ភ្នាក់ងាររបស់កីឡាករ Jorginho របស់ក្លិប Chelsea មិនបានបដិសេធចំពោះលទ្ធភាពនៃការត្រលប់មក Serie A វិញរបស់ខ្សែបម្រើការពាររូបនេះឡើយ ហើយលោកបានលើកឡើងថា ក្រុមជម្រើសជាតិអ៊ីតាលីបច្ចុប្បន្ន ស្រដៀងទៅនឹងក្រុម Napoli កាលលោក Maurizio Sarri ដឹកនាំ។
ក្រុមអ៊ីតាលី នឹងជួបប្រកួតតទល់ជាមួយអូទ្រីសនៅរាត្រីនេះ នៅកីឡដ្ឋាន Wembley ក្នុងវគ្គ១៦ក្រុមចុងក្រោយ EURO 2020 ខណៈខ្សែបម្រើ Jorginho ជាកីឡាករស្នូលម្នាក់នៅក្នុងក្រុមលោក Roberto Mancini។
ភ្នាក់ងារ Joao Santos បាននិយាយថា៖ “ក្រុមអ៊ីតាលីរបស់លោក Roberto Mancini ធ្វើឱ្យខ្ញុំនឹកឃើញដល់ លោក Sarri នៅ Napoli។ ដំបូងគាត់បានឈ្នះ Europa League ជាមួយ Chelsea ពេលនេះគាត់កំពុងធ្វើបានល្អនៅអ៊ីតាលី។ Jorginho ទទួលបានការតបស្នងវិញនូវតម្លៃនៃការខំប្រឹងប្រែងរបស់គេ”។
នៅពេលនិយាយពីអនាគតរបស់ Jorginho អ្នកតំណាងរបស់កីឡាកររូបនេះ បាននិយាយពីការអាចត្រលប់មក Serie A វិញផងដែរ។ លោកបន្ដថា៖ “គោលដៅរបស់គេគឺការផ្ដល់នូវកិច្ចសន្យាថ្មី ដូច្នេះការរស់នៅទីក្រុងឡុងដ៍ខ្លីបំផុតក៏នៅពេលចប់កិច្ចសន្យាដែរ។ ប្រសិនបើពួកគេមិនបន្ដកិច្ចសន្យាថ្មីទេ គេរីករាយក្នុងការត្រលប់មកអ៊ីតាលីវិញ។ សង្ឃឹមថាជាក្លិប Napoli ចុះ”៕
ប្រភព៖ Football Italia
អានអត្ថបទបន្ទាប់៖ នាំឲ្យស្គាល់ Mbappe តូច អាយុទើប ១៥ ឆ្នាំកំពុងដើរតាមគន្លងបងប្រុសនៅក្លឹប PSG
ស្របពេលដែលដំណឹងបន្តកុងត្រាថ្មីរបស់ Kylian Mbappe មិនទាន់ចេញតម្រុយច្បាស់លាស់នោះ ទៅមើលប្អូនប្រុសបង្កើតរបស់គេ ក៏បានសម្រេចជាផ្លូវការហើយថានឹងបន្តឈរជើងនៅក្លឹបបារាំងលើសុពលភាពកុងត្រាថ្មីរយៈពេល ៣ ឆ្នាំបន្ថែម។
ប្អូនរបស់របស់ Kylian មានឈ្មោះ Ethan Mbappe ដែលគេទើបតែចុះហត្ថលេខាបន្តកុងត្រាថ្មីដល់រដូវក្តៅឆ្នាំ ២០២៤។ កន្លងទៅគេក៏ធ្លាប់លេចវត្តមាននៅពានរង្វាន់ ICC Futures កាលពីឆ្នាំ ២០១៩ ផងដែរ។
សរសេរលើ Instagram កីឡាករ Ethan Mbappe និយាយ៖ “ខ្ញុំពិតជាមានមោទនភាពក្នុងការបន្តជាមួយក្រុម PSG”។ ទន្ទឹមនេះក្លឹបបារាំងក៏បានប្រកាសពីការនាំយកយុវជនមួយរូបទៀតផងដែរ មានឈ្មោះ Senny Mayulu កើតនៅឆ្នាំ ២០០៦។
បញ្ជាក់ថា Ethan Mbappe គេមិនមែនលេងតំណែងប្រយុទ្ធដូចជាបងប្រុសគេទេ ផ្ទុយទៅវិញលេងនៅតំណែងបម្រើកណ្ដាល ឬអាចបម្រើការពារ។ អ្នកគាំទ្រកំពុងទន្ទឹងរង់ចាំមើលថាតើ Kylian Mbappe គេនឹងបន្តកុងត្រាថ្មី ឬចាកចេញ ព្រោះបើបន្តប្រហែល ៣-៤ ឆ្នាំបន្ទាប់ អាចមានវត្តមានបងប្អូនទាំងពីររួមជើងលើទីលានក៏ថាបាន៕
ប្រភព៖ AF