អ្នកចាត់ការលោក Jose Mourinho ហាក់កំពុងសកម្មខ្លាំងក្នុងការលៃលកថានឹងត្រូវយកកីឡាករចំណូលថ្មីរូបណាខ្លះ ដើម្បីត្រៀមបើករដូវកាលថ្មី ២០២១/២២ ខាងមុខ ខណៈដែលភារកិច្ចចម្បងរបស់លោក គឺត្រូវធ្វើបែបណាជួយ AS Roma ឲ្យត្រលប់ទៅរកភាពល្អប្រសើរវិញ ឬបានកៅអីលេង Champions League សារជាថ្មី។
ក្នុងចំណោមគោលដៅជាច្រើនដែលអ្នកចាត់ការសញ្ជាតិព័រទុយហ្គាល់សម្លឹងឃើញ ក៏មានមួយរូបនៅក្លឹបបិសាចក្រហម Manchester United នោះគឺខ្សែការពារស្លាបឆ្វេង Alex Telles។
តាមប្រភពពី Calciomercato ចុះផ្សាយថា គ្រូថ្មី Mourinho ចង់បាន Telles មកជំនួសតំណែងស្លាបរបស់ Leonardo Spinazzola ដែលលោកគិតថាមិនអាចបន្តជួយក្រុមតទៅទៀតឡើយនៅពេលខាងមុខ។ ណាមួយដោយយល់ឃើញថា Telles គេក៏ចង់ចាកចេញដែរ ព្រោះនៅ Old Trafford បានត្រឹមជាស្រមោលរបស់ Luke Shaw ហើយនៅរដូវកាលក្រោយ ក៏គេនៅតែជឿថា Shaw នឹងមានឱកាសច្រើនជាង Telles ក្រោយពីបានបង្ហាញទម្រង់លេងយ៉ាងល្អឲ្យអង់គ្លេសនៅ Euro 2020 កន្លងទៅ។
រំឭកថា Telles ត្រូវបាន United ទិញយកពីក្លឹប Porto នៅតម្លៃខ្លួន ១៥ លានអឺរ៉ូ កាលពីខែតុលាឆ្នាំ ២០២០ ហើយមកទល់បច្ចុប្បន្នអាចមានតម្លៃផ្ទេរចេញវិញ ២០ លានអឺរ៉ូ។ សុពលភាពកុងត្រារបស់កីឡាករវ័យ ២៨ ឆ្នាំ ត្រូវផុតនៅឆ្នាំ ២០២៤ ឯណោះ៕
ប្រភព៖ Calciomercato
អានអត្ថបទបន្ទាប់៖ Ramos ប្រាប់ឥតលាក់បាំង អំពីមូលហេតុមួយដែលខ្លួនផ្ទេរមក PSG ទាំងមិនស្ទាក់ស្ទើរ
ក្រោយទំនេរជើងពីក្លឹប Real Madrid បានប៉ុន្មានសប្តាហ៍ Sergio Ramos ក៏ប្រកាសភ្លាមៗអំពីដំណឹងផ្ទេរមកចូលរួមនៅក្លឹបថ្មី Paris Saint-Germain ជាផ្លូវការ ហើយតាមចចាមអារ៉ាមលឺថាលោកបដិ.សេធសំណើក្លឹបមួយចំនួននៅអង់គ្លេសទៀតផង។
ជុំវិញហេតុផលដែលកីឡាករសញ្ជាតិអេស្ប៉ាញពុំមានការស្ទាក់ស្ទើរ ក្នុងការផ្ទេរមកក្លឹបបារាំងសារនេះ សាមីខ្លួនបញ្ជាក់ថា ក៏ដោយសារឃើញពីភាពស្រេក.ឃ្លាននៃជ័យជម្នះរបស់កីឡាករ ហើយខ្លួនលោកផ្ទាល់ចង់ក្លាយជាចំណែកជួយក្លឹបឈ្នះពាន Champions League ជាលើកដំបូងក្នុងប្រវត្តិសាស្រ្ត។
ម្ចាស់ពានរង្វាន់ Champions League ៤ សម័យកាល Ramos និយាយប្រាប់ PSG TV ថា៖ “អ្វីដែលខ្ញុំចាប់អារម្មណ៍ក្លឹប [PSG] នេះបំផុត គឺភាពរឹងមាំ ជាស្រេក.ឃ្លានក្នុងការចង់ទទួលបានជ័យជម្នះរបស់កីឡាករ”។
លោកបន្ត៖ “ពួកគេបានឡើងដល់វគ្គផ្ដាច់ព្រ័ត្រ Champions League រួចរាល់ហើយ តែបានត្រឹមកៀកនឹងទទួលបានជ័យជម្នះ ហើយនេះជាចំណុចអូស.ទាញខ្ញុំ ហើយប្រសិនខ្ញុំអាចចូលរួមចំណែកជួយបង្កើតជ័យជម្នះនៅពេលខាងមុខបាន វាពិតជារឿងដ៏អស្ចារ្យ ជាក្តីស្រមៃខ្ញុំចង់ឈ្នះពាន Champions League លើកទី ៥ និងលើកទី ១ សម្រាប់ក្លឹបរបស់យើង”៕
ប្រភព៖ SoccerLaduma