា ដោយល្ហិចល្ហៀងថាលោកក៏ត្រៀមបន្តកុងត្រាថ្មីជាមួយក្រុមសេះបង្កង់ក្នុងរយៈពេលយូរដល់រដូវក្តៅឆ្នាំ ២០២៣ តែម្តង។
ប្រភព: BeSoccer