ស្របពេលដែលដំណឹងបន្តកុងត្រាថ្មីរបស់ Kylian Mbappe មិនទាន់ចេញតម្រុយច្បាស់លាស់នោះ ទៅមើលប្អូនប្រុសបង្កើតរបស់គេ ក៏បានសម្រេចជាផ្លូវការហើយថានឹងបន្តឈរជើងនៅក្លឹបបារាំងលើសុពលភាពកុងត្រាថ្មីរយៈពេល ៣ ឆ្នាំបន្ថែម។
ប្អូនរបស់របស់ Kylian មានឈ្មោះ Ethan Mbappe ដែលគេទើបតែចុះហត្ថលេខាបន្តកុងត្រាថ្មីដល់រដូវក្តៅឆ្នាំ ២០២៤។ កន្លងទៅគេក៏ធ្លាប់លេចវត្តមាននៅពានរង្វាន់ ICC Futures កាលពីឆ្នាំ ២០១៩ ផងដែរ។
សរសេរលើ Instagram កីឡាករ Ethan Mbappe និយាយ៖ “ខ្ញុំពិតជាមានមោទនភាពក្នុងការបន្តជាមួយក្រុម PSG”។ ទន្ទឹមនេះក្លឹបបារាំងក៏បានប្រកាសពីការនាំយកយុវជនមួយរូបទៀតផងដែរ មានឈ្មោះ Senny Mayulu កើតនៅឆ្នាំ ២០០៦។
បញ្ជាក់ថា Ethan Mbappe គេមិនមែនលេងតំណែងប្រយុទ្ធដូចជាបងប្រុសគេទេ ផ្ទុយទៅវិញលេងនៅតំណែងបម្រើកណ្ដាល ឬអាចបម្រើការពារ។ អ្នកគាំទ្រកំពុងទន្ទឹងរង់ចាំមើលថាតើ Kylian Mbappe គេនឹងបន្តកុងត្រាថ្មី ឬចាកចេញ ព្រោះបើបន្តប្រហែល ៣-៤ ឆ្នាំបន្ទាប់ អាចមានវត្តមានបងប្អូនទាំងពីររួមជើងលើទីលានក៏ថាបាន៕
ប្រភព៖ AF
អានអត្ថបទបន្ទាប់៖ Perez ចេញមុខនិយាយហើយ ពីស្ថានភាពកីឡាករមួយរូបដែលក្លឹប Man Utd ចង់បាន
តាមដំណឹងចុងក្រោយអ្នកបានដឹងហើយថា ក្លឹបបិសាចក្រហម Manchester United ហាក់ចាប់ចិត្តចង់នាំយក Raphael Varane លើទីផ្សារដោះដូររដូវក្តៅខាងមុខ តែថ្ងៃនេះប្រធានក្លឹប Real Madrid លោក Florentino Perez បានចេញមុខមកបញ្ជាក់អំពីរឿងរ៉ាវនេះហើយ។
Varane ត្រូវផុតកុងត្រានៅឆ្នាំក្រោយ ២០២២ ហើយគេជឿថា ប្រសិនសាមីខ្លួនមិនបន្តកុងត្រាថ្មី នោះ Real នឹងលក់ចេញឲ្យបានមុនឆ្នាំក្រោយ ជៀសវាងក្លាយជាកីឡាករឥតតម្លៃខ្លួន។ តាមតម្លៃផ្ទេរ Varane អាចផ្តល់ចំណូលចូល United ខ្ទង់ ៤០ លានផោន។
យ៉ាងណាតាមការបញ្ជាក់របស់ Perez បែរជានិយាយបែបនេះប្រាប់ El Transistor ថា៖ “ខ្ញុំអានព័ត៌មានជាច្រើនអំពី [Varane ចាកចេញ] តែខ្ញុំមិនដឹងអ្វីទាំងអស់ ដោយយើងមិនទាន់បាននិយាយជាមួយ Varane ទេ ព្រោះគេកំពុងលេងនៅ Euro ហើយគេស្ថិតនៅកុងត្រា ១ ឆ្នាំទៀតជាមួយក្លឹប ស្របពេលដែលក្លឹបរបស់យើងក៏មិនទាន់ទទួលបានការដាក់សំណើពីភាគីក្លឹបណាមួយនៅឡើយ”។
លោកបន្តថា៖ “គេជាសុភាពបុរសមួយ ប្រសិនគេចង់បន្តនៅ គេនឹងនៅ ហើយបើអត់ទេ ក៏គេនឹងចាកចេញ”។
បញ្ជាក់ថា សម្រាប់ក្រុមដឹកនាំដោយលោក Ole Gunnar Solskjaer ប្រសិនជាខក.ខានការនាំយក Varane នោះក្លឹបក៏អាចជាបង្វែររ៉ាដាទៅលៃលកខ្សែការពាររួមក្លឹប Sergio Ramos ដែលទើបតែផុតកុងត្រាវិញ តែសំខាន់ស៊ីសងលើសាមីខ្លួនគេព្រមផ្ទេរមក Old Trafford ឬអត់តែប៉ុណ្ណោះ៕
ប្រភព៖ Metro