ការជ្រើសរើសលេខអាវ សម្រាប់កីឡាករបាល់ទាត់ក៏រាប់ថាជាអត្តសញ្ញាណដ៏គួរឲ្យចងចាំមួយផងដែរ។ ជាក់ស្តែងដូចសព្វថ្ងៃនេះ បើនិយាយដល់លេខ ១០ អ្នកប្រាកដជានឹកឃើញដល់ Lionel Messi ហើយបើនិយាយដល់លេខ ៧ អ្នកប្រាកដជានឹកដល់ Cristiano Ronaldo។
ចុះអ្នកធ្លាប់ឆ្ងល់ដែរទេថា តើកាលពីដំបូងៗតារាបាល់ទាត់កំពូលទាំងនោះ បានជ្រើសរើសប្រើប្រាស់អាវលេខប៉ុន្មាន?
តាមរបាយការណ៍ពី Bleacher Report យើងបង្ហាញលេខអាវចាស់តាំងពីដំបូងបង្អស់របស់តារាបាល់ទាត់ឆ្នើមទាំង ១០ រូប៖
- Lionel Messi ប្រើប្រាស់លេខ ៣០ នៅរដូវកាល ២០០៤-០៦ ក្លឹប Barcelona
- Sergio Ramos ប្រើប្រាស់លេខ ៣៥ នៅរដូវកាល ២០០៣-០៤ ក្លឹប Sevilla
- Paul Pogba ប្រើប្រាស់លេខ ៤២ នៅរដូវកាល ២០១០-១២ ក្លឹប Man Utd
- Cristiano Ronaldo ប្រើប្រាស់លេខ ២៨ នៅរដូវកាល ២០០២-០៣ ក្លឹប Sporting
- Harry Kane ប្រើប្រាស់លេខ ៣៧ នៅរដូវកាល ២០០៩-១៤ ក្លឹប Tottenham Hotspur
- Mohamed Salah ប្រើប្រាស់លេខ ៣១ នៅរដូវកាល ២០១០-១២ ក្លឹប El Mokawloon SC
- Karim Benzema ប្រើប្រាស់លេខ ៤៤ នៅរដូវកាល ២០០៤-០៥ ក្លឹប Lyon
- Luis Suarez ប្រើប្រាស់លេខ ២០ នៅរដូវកាល ២០០៦-០៧ ក្លឹប FC Groningen
- Eden Hazard ប្រើប្រាស់លេខ ៣៦ នៅរដូវកាល ២០០៧-០៨ ក្លឹប Lille
- Virgil van Dijk ប្រើប្រាស់លេខ ៤៨ នៅរដូវកាល ២០១០-១១ ក្លឹប FC Groningen៕
ប្រភព៖ BR/Football
អានអត្ថបទបន្ទាប់៖ គ្រូថ្មី PSG យល់ឃើញបែបណាចំពោះការលេងរបស់ Mbappe ក្រោយមិនអាចយកជ័យជម្នះលើក្រុមពាក់កណ្ដាលតារាង?
លោក Mauricio Pochettino បានបង្ហាញការយល់ឃើញលើ Kylian Mbappe នៅក្នុងសន្និសីទសារព័ត៌មានក្រោយចប់ការប្រកួតជាលើកដំបូង ក្នុងនាមជាអ្នកចាត់ការក្លិប Paris Saint-Germain។
អតីតគ្រូបង្វឹកក្រុម Tottenham រូបនេះបានឈរបញ្ជាកូនក្រុម PSG នៅក្នុងការប្រកួតដំបូងទល់នឹងក្រុមពាក់កណ្ដាលតារាង Saint-Etienne នៅ Ligue 1 ដែលបញ្ចប់ដោយលទ្ធផល ១-១ ហើយលោក Pochettino បាននិយាយពីអ្វីដែលក្រុមរបស់លោកត្រូវតែផ្លាស់ប្ដូរ។
នៅពេលត្រូវបានសួរនាំពី Mbappe លោក Pochettino បាននិយាយថា៖ “ពិតណាស់ ខ្ញុំរីករាយជាមួយនឹងការលេងរបស់គេ ប៉ុន្ដែគេត្រូវធ្វើឱ្យបានល្អជាងនេះ”។
“ខ្ញុំដឹងថាគេចង់រកគ្រាប់បាល់ហើយលេងកាន់តែល្អ និងឈ្នះការប្រកួត។ គេពិតជាខកចិត្ត។ រាល់កីឡាករត្រូវការព្យាយាមបន្ថែម ហើយក្រុមទាំងមូលក៏ត្រូវការពង្រឹងបន្ថែមផងដែរ”៕
ប្រភព៖ MARCA