ក្លឹប Manchester City គឺជាក្លឹបនៅអង់គ្លេសទី ១ ដែលបានប្រកាសដកឈ្មោះចេញពីផែនការណ៍បង្កើតពានរង្វាន់ថ្មី European Super League។ ពាននេះត្រូវបានគេទទួលស្គាល់ថា បង្កើតឡើងលើគោលដៅមកប្រឆាំងនឹងពានរបស់ UEFA។
យ៉ាងណាជាមួយការសម្រេចរបស់ City ដែលជាគំរូដំបូងសម្រាប់ក្លឹបដទៃ ក៏ត្រូវបានប្រធាន UEFA លោក Aleksander Ceferin និយាយបែបនេះថា៖ “ខ្ញុំពិតជារីករាយនិងស្វាគមន៍ជាថ្មីនៅការវិលត្រលប់របស់ City មកកាន់គ្រួសារអឺរ៉ុបរបស់យើង”។
លោកបន្ថែមទៀតថា៖ “ពួកគេបានបង្ហាញពីភាពឈ្លាសវៃ និងស្តាប់តាមសំឡេងភាគច្រើន ជាពិសេសគឺអ្នកគាំទ្ររបស់ពួកគេ ហើយយកប្រយោជន៍រួមដើម្បីក្លឹបបាល់ទាត់ទាំងអស់នៅអឺរ៉ុប ជាការពិត City គឺជាធនធានល្អពិតប្រាកដ ដោយខ្ញុំពិតជារីករាយនឹងការសហការជាមួយពួកគេបន្តទៅទៀត ដើម្បីអនាគតដ៏ល្អរបស់ពួកយើងទៅថ្ងៃខាងមុខ”។
គួររំឭកថា ប្រធាន UEFA លោក Ceferin បានព្រមានទុកជាមុនរួចដល់ក្លឹបទាំងអស់ ថាប្រសិនណាទៅចូលរួមជាមួយ ESL ដែលដឹកនាំដោយលោក Florentino Perez នោះពួកគេនឹងគ្មានសិទ្ធចូលរួមការប្រកួតពានអឺរ៉ុប ឬពានក្នុងស្រុក ហើយសូម្បីតែកីឡាករក៏មិនអាចលេងនៅ FIFA World Cup បានដែរ៕
ប្រភព៖ AF
អានអត្ថបទបន្ទាប់៖ Perez ឆ្លើយតបបែបនេះវិញភ្លាម ក្រោយត្រូវគេសួររឿងវិលត្រលប់មកក្រុម R.Madrid វិញរបស់ Ronaldo
នៅក្នុងបទសម្ភាសជាមួយ El Chiringuito ថ្មីៗនេះ ប្រធានក្លិប Real Madrid លោក Florentino Perez បានបង្ហាញពីចំណាប់អារម្មណ៍របស់គាត់មួយចំនួនទាក់ទងទៅនឹងការបង្កើតពាន ESL ហើយក្នុងឱកាសនោះគាត់ក៏បានឆ្លៀតនិយាយអំពីការវិលត្រលប់មកវិញរបស់ខ្សែប្រយុទ្ធ Cristiano Ronaldo ផងដែរ ។
ជាក់ស្តែងមានការលើកឡើងជាច្រើន បង្ហាញថាក្លិប Madrid កំពុងព្យាយាមយ៉ាងខ្លាំង ដើម្បីចុះហត្ថលេខាលើជាថ្មីម្តងទៀត លើម្ចាស់ពានរង្វាន់ Ballon d’Or ៥ សម័យកាល បន្ទាប់ពី Roanldo បានសម្រេចចិត្តចាកចេពីទឹកដីអេស្ប៉ាញ ដោយផ្ទេរទៅកាន់ក្រុម Juventus ក្នុងនាមជាអ្នករកគ្រាប់បាល់ច្រើនបំផុតរបស់ក្លិបនៅ ២០១៨ ។
ប៉ុន្តែទោះជាយ៉ាងណាក៏ដោយលោក Perez បានបញ្ជាក់យ៉ាងច្បាស់ថាគ្មានការដេញថ្លៃណាមួយត្រូវបានធ្វើឡើងសម្រាប់បុរសសញ្ជាតិព័រទុយហ្កាល់វ័យ ៣៦ ឆ្នាំរូបនេះឡើយ ។
មិនតែប៉ុណ្ណោះ Perez និយាយថា ៖ “ Cristiano Ronaldo នឹងមិនត្រលប់មក Real Madrid វិញទេ ។ វាមិនសមហេតុផលទេ គាត់មានកិច្ចសន្យាជាមួយ Juventus ។ ខ្ញុំស្រឡាញ់គាត់ខ្លាំងណាស់ គាត់បានផ្តល់អ្វីៗជាច្រើនដល់យើង ” ៕
ប្រភព: Goal