កាលពីប៉ុន្មានថ្ងៃមុននៅតែមានមតិចម្រូង.ចម្រាសថាគ្រាប់បាល់របស់ Cristiano Ronaldo នៅមិនទាន់អាចក្លាយជាកីឡាកររកបានគ្រាប់បាល់ច្រើនបំផុតក្នុងប្រវត្តិសាស្ត្រទេ។
នោះក៏ដោយសារគ្រាប់បាល់ផ្លូវការដែលគេប្រកាស Josef Bican រកបាន ៧៥៩ គ្រាប់ ធាតុពិតគឺរកបាន ៧៦២ គ្រាប់ឯណោះ ពោលគឺស្មើនឹង Pele [តួលេខចាស់គេកំណត់ថា Pele រកបាន ៧៥៧ គ្រាប់)។
យ៉ាងណាមិញឆ្លងកាតយប់មិញនេះ CR7 បានបន្ថែម ២ គ្រាប់ទៀតហើយនៅជំនួបទល់ Inter Milan ដែលរំកិលឲ្យគ្រាប់បាល់ក្នុងអាជីពរបស់កីឡាករព័រទុយហ្គាល់កើនឡើងសរុបដល់ ៧៦៣ គ្រាប់។ តាមរបាយការណ៍ពី Marca បានអះអាងថា លទ្ធផលនេះគឺសម្រេចយកច្បាស់ការហើយថា Ronaldo នាំមុខដាច់គេទាំងអស់ក្នុងប្រវត្តិសាស្ត្រ។
សម្រាប់ Ronaldo មានគ្រាប់បាល់ ៣១ គ្រាប់នៅ Sporting CP ១១៨ គ្រាប់នៅ Man Utd ៤៥១ គ្រាប់នៅ Real Madrid ១១១ គ្រាប់នៅ Juventus និង ១០២ គ្រាប់នៅព័រទុយហ្គាល់។ តួលេខច្បាស់ការដែលកីឡាករដទៃអាចមានឱកាសប្រជែង Ronaldo បានក្នុងសម័យកាលនេះ គឺមានតែ Lionel Messi តែប៉ុណ្ណោះ ដែលគេឈរលេខរៀងទី ៥ មាន ៧២០ គ្រាប់និងមិនទាន់ចូលនិវត្ត៕
ប្រភព៖ Marca
អានអត្ថបទបន្ទាប់៖ កម្សាន្តភ្នែកមួយខែពេញ! តាំងពីដើមដល់ចុងខែ មានប្រកួតធំៗទាំង ៨ លេងជាបន្តបន្ទាប់
នៅខែកុម្ភៈ អាចរាប់ថាជាកាដូឆ្នាំថ្មីដ៏ពិសេសមួយសម្រាប់អ្នកគាំទ្រវិស័យកីឡាបាល់ទាត់ ដោយមានផ្តល់ជូននៅការប្រកួតធំៗជាច្រើនបណ្តាក់គ្នាតាំងពីថ្ងៃបើកទំព័រដើមខែដល់បញ្ចប់ថ្ងៃទី ២៨។
មិនថាតែការប្រកួតនៅក្របខ័ណ្ឌកំពូលទាំង ៥ ប្រចាំតំបន់អឺរ៉ុប ក៏ដូចជាពានរង្វាន់ UEFA Champions League សុទ្ធសឹងតែត្រលប់មកព្រមគ្នា ហើយសុទ្ធតែជាគូមរ.ណៈទៀតផង។ គ្រប់ការប្រកួតទាំងអស់នឹងមានផ្សាយផ្ទាល់នៅលើទំព័រ CTS Sports ដែលក្លែមសម្តីដោយអ្នកអធិប្បាយពូកែវោហារស័ព្ទដូចជា Admin សូរិយា និង Admin ជីវន្តជាដើម។
តោះកុំភ្លេចកត់ទុក យើងបង្ហាញកាលបរិច្ឆេទប្រកួតទាំង ៨ ដូចខាងក្រោម៖
- Liverpool ប៉ះ Man City នៅ Premier League វេលាម៉ោង ១១:៣០ នាទីយប់ ថ្ងៃអាទិត្យ ទី ៧ កុម្ភៈ
- Juventus ប៉ះ Inter Milan នៅ Coppa Italia វេលាម៉ោង ០២:៤៥ នាទីព្រឹក ថ្ងៃពុធ ទី ១០ កុម្ភៈ
- Barcelona ប៉ះ PSG នៅ UCL វេលាម៉ោង ០៣:០០ នាទីព្រឹក ថ្ងៃពុធទី ១៧ កុម្ភៈ
- Liverpool ប៉ះ Everton នៅ Premier League វេលាម៉ោង ១២:៣០ នាទីរំលងអាធ្រាត្រ ថ្ងៃអាទិត្យ ទី ២១ កុម្ភៈ
- AC Milan ប៉ះ Inter នៅ Serie A វេលាម៉ោង ០៩:០០ នាទីយប់ ថ្ងៃទី ២១ កុម្ភៈ
- Atletico Madrid ប៉ះ Chelsea នៅ UCL វេលាម៉ោង ០៣:០០ នាទីព្រឹក ថ្ងៃទី ២៤ កុម្ភៈ
- Atalanta ប៉ះ Real Madrid នៅ UCL វេលាម៉ោង ០៣:០០ នាទីព្រឹក ថ្ងៃទី ២៥ កុម្ភៈ
- Chelsea ប៉ះ Man Utd នៅ Premier League វេលាម៉ោង ១១:៣០ នាទីយប់ ថ្ងៃទី ២៨ កុម្ភៈ