លោក Mauricio Pochettino បានបង្ហើបឱ្យដឹងថាគាត់ធ្លាប់ខិតជិត ក្នុងការនាំយក Lionel Messi មកលេងក្រោមការដឹកនាំរបស់ខ្លួន កាលនៅដឹកនាំឲ្យក្រុម Espanyol ស្របពេលបច្ចុប្បន្នក្រុម PSG កំពុងមានទំនាក់ទំនងខ្លាំង ក្នុងការចុះហត្ថលេខាលើខ្សែប្រយុទ្ធអាហ្សង់ទីនរូបនេះ ។
ជាក់ស្តែងក្រុមម្ចាស់ជើងឯក Ligue 1 ត្រូវបានគេរាយការណ៍ថាកំពុងស្ថិតក្នុងចំណោមក្លិបកំពូលៗ ផ្សេងទៀត ដែលមានចេតនាចុះហត្ថលេខាលើ Messi ប្រសិនបើគេសំរេចចិត្តចាកចេញពី Barcelona នៅចុងបញ្ចប់នៃរដូវកាល ២០២០-២១ នេះនោះ ។
រំលឹកផងដែរថា Messi ហាក់មិនបានបដិសេធអំពីបំណងប្រាថ្នារបស់ខ្លួន ក្នុងការដើរចេញពីទឹកដី Camp Nou កាលពីរដូវក្តៅមុននោះទេ ស្របពេលបេក្ខភាពប្រធានក្លិបថ្មី លោក Joan Laporta សង្ឃឹមថាការឡើងកាន់តំណែងរបស់គាត់ នឹងជួយបញ្ចុះបញ្ចូលខ្សែប្រយុទ្ធរូបនេះ ឱ្យស្នាក់នៅបន្តទៀត ។
ហើយយ៉ាងណាមិញ Pochettino ហាក់មិនចង់និយាយអ្វីច្រើននោះទេ អំពីចំណាប់អារម្មណ៍របស់ក្រុម PSG ទៅលើ Messi នាពេលបច្ចុប្បន្ននេះ ប៉ុន្តែបុរសសញ្ជាតិអាហ្សង់ទីនរូបនេះ ក៏បានរំលឹកថាគាត់ធ្លាប់ខិតជិតនាំយកកីឡាករជំនាញជើងឆ្វេងរូបនេះ មកលេងក្រោមការដឹកនាំរបស់ខ្លួនដែរ ពេលគេនៅមានវ័យជំទង់នៅឡើយ ។
មិនតែប៉ុណ្ណោះ លោក Pochettino បានពន្យល់ទៅកាន់ El Larguero ថា ៖ “ Messi ទៅ PSG ? ខ្ញុំអត់មានយោបល់អ្វីទេ ។ ប៉ុន្តែនៅពេលខ្ញុំនៅក្លិប Espanyol ឬ Southampton ក្តីសុបិន្តរបស់ខ្ញុំគឺចង់មានកីឡាករឆ្នើមៗ នៅក្រុមរបស់ខ្ញុំ ហើយ Messi គឺធ្លាប់ខិតជិតខ្ចីជើងមកកាន់ Espanyol ផងដែរ” ។
លោកបន្តទៀតថា ៖ ” កិច្ចព្រមព្រៀងនេះគឺមានភាពខិតជិតមែនទែន ប៉ុន្តែគាត់បានបង្ហាញទម្រង់លេងដ៏អស្ចារ្យមួយ ក្នុងការប្រកួតមិត្តភាពនៅឯ Trofeo Gamper ដែលនោះហើយរឿងគ្រប់យ៉ាងត្រូវបានបញ្ចប់ទៅវិញ ។ ហើយពេលនេះ ខ្ញុំពិតជាមិនចង់និយាយអ្វីអំពី Messi ច្រើនទេ ស្របពេលដែលអ្វីៗ គឺនៅមិនទាន់មានភាពច្បាស់លាស់នៅឡើយ” ៕
ប្រភព: Goal
អានអត្ថបទបន្ទាប់៖ Koeman ឆ្លើយតបដូចគ្មានភ័យ.ព្រួយ រឿងភាគីខាង PSG បង្ហើបថាចង់បាន Messi
កន្លងទៅដូចអ្នកបានដឹងស្រាប់ហើយ នាយកជាន់ខ្ពស់របស់ក្លឹបបារាំង PSG គឺលោក Leonardo បាននិយាយថា ក្លឹបរបស់ខ្លួនរីករាយនឹងការទុកចន្លោះសម្រាប់ Lionel Messi ក្រោយពេលដែលគេផុតកុងត្រាជាមួយ Barcelona នាចុងខែមិថុនា ឆ្នាំ ២០២១។
យ៉ាងណាមិញថ្មីៗនេះ អ្នកចាត់ការរបស់អ្នកមានបុណ្យគឺលោក Ronald Koeman បានចេញមកបកស្រាយ ដោយឆ្លើយតបក្នុងន័យប្រយោល ថាបើសួរខ្លួនចង់បានកីឡាករឆ្នើមរបស់ PSG ឬអត់ ក៏លោកឆ្លើយថាចង់បានដូចគ្នា។
ថ្លែងនៅសន្និសីទសារព័ត៌មានកាលពីពេលកន្លងទៅ បុរសសញ្ជាតិហូឡង់និយាយ៖ “បើអ្នកសួរខ្ញុំថាមានការចាប់អារម្មណ៍លើ Neymar ឬ Mbapee ឬអត់ ក៏ខ្ញុំឆ្លើយថា Yes ដែរ”។
បន្ថែមដល់រឿងរ៉ាវពិន័យកាតក្រហមលើ M10 លោក Koeman ក៏បានឆ្លើយបន្តថា៖ “Leo គេខិតខំហ្វឹកហាត់យ៉ាងសកម្មដដែល ដោយខ្ញុំមើលមិនឃើញថាគេមានរឿងអ្វីចម្លែកទេ ដោយអ្នករាល់គ្នាសោក.ស្តាយសម្រាប់លទ្ធផលនាវគ្គផ្តាច់ព្រ័ត្រ តែយើងនៅតែបន្តអភិវឌ្ឍ ហើយ Leo ក៏គេនឹងចូលរួមដែរ”៕
ប្រភព៖ AF