ក្រុមជើងឯករង FIFA World Cup 2018 ក្រូអាតបានបរាជ័យក្រោមថ្វីជើង ក្រុមលេខ១ក្នុងតារាង FIFA Ranking បែលហ្ស៊ិក ក្នុងការប្រកួតមិត្តភាពកម្ដៅសាច់ដុំដោយលទ្ធផល ១-០។
ខ្សែប្រយុទ្ធឆ្នើម Romelu Lukaku រកគ្រាប់បាល់ជ័យជម្នះសម្រាប់បែលហ្ស៊ិកនៅនាទីទី៣៨ ក្នុងតង់ទី១។
ក្រុមរបស់លោក Roberto Martinez នឹងជួបជាមួយរុស្ស៊ីក្នុងថ្ងៃប្រកួតបើកឆាក EURO 2020 នៅថ្ងៃទី១២ ខែមិថុនា មុនពេលតតាំងជាមួយដាណឺម៉ាក នៅថ្ងៃទី១៧ ខែមិថុនា ហើយជួបជាមួយហ្វាំងឡើងនៅ៤ថ្ងៃបន្ទាប់។
ដោយឡែក ខ្សែបម្រើឆ្នើម Kevin de Bruyne នឹងចូលរួមក្រុមបែលហ្ស៊ិកនៅថ្ងៃចន្ទនេះ បន្ទាប់ពីទទួលបានការវះកាត់កម្រិតស្រាល លើរបួសមុខ ក្រោយរងការប៉ះទង្គិចអំឡុងការប្រកួតវគ្គផ្ដាច់ព្រ័ត្រ UEFA Champions League រវាង Man City និង Chelsea៕
អានអត្ថបទបន្ទាប់៖ ទីបំផុត! ពានរង្វាន់កីឡាករល្អបំផុតប្រចាំឆ្នាំរបស់ PFA រកឃើញម្ចាស់ហើយ តែមិនមែន Dias ឬ Fernandes ឡើយ
ទីបំផុតពានរង្វាន់កីឡាករឆ្នើមជាងគេបំផុតប្រចាំឆ្នាំ នៅក្នុងក្របខ័ណ្ឌ Premier League ឬអោយឈ្មោះថា PFA ត្រូវបានប្រកាសជាផ្លូវការហើយ ខណ:ពានរង្វាន់លក្ខណ:បុគ្គលដ៏ល្បីល្បាញនេះត្រូវធ្លាក់ទៅលើដៃខ្សែបម្រើរបស់ក្រុម Manchester City កីឡាករ Kevin De Bruyne ។
ជាក់ស្តែង De Bruyne គឺជាកីឡាករទីមួយហើយ ដែលបានឈ្នះពានរង្វាន់នេះ សម្រាប់ ២ រដូវកាលជាប់ៗគ្នា បន្ទាប់ពីខ្សែប្រយុទ្ធ Cristiano Ronaldo ដែលធ្លាប់ធ្វើបានដូចគ្នា សម្រាប់រដូវកាលឆ្នាំ ២០០៦-០៧ និង ២០០៧-០៨ ។
យ៉ាងណាមិញ De Bruyne បានរក្សាទម្រង់ដ៏លេងលេចធ្លោរបស់គេសម្រាប់ក្រុម Man City នៅរដូវកាលនេះ ដោយបានជួយឲ្យក្រុមរបស់លោក Pep Guardiola ឈ្នះពានរង្វាន់ក្របខ័ណ្ឌ Premier League ជាលើកទី ៣ ក្នុងរយៈពេល ៤ ឆ្នាំ ដោយស៊ុតបញ្ចូលទី ៦ គ្រាប់ និង assist បាន ១២ លើកថែមទៀតផង ពីការបង្ហាញខ្លួន ២៥ ប្រកួត ។
ហើយនៅចុងបញ្ចប់ខ្សែបម្រើសញ្ជាតិប៊ែលហ្សុិករូបនេះ អាចផ្តួលមិត្តរួមក្រុម City របស់គេ គឺកីឡាករ Phil Foden, Ilkay Gundogan និង Ruben Dias រួមទាំងខ្សែប្រយុទ្ធ Harry Kane របស់ក្រុម Tottenham និងខ្សែបម្រើ Manchester United កីឡាករ Bruno Fernandes ដើម្បីឈ្នះពានរង្វាន់ PFA នៅរដូវកាលនេះ ៕
ប្រភព: Sportbible