ដំណឹងផ្លូវការបានចុះផ្សាយនៅថ្ងៃចុងក្រោយនៃការបិទទីផ្សារដោះដូរ ដោយសម្រាប់ក្លឹប Juventus បានប្រកាសចែកផ្លូវជាមួយកីឡាករ Sami Khedira ជាផ្លូវការហើយ ខណៈទ្រនំថ្មីរបស់គេគឺនៅក្លឹប Hertha Berlin របស់ប្រទេសអាល្លឺម៉ង់។
ការផ្ទេរនេះគឺស្ថិតក្នុងលក្ខខណ្ឌផ្ទេរឥតតម្លៃខ្លួន ហើយភាគីខាង Hertha ព្រមផ្តល់កុងត្រារយៈពេលតែ ៦ ខែប៉ុណ្ណោះសម្រាប់ខ្សែបម្រើខាងលើ។
រំឭកថាកន្លងមក កីឡាករសញ្ជាតិអាល្លឺម៉ង់ក៏ធ្លាប់លេងនៅលីគ Bundesliga ជាមួយក្លឹប Stuttgartដែរ តែចាកចេញនៅឆ្នាំ ២០១០ ទៅចូលរួមជាមួយ Real Madrid។ គេរួមជើងនៅ Real បាន ៥ ឆ្នាំ លេងបាន ១៦១ ប្រកួត រកបាន ៩ គ្រាប់និង Assist ១៣ លើក ហើយ ៥ ឆ្នាំទៀតនៅ Juvenuts លេងបាន ១៤៥ ប្រកួត រកបាន ២១ គ្រាប់និង Assist ១៣ លើក។
ប៉ុន្តែនៅរយៈពេលមួយឆ្នាំចុងក្រោយ Khedira ពុំបានបង្ហាញខ្លួនលើទីលាននោះទេ ដោយសារតែបញ្ហារបួសផងអីផង គួបផ្សំណាមួយទៀតក្រោមការដឹកនាំរបស់លោក Andrea Pirlo ក៏មិនពេញចិត្តពីគុណភាពលេងរបស់គេ។ បង្វែរទៅ CEO ក្លឹប Hertha Berlin លោក Carsten Schmidt បានសរសើរ Khedira បែបនេះថា៖ “គេជាកីឡាករដែលមានភាពជាអ្នកដឹកនាំល្អ និងពោរពេញដោយបទពិសោធន៍”៕
ប្រភព៖ AF
អានអត្ថបទបន្ទាប់៖ Sportitalia: មេធំអតីតក្លិបមួយរូប ទាក់ទងលោក Maurizio Sarri ទៅដឹកនាំពួកគេជាថ្មី
តាមការរាយការណ៍នៅអ៊ីតាលីបានឱ្យដឹងថា ប្រធានក្លិប Napoli លោក Aurelio de Laurentiis បានទាក់ទងលោក Maurizio Sarri តាមទូរសព្ទ បន្ទាប់ពី Nopoli បរាជ័យក្នុងការប្រកួតទល់នឹង Hellas Verona ដែលធ្វើឱ្យគ្រូបង្វឹក Gennaro Gattuso មានការខឹងស.ម្បារយ៉ាងខ្លាំង។
បើតាមការឱ្យដឹងពី Sportitalia ម្ចាស់ក្លិប Napoli រូបនេះ បានខលទៅរកលោក Sarri ដែលធ្លាប់ដឹកនាំ Napoli កន្លងមក ហើយលោកពុំទាន់មានក្លិបដឹកនាំទេនាពេលបច្ចុប្បន្ន ក្រោយពីត្រូវបាន Juventus បណ្ដេញពីតំណែងកាលពីចុងរដូវកាលមុន។
ហើយលោក Gattuso ដែលជាអ្នកចាត់ការបច្ចុប្បន្នរបស់ Napoli ក៏បានដឹងពីរឿងនេះហើយមានការមិនសប្បាយចិត្ដ ទោះក្រុមរបស់លោកទទួលបានជ័យជម្នះ ២-០ លើក្រុម Parma កាលពីថ្ងៃអាទិត្យក្ដី។
នៅពេលដែលត្រូវបានសួរនាំពីទំនាក់ទំនងជាមួយម្ចាស់ក្លិប, លោក Gattuso បានឆ្លើយតបថា៖ “វានៅតែជាទំនាក់ទំនងដ៏ល្អ ប៉ុន្ដែខ្ញុំមិនអាចប្រកែកបានទេថា នៅ១៥ ឬ ២០ថ្ងៃចុងក្រោយ មានរឿងខកចិត្តមួយចំនួនមកលើខ្ញុំ សម្រាប់គ្រប់យ៉ាងដែលបានកើតឡើង”។
“ខ្ញុំមិនមែនមនុស្សលាក់ពុតទេ ប៉ុន្ដែមានតែការគោរពប៉ុណ្ណោះ។ គាត់មិនបានធ្វើឱ្យខ្ញុំមិនសប្បាយចិត្តនៅរឿងអ្វីមួយនោះទេ។ ខ្ញុំជាបុគ្គលិករបស់គាត់ ខ្ញុំបានស្នើគាត់នាំយក [Tiemoue] Bakayoko ហើយគាត់នាំយកគេមកឱ្យខ្ញុំ ពិតជាការគោរពដ៏អស្ចារ្យ”៕
ប្រភព៖ Football Italia