ក្លឹបក្រមុំលឿង Borussia Dortmund ត្រូវបានគេរាយការណ៍ថា កំពុងរៀបចំទទួលយកសំណើនៃការចរចានាំយក Jadon Sancho ចេញពីក្លឹបហើយ ប្រសិនអាចទទួលបានតម្លៃក្បែរ ៨០ លានផោនលើការផ្ទេរចេញនេះ។
តម្លៃនេះរាប់បានថារាងចុះថោកបន្តិច បើធៀបនឹងតម្លៃពីពេលមុនដែលឡើងក្រែលដល់ទៅក្បែរ ១០០ លានផោនឯណោះ។ វាជួនពេលដែល Dortmund អាចនឹងបាត់បង់កៅអីលេង UCL រដូវកាលក្រោយផង បែបនេះភាគរយច្រើនក៏ Sancho នឹងគិតចង់ចាកចេញដែរ។
បញ្ជាក់ពីសារព័ត៌មាន SPORT បានឲ្យដឹងថា ដោយសារក្លឹប Dortmund កាន់តែត្រូវការកញ្ចប់ថវិកាមកប្រើប្រាស់កំឡុងពេលជួបជំងឺរាត.ត្បាត COVID-19 ពួកគេក៏ត្រូវតែលក់កីឡាករដែលមានតម្លៃខ្ពស់ចេញ ហើយការលក់ Sancho ជាជម្រើសល្អបំផុត។ ក្លឹបធំ ២ នៅអង់គ្លេសមាន Man Utd និង Liverpool គឺជាគោលដៅធំដែលអាចទិញយកកីឡាករវ័យក្មេងរូបនេះ ហើយប្រសិនណា Dortmund អាចទទួលបានតម្លៃចន្លោះពី ៧៤ ទៅ ៧៨ លានផោនអី គឺពួកគេនឹងលក់ចេញហើយ។
រំឭកដែរថា Sancho នៅរដូវកាលនេះ បង្ហាញខ្លួន ៣៤ ប្រកួត រកបាន ១២ គ្រាប់និង Assist ១៨ លើក ខណៈដែលសុពលភាពកុងត្រារបស់គេត្រូវផុតនៅឆ្នាំ ២០២៣៕
ប្រភព៖ Sportsmole
អានអត្ថបទបន្ទាប់៖ បន្តសង្រ្គា.មពាក្យសម្តី! Lukaku ផ្ញើសារមួយឲ្យលោកព្រះ Zlatan ក្រោយក្រុមឈ្នះពាន Serie A
Inter Milan បានក្លាយជាក្រុមឈ្នះជើងឯករដូវកាល ២០២០/២១ ដោយវ៉ាដាច់ច្រើនជាង ១០ ពិន្ទុធៀបនឹងក្រុមឈរលេខ ២។ ជាមួយជ័យជម្នះនេះក៏បានធ្វើឲ្យកីឡាករក្នុងក្រុមមានមោទនភាពជាខ្លាំង ព្រោះជាការពិត Inter ខកខានលើកពាន Serie A រយៈពេល ១១ ឆ្នាំមកហើយ។
មកមើល Romelu Lukaku ដែលជាខ្សែប្រយុទ្ធរកគ្រាប់បាល់ច្រើនបំផុតឲ្យ Inter រដូវកាលនេះ ក៏បានផ្ញើសារមួយទៅកាន់លោកព្រះ Zlatan Ibrahimovich ដោយឆ្លើយតបទៅនឹងពាក្យចុងក្រោយដែលកីឡាករវ័យចំណាស់របស់ AC Milan ធ្លាប់បាននិយាយថា៖ “ទីក្រុង Milan គ្មានស្តេចនោះទេ គឺមានតែព្រះ”។
យ៉ាងណាមកមើលសាររបស់ Lukaku វិញបានសរសេរក្រោយក្លាយជាក្រុមឈ្នះជើងឯក៖ “ព្រះពិតប្រាកដបានគ្រោងមកុដហើយ សូមក្រាបថ្វាយបង្គំ នេះគឺជាស្តេចប្រចាំ Milano”។
គួររំឭកថា Lukaku និង Zlatan ក្រៅពីប៉ះគ្នាលើបណ្តាញសង្គម ពួកគេក៏ធ្លាប់ប៉ះទង្គិចលើទីលានផងដែរ ហើយនាំឲ្យអ្នកគាំទ្រមួយចំនួនបានគូររូបគំនូររវាងអ្នកទាំងពីរ លើជញ្ជាំងសាធារណៈក្នុងទីក្រុង Milan ថែមទៀតផង ដែលរាប់ថាពួកគេជាគូសត្រូ.វដ៏គួរឲ្យជក់ចិត្តមួយ៕
ប្រភព៖ AF